١٩٩٩

يطير الشرار وكل نار ٍ لها شبّاب

[١٩٩٩ @mvtairii]

يا حلم عمري "السبعة وعشرين"
لا قبلك و لا من بعدك ، أعياد

أنتي عمر ما هي ثلاث سنين
وأجمل وطن و أغلى و أعز بلاد

كم إنتظرت مْن الغياب ، تجين
و مرت سنة بعدك و لا الله راد

كل ما طريتي و العرب ممسين
أمتّر الكويت ، رايح رااااد

[احمد الجدعان @qer_21]

يا رفيقي بعد دجنا وساع الدروب
ولا شكينا مساريها ولا حرّها

صاحبك لاهو منافق ولاهو كذوب
مير بقعى تفره يوم .. ويفرّها

تدري انه عن اكبار المواقف ينوب
وتدري انه يسر الناس ويضرّها

عايشٍ فـ الحياه وغارقٍ فـ الذنوب
اللي اتشب فيني نار .. واتكرّها

صرت ادور عن الواقع وسيلة هروب
ودي ان كل لحظه مره امرّها

لا تعاتب وانا عبدً عجز لا يتوب
عن هوى اللي يباري خيرها شرّها

جادلٍ كنها الريم الجفول اللعوب
لا مشت تسحر اللي زينها غرّها

غربتني شمال وغربتني جنوب
كل ما قل شوقي .. ترسل اصورّها

بنت من يارد العد القراح الجذوب
فتنةٍ تستحق .. بـ قلبي اصرّها

كل ما درجت خطواتها دوب دوب
ما تمنيت غير اذوق محمرّها

كن ربي خلقها من نسيم الهبوب
جعل ربي يقويني على برّها

حالفٍ لـ اقضي الايام معها طروب
واتصايد هواها لين ما اسرّها

المحبه دوى الانفس وطب القلوب
ومن تجرع حلاها ما شكى مرّها

[مـخـباط . . @_Mb72]

حمدتك على خير وحمدتك على مكروه
وسبحانك اللي لا ألتجى عبدك أنصفته

- صالح بن حمد

[بندر الدويش @bdweesh]

يامليحة ماتبقى من عتادي
غير شعر وعاشقك شاعر زمانه

شاعرك لايمكن انْه يكون عادي
لاصحى شوقه يصح الله لسانه

حلمي اللي ماكبى دونه جوادي
مستعد احارب الدنيا عشانه

الحرم والنفط وانتي في بلادي
اعظم الثروات واعلاهن مكانه

[مزيد الوسمي @mzed_9]

ياجميله والجفا اللي صار ماله سبه
لا وحق اللي من بطون السحايب صبّك

انك اصدق من سراب الما وعمق الغبه
وألطف من الغربي اللي كل صبح يهبّك

كان ساورتك ظنون العالم المشتبه
تبت ايد اللي على بعض الظنون يتبّك

لا تخلين آخر اللي فيك خايف ربّه
مرتع اللي مايخاف العاقبه من ربّك

الجميع تغيّره الأيام حبه .. حبه
وانتي اول من تغيرتي عليه محبّك

[مـخـباط . . @_Mb72]

تجاهلت واقع معطياتي ورحت اعيش
على اضغاث حلمٍ داري إنّ ماهو بحاصل

- صالح النشيرا

[١٩٩٩ @mvtairii]

أشرب قبل تقفي عليك المشارب
ما للحسايف فـ المقابيل راحه

السم دايم في ذيول العقارب
والحر دايم رفِعته من جناحه

لا تعطي الدنيا استراحة محارب
حارب ترا الدنيا ما فيها استراحه

[جرّاح العتيبي @AL___9999]

شعور الحنين اللي يجي كل ليلة عيد
يلخبط شعور الفرحه اللي نصايدها

اللي فاقد ٍ له بنت اكابر وشيخة غيد
و قبل ما يعايد نص ربعه يعايدها

يصوّت ضميري فـ الحشا كنه بن مهيد
على الطلّه اللي فـ اول العيد فاقدها

حلالاه ياذاك المعنّق و ذاك الجيد
اليا علّقت فستانها و نقشت يدها :)

[الحاكم @_alhakm]

يُفضل المُحب أن يحظى بالقليل من المحبوبة على أن لايفقدها نهائيًا وعن سياسية التقتير في العاطفة والقليل الذي يكفي

يقول المتنبي:

"وجودك بالمقام ولو قليلًا
فما فيما تجود به قليلٌ"

وأجمله عن عويّد النجود:

"حتى لو إن وصلك من الحول للحول
على بقايا الحب للحين صامل"

[مـخـباط . . @_Mb72]

المكان اللي ليا جيناه حصلنا الجفيّا
جعلنا نعتاض فيه البعد والصحراء الخليه

- محمد الشمالي رحمه الله

[الحاكم @_alhakm]

أنا ضد طلال مداح يوم قال: "أحبّك لو تحب غيري"

وضد عبدالمجيد يوم قال: "رح لغيري بس جنبك خلني"

أنا مع مساعد الرشيدي حين قال:

"إن كان شمسك تساومني على ظلّك
ما عاد أبي منك لا شمسٍ ولا فيّة

إما تعالي لقلبٍ فز لك كلك
وإلا اتركيني ما أبي لك بالهوى جيّة"

[١٩٩٩ @mvtairii]

مضى مامضى واللي مضى ينذكر بـ الخير
ولا عاد ينفع . . ودّك إني / ولّو انك

شبع قلبي من ملاوع الضيق و التفكير
إلين اكتفا .. ولا انت ما ينشبع منك

[أثير المقاطي @at5ie]

"يا نجد وش حيلة اللي ضاع منه الكلام
اليا تكلم تلعثم وإن سكت ما صبر

من عاش منفي عن أرضك لو يعيش بسلام
أقرب له الميّت اللي ما لقو له قبر"

[١٩٩٩ @mvtairii]

التغاضي عجز لا طال القصور
ليه اداري و إنت عني ما انت داري

لا تسمي صمتي البارح غرور
إنكساري خلف هالصمت إمتواري

لو قريت المنكتب "بين السطور"
ما كتبت لـ غلطة العمر إعتذاري

[١٩٩٩ @mvtairii]

انا طريح الشوق واقف على الباب
وانت "اللبيب" اللي يعرف الاشاره

سكر حبيبي وسط كوب الغلا ذاب
ارجوك حرك كوبنا بإستداره ..

[١٩٩٩ @mvtairii]

تعرف مَحلك مثل ما اعرف محلِي
ان كانها في وصل والا قطاااااعه

ماعادني المهتم .. والمزعج اللي
يشتاق لك "اربع وعشرين ساعه " ✈️

[١٩٩٩ @mvtairii]

ياهل مصر والليل هذا ما هو ليل
واناا ما بين الذبذبه .. والسكينه

ترسي بواخركم على شاطي النيل
وترسي بواخرنا على شط عيييينه

[١٩٩٩ @mvtairii]

على عيدك مبارك تاقف امال انتظاري سيد
هي اللي كانها ما جات منك مالها شاغر

تمر الذاكره كنك شغف جدة ثياب العيد
شعورً كل ما كني كبرت اعود له صاغر

تلاعبك الطواري في خيالي واتهدا واتزيد
مثل ليعاب ذعذاع النسيم لـ ريشة الداغر

[١٩٩٩ @mvtairii]

أنت تزهاك القلايد وتنطرك العياد
فرد لكن ، تملي الناس والدنيا فرح

عيّد .. الله لا يوريك حزن ولا سهاد
ينشرح صدري ليا صار صدرك منشرح !

[١٩٩٩ @mvtairii]

انا بـ ظلك يالرموش المظاليل
عن الجفا واحساس حرْ المفارق

وش داعي الأحزان والهم و الويل
وحنا كذا ولّا كذا بنتفارق :(