ناصر بن حمد💙💛

يمكنك إغلاق عينيك. لأشياء لا تريد أن تراهاولكن لا يمكنك إغلاق قلبك لأشياء لا تريد أن تشعر بها

[ناصر بن حمد💙💛 @nex9922]

@NASSER7ALFAGIH @AlawlaTv لا صح الاية

[ناصر بن حمد💙💛 @nex9922]

@A_abn_Saman سارقها ومعفصها الله يعفص رقبته😂😂😂😂

[عبدالله بن ناصر بِن سعمان @A_abn_Saman]

📍روايتك غير صحيحة يالراوي وعليك مراجعة مصادرك
✍️📓القصة والقصيدة موثقه منذو اكثر من سبعين سنة . دور غيرها ووجيه محلف لهم من الفعول مايغني عن التعريف .
اما ذي معصي وهي لجدي #سعد_بن_سعمان #آل_حلفه #آل_سعد #الجحاد #قحطان وابن عمه #سعد_بن_مفرح وهذي موثوقيتها 👇
هذا ماوجب التنويه له .
: عبدالله بن ناصر بن عبدالله بن سعد بن سعمان آل حلفه آل سعد

[راكان بن عايض @n4twwt]

بين لوعة ذا الزمن وأيامه المسودّه
ياوجودي كل مايطري عليّ الماضي

اختلف حتّى الرفيق الّي شرينا ودّه
عقب ماكنّا ذراه من اللهيب اللاضي

يوم شفت ان التشره هجمته مرتدّه
صار لي فتره مفعّل خدمة المتغاضي

مسلمٍ مشغول في طاعة كريم المدّه
ماني ب فاضي ل طرّاد الكلام الفاضي

راكان عايض

[راكان بن عايض @n4twwt]

#الصلاة_على_النبي

[ناصر بن حمد💙💛 @nex9922]

@hmmod_2019 @faisalbinturki1 احياناً يجيني هبوط في الضغط وجيت ادور حل له في قوقل وهذا الي طلع لي :👇🏻👇🏻👇🏻
ركز على ثاني كلمه طلعت😂😂😂😂
🫣🫣حتى قوقل فضحكم

[ناصر بن حمد💙💛 @nex9922]

@RAKAN1577869 @saif_alsad11 صح لسانك ويستهال ابو مبارك

[راكان بن عايض @n4twwt]

من غير قاصر فالسيوف المراهيف
الّي لها في صفحة المجد مرواس

السيف والله ياعرب سيفنا (سيف)
ابو مبارك طيّب الساس والراس

@saif_alsad11

[راكان بن عايض @n4twwt]

@Medwkh البساط الاحمدي يعطي ل احاسيسك مساحه
والتكلف يقتل الاحساس حتى … فالقصيده

[راكان بن عايض @n4twwt]

من كثر ماتعوّدت افقد آمالي
صرت اخاف السكينه والطمأنينه

بعض الافكار جات وعكّرت بالي
والتفاكير لاكثرت تجي شينه

من يقول المحبه طعمها حالي
قلّه اللّٰه يخلّي له محبّينه

شفني من الفراق وثوبه البالي
قافل القلب ومغيّر كوالينه

#شعر

[قناة الصحراء @Sahraachannel]

حضور الشعراء الفائزين لإستلام السيارات المقدمة من
منقيات #رسامات #سمارات #نخبة_الجزيرة

«تقديرًا لموقف الشيخ فهد بن حثلين المشرّف والذي يجسّد القيم النبيلة»

#مهرجان_الملك_عبدالعزيز_للإبل10
#قناة_الصحراء #مجلس_الصياهد

[ناصر بن حمد💙💛 @nex9922]

@3atheb0 @Sahraachannel حنا (بندّعي لك )ان الله يعوضك اذا انت مشارك ولا فزت

[ناصر بن حمد💙💛 @nex9922]

@RAKAN1577869 يا سلام 👏🏻👏🏻👏🏻👏🏻👏🏻👏🏻صح لسانك

[ناصر بن حمد💙💛 @nex9922]

@_iinside7 صح بدنك وصح لسان شاعرها @RAKAN1577869

[فوائد صورة ومقطع @mm36996]

الفرق بين بنزين ٩١ و٩٥.. فضلوه وطبقوه وانشروه

[البيان في تاريخ قحطان @albyan_qh]

من قصص الشجاعة لدى قبائل #قحطان قصة جرت على الفارس/سعد بن سعمان و ابن عمه الفارس/ سعد بن مفرح من قبيلة آل سعد الجحادر #قحطان الاثنين كانوا مع ابلهم في ضواحي الجله وعندما اشتهت إبلهم الماء ورّدوها على عد يقال له الانجل ، وفي آخر النهار أغار عليهم قوم من اعدائهم حوالي تسعة خيالة طامعين في ابلهم وعندما شاهدوا ابناء العم القوم حصروا الابل في نقرة بالنفوذ و حالوا بينها وبين المهاجمين ، وصاروا يعتزون و ينتخون فيما بينهم ، وحصل فيها اصابات وافتكوا ابلهم لانهم وقفوا وقفة المفادي بنفسه دون حلاله وشرفه ، وعندما انتهت المعركة و صاروا يحلبونها و يشربوا من حليبها و ارتاحوا عقب عناء القتال والطراد ، قال سعد بن سعمان ابيات من عرض قصيدة طويلة🚨

عديت فـي مبريـة عصريـة
ودموع عين غرقـت هدبانهـا

أنا وردت ابلـي قليـب عيلم
قدنا صلاة العصر من مفطانها

واثر سبر القـوم ينظـر فينـا
من فوق صفرا واقف عنانهـا

عود على ربعه يبشرهـم بنـا
البل صديرا واقبضوا رعيانها

جانـا ثمـان فوقهـا ثمانيـة
والتاسعة طاحت خذيت عناتهـا

خيل ليـا جاتنـا عنـد ابلنـا
ضيعت أنا من بندقي صوانهـا

ضربتهـم بالبنـدق المسميـه
في روسهم كسرت أنا خشبانها

نعم بسميي يوم جرنـا عندهـا
هو من شمال البل وأنا بأيمانها

سعد ضرب له سابق مرشوشة
خلاف العضود وتوسير ابطانها

وأنا عقرت اللي كبير راسهـا
صما الحوافر سودسو حذيانهـا

عقرت أنا اللي ما يوصف مثلها
والشيخ الآخر طايح بأوزانهـا

إلى قوله :

تباشري بالفك يا حـم الـذرا
يوم اللقى واللفح من ذرعانهـا

أطعن لعين الفاطر أم اشمالـه
اللي تبشر بالشبـب ضيفانهـا

وكله لعين اللي يلـوح شقهـا
حليبها يصفق علـى سيقانهـا

وكله لعين الثنو اخت ام الفحل
حمرا صفق الذيل في كرعانها

وكله لعيني بنت رودة وامهـا
كبيرة الجمهـات بيـن أذانهـا

وكله لعيـن البكـرة العمليـة
رديفها ما مل مـن حجبانهـا

وكله لعيني جـل ذودي كلهـا
تفرح بنا لا ضيعت حيرانهـا

وكله لعين اللي دقيق صوتهـا
وتنشد الطرشان عـن خلانهـا

امي توصيني وأنا فـي كفهـا
امنع صخاف الشول من قيمانها

البل لاجا العيد عيدي عندهـا
يوم الصبايا حذفـت قنعانهـا

البل لا جا القيض فانا عبد لها
وأنا عبيد البل ومـن عيدانهـا 🚨