عساه إليا تزبّر فوق دارك يا حبيبي .. هلّ
سحابٍ شد عينك بارقه، وأهتز خفّاقي
فداك من السنين أعزّها.. ومن الغلا ما جل؛
عن التوصيف، وأبيات القصيد، وشرهة أوراقي
أنا في وجهك السمح العفيف تلدّ لي، ما ظل
معي من قوّ باس من الغياب وشانت أخلاقي
يمرّك الخوف متطمن بليل الحروب
وصوت الصواريخ ما حرّك جريد نْخلك
ما غير خفاقك الأخضر حبيب الهبوب
وما غير ربّك وأمانه ظلة يظللك
من دونك الموت يضحك في وجيه الخطوب
ولا نغني عبث (يا دار حنا هلك)
يوم الحناجر تغص وتنحشر بالقلوب
حنا سلالة شجيعٍ في رحابك هلك
وحنا جلاميدك اللي بالصبابة نذوب
ويومك وماضيك والحينك ومستقبلك
في عينك ملوك الأرض اللي تروس الشعوب
ماهم مثلك أعز الناس شعب وملك