َ

[َ @n_q6ri]

لاتجاملني .. ترى قلبي احساسه ثقيل
لو تقول " أهلاً وسهلاً " يحس أنه يمون

أنت لو تدري بحبك طلبت المستحيل
مستحيل عندك ، وعندي أهون مايكون

[َ @n_q6ri]

محد قدك الا قدك المترف الميّاس
وشقارٍ يدينك تجمعه . . وارجع اثرّه

من أقواس جسمك ودي إني مابين أقواس
الأقواس ماهي قيد يا نفسي الحره

[َ @n_q6ri]

خذيتك من عيون اللي يبونك مرجله وعناد
مثل ما يأخذ البحار من جُوف البحر .. دانه

[َ @n_q6ri]

ياحظ القصيد اللي يبا يعجبك معناه

[َ @n_q6ri]

يارب وانت القوي واللي معك ما يُضام
ومشاعر اليأس ياربي ماهي في يدي
⠀
أنهكني الضيق واستنزفني الإنهزام
وانت اعلم اني بذلت ولا ذخرت جهدي
⠀
جنّبني الياس وإزرع وسط روحي سلام
فيه أتجاوز طريق أحلامي الجرهدي

[َ @n_q6ri]

أفزعي للي على باب وصلك مستهيم
كل ماقلتي " هلا " جاك يحسبها " تعال "

[َ @n_q6ri]

لو اقدر ارجّع اللي طاح من عيني
سنيني الاوّله وشلون ارجّعها ؟

ماني بـ متحسّف انها ضاعت سنيني
متحسّف اني فقدت اللي مضيّعها

[َ @n_q6ri]

أرتجي من طارف الناس لو كلمة مجار :(

[َ @n_q6ri]

يداعب دقّة الخافق حديثه

[َ @n_q6ri]

قفت و انا اقول لا قفت من الباقي ؟
والروح من بعدها ماتت و لا حييت
َ
كن صوت خطواتها في ساعة افراقي
خطاوي الناس لا انكفت عن الميت !

[َ @n_q6ri]

القصيد العذب يا جرحه وطبّه
ما يعَدّ الا على وصلك وصدّك

ان تراضينا كتبت اللي تحبه
وان تجافينا كتبت اللي يردك

[ناصر مناحي @Nmnaa7y]

رفرفة روحي ،

[َ @n_q6ri]

لي قلب من شيمته لا من نسته القلوب
صد ومعه كلمةٍ تجرح .. ولا قالها

[منيف الجراش @JrashM]

أنا في رجاء غرو سحرني بزين احكاه
وهو جعلني ماذوق حزنه مواعدني

قد اليوم ثاني يوم وأنا على رجواه
عز الله ما عيدّت كانه ما عايدني :)

[َ @n_q6ri]

امرهم مشتاق و اروح مشتاق
وانهب لذيذ الوقت منهم نهابه

امر لو فنجالهم ما هو يِساق
وضويّهم مافي نحاها رحابه

كله عشان اللي تكسر لها اعناق
وتحط ثلثين النسا في ضبابه

لو ناض ذاك الليل فالجو براق
حلفت بـ انها مزنةٍ من سحابه

حتى لو ان حنا اختلفنا بالاعراق
تبقى مشاعرنا النزيهه تشابه

[َ @n_q6ri]

ما خنتك ولو ان ذاك عاذل و ذا نقّاد
وذا يرمي الهرجه .. و هذاك يرميني

دخيلك ما عاد اقوى و هرج العواذل زاد
ابي حجةٍ قدّامهم لا تخليني

لا قالو نستك اليوم مرّي بدون مناد
و ضميني بـ يدّيك لو ما تحبيني

[َ @n_q6ri]

مابعتك بالسحايب والبروق السّمر والأنسام
وساموني بتلويحة وداع وبـعت بأوّل سوم :(

[َ @n_q6ri]

ولاطعت فيك الناس والناس نقاده

[بندر الدويش @bdweesh]

غريب وتستثيره كل نسمه من وطنْه تهب
يدور له جليس يسامره ويبدد سكاته

لو انه وسط مقهى كن روحه في غيابت جب
وش اللي ينقذه ولا وش اللي يجمع شتاته

قرت فنجاله اللي ماتخاف الله وقالت: حب
يهزه من سنين صباه لين اخر محطاته

[َ @n_q6ri]

أنتي طمآنينة الروح وشعور السلام
في قربك النفس ماتاخذ تدابيرها

تمر الأيام في قربك على ما يرام
يا بهجة عيوني ويا أغلى مساييرها

"أحبك" اللي تجي فجأه مابين الكلام
أكثر أحبك لها .. فـ القلب تأثيرها !