Nour@💎

Dentist 🦷

[Abanoub Mahrous @BobFairhair]

بس بردو فاتت عن خيال الدكتور أحمد خالد توفيق أن الحرب العالمية التالتة ممكن تقوم بسبب تصعيد غير مبرر ضد دمياط

[Hazem @Hazem_5aled]

فى ناس فاكرة انك طالما اخدت أجازة يبقى انت بقيت فاضى ميعرفوش ان انا ورايا
ندم على الماضى
تعايش مع الحاضر
تفكير فى المستقبل

[WTF ? @Mohamed62019639]

دوافع الاستمرارية سولد أوت ، ماشيين بالبركه

[حلا @halamhmedd]

الحاجة اللى مش هتموتك هتخليك تتويت خمسين تويت فى اليوم

[𝒮ℋℐℳ𝒜𝒜 @Shimaayousry10]

نفسي اعرف مين إكتشف فكرة see more اللي في بوستات الفيس دي عشان اتف عليه

[Lara marzouk @laramarzoouk]

الحلو في تويتر إنك بتتكلم لوحدك ومفيش حد مهتم.

[ليييييه ! @tantaawi1]

انت محتاج تبطل تعاطف مع البني آدمين وتبدأ تتعاطف مع نفسك شوية

[1907 @Aymanyasser0]

انا اكتشفت ان من الحاجات الكويسة فالدنيا ان الواحد ميبقاش فاضي

[Mariam • @unfmariam]

من أول چولاي لاخر سبتومبر

[H @dopamei7]

اللي محضرش تويتر لما كان بيبان انت عملت لايك لايه محضرش تويتر

[Marwa @Moorrrrrrrrii]

عندي دموع مؤجلة

[Ahmed Sarhan @Sarhanism]

محدش بيتكلم عن الburnout و تتنيحة الشغل اللي بعد اجازة طويلة، اللي هو بتبدأ تحسب يا ترى لو سبت الشغل انهاردا اقدر اعيش مرتاح اد ايه ب ٣٦٠٠ جنيه في الشهر

[بــاهــي 🃏 @bahy_shawky]

مستقبلك بعد ما كنت بتوصل لصفحة ال treatment و تكسل تذاكرها :

[بجلاء ندر @AshesOfHope22]

دا هيبقي نفس رأي ال٣ اطفال لما يكبرو ويكتئبو من أنانية أهلهم والمعاناة اللي هيكملو بيها حياتهم

[Billy @0Coldblood]

لما تقول لنفسك اكيد خير عشان متتجننش

[Speak Up @SpeakUp_00]

⚠️ محتوى صـادم

سميرة أم من كرداسة اتجوزت من ١٣ سنة؛ وخلفت ٣ بنات خلال سنين جوازها، أصغرهم عندها سنة ونص.

جوزها كان عنده أزمة مع خلفة البنـات، ومقتنع إن ده بسبب مراته.
لحد آخر طفلة رفض يسجلها أو يستخرج لها شهادة ميلاد، وسميرة اضطرت ترفع قضية نسب عليه عشان تثبت وجود بنتها.. وخلال سنين جوازهم، كان دايمًا بيضربها.

يوم الأربع اللي فات البنت الكبيرة (١٢ سنة) نزلت تشتري فطار، وقعدت هي وأخواتها مع باباهم ومامتهم يفطروا.
بعد الفطار، الأب قال إنه عايز يتكلم مع الأم، ودخّل البنـات أوضة تانية وقفل عليهم بالمفتاح.

حسب التحقيقات، الأم رفضت تمارس علاقـة مع جوزها بسبب إنه متعاطى للمـخدرات.. ووقتها بدأ يضربها.

حسب كلام البـنت الكبيرة، قالت أنها سمعت صوت مامتها وهي بتقوله:
"حرام عليك هتــموتني.. سيبني أعيش عشان خاطر عيالي وكفاية ضرب فيا"

لكن الأب ما وقفش، والبنات ما سمعوش صوت مامتهم تاني.

فضلوا في الأوضة لحد الأب ما خرّج البنت الكبيرة تعمله شاي وأكل.
ولما سألته عن مامتها، قال إنها تعبانة ونايمة شوية.

بعدها خرجهم من الأوضة، وجاب صاحبه يشربوا مخــدرات في البيت،
ولما خلصوا قال للبنات يناموا.

طول الوقت ده، البنت كانت بتحاول تخبط على مامتها، بس مفيش رد،
ودوّرت على المفتاح وملاقتهوش عشان الأب مخبيه.

تاني يوم، الأب صحى، فطر، نزل البنـات لجدتهم، وخد هدوم وقال إنه رايح مشوار.. وهرب.

البنت لقت المفتاح في الغسالة، فـ الجدة أخدته عشان تطلع تشوف الأم؛ وطلعت لقتها مـقـ.ـتولة وجسمها منفوخ لأنها مـاتت من فترة.

٣ أطفال اتيتموا بسبب أب مجرم، وبسبب ناس لسه بتقول إن مفيش حاجة اسمها اغتصـ.ـاب زوجي.. لأن دي مش جريمة فردية، دي نتيجة مباشرة لفكرة أن جسم الزوجة من حق الزوج

الإغتصاب الزوجي جريمة؛ ومن حق كل ست تقول "لأ" من غير ما تدفع حياتها تمن لكده.

وقبل ما نسأل ليه سميرة كملت مع شخص معنِـف وبيتعاطى مخدرات، لازم نلاقي طرق تحمي اللي زي سميرة عشان ما يواجهوش نفس المصير!

[إسراء @deadmentellnath]

عزيزتي ليلى، ماذا أفعل؟ بجد