المشمرخ .

لا تعيش وتموت تشبه رقمك السرّي

[المشمرخ . @ngd70]

كتبت عذب الشعر خلف اسمي المستعار
واسمي وهو مستعار اخترت ما يرفعه

ماهو تذرّي . . ولكنّ الشعر بـ اختصار
من يطلب انه يزيده " قل " ما يجمعه

[المشمرخ . @ngd70]

صباح الخير ..
على طاري بداية السنة

[المشمرخ . @ngd70]

انتهى عامنا الهجري وانا اللي بديت
مرحله تشبه اهل الفتره المبهمه

بين نور اليقين وبين شكٍ مميت
الطواري مع الذعذاع هب نسمه

حلمي اللي حلمته ما بقى بالمبيت
كان وجهه منير وصار فيه عتمه

اقدر احققه باذن الولي لو بغيت
في يديني مفاتيحه واعرف ازهمه

لكن القلب عيّا والرجل والونيت
فيه حاجز من القطمير ياخذ سمه

هب يا قلب مانت بحاكمٍ للكويت
كيف تنهى وتامر وانت ربع لحمه

ما يسليني الا مبسمٍ من حييت
ما خطف ناظري الا برد مبسمه

من حلاها ماجات سنونها كمبليت
الثنايا عن اللي جنب متقدمه

وجْنتيها حياه وعينها عين ميت
والرموش الطوال وحاجب المجرمه

جادلٍ بالوصايف ابتدي لا انتهيت
عن بنات امنا حوّى لها مكرمه

انفع اخوانها حتى ببنت السبيت
عل بعض المنافع تاصل المسلمه

حيّها لو اغمض اعرفه بيت بيت
الكروكي براسي كل يوم ارسمه

ما تزعزعت لو اني بزينه غويت
حافظٍ قيمتي مثل الذهب واسهمه

لي مقامٍ عزيز ولي مع المجد صيت
ولي مكانٍ رفيع ولي علم واوسمه

ولي لسانٍ فصيح ولي حضورٍ ثبيت
ولي على الراي راي ولي فعل محكمه

وبالقصيد متسلطن واكتبه لا نويت
بلسم جروح ولا جرح يجري دمه

اسمعوا غير شعري ياهل بربّ تيت
خلوا القرم مخّه يحرق الجمجمه

فارعٍ في ضميري تبرك اليا مشيت
حسبي الله عليها ما تبي ملحمه

واحمد الله تعالى من عطاه ارتويت
مغتني من عطاه وطامعٍ بكرمه

[المشمرخ . @ngd70]

كل عام وانتم بخير الجميييييع

ياللي تقضّي عيدك بكثرة النوم
العيد للفرحه ووصل القرايب

العيد في كل السنه مدته يوم
لا تقتل افراحه على شان غايب

[المشمرخ . @ngd70]

قال رسول الله ﷺ :
"خيرُ ما قلتُ أنا والنبيّون من قبلي يومَ عرفة ، لا إلهَ إلا اللهُ وحده لا شريكَ له، له الملكُ وله الحمدُ ، وهو على كلِّ شيءٍ قدير".

[المشمرخ . @ngd70]

يا قاطف الشوك ما جرّبت قطف الورود ؟
الشوك قطفه عسر .. والورد قطفه سهل

[المشمرخ . @ngd70]

خل الوصال فراق لا تجفي الباب
دام الهجر والصد بيني وبينه

حطيت دون فراقك انواع الاسباب
لو راح غيرك راح غاسل يدينه

ماني من اللي يتبع المقفي ان غاب
حتى انت .. لكن قلبي يقول وينه

ما تاب قلبي عن غرامك ولا تاب
طيفك عن ايلام الجروح الدفينه

مع اني ادري قبل لا نصبح احباب
ان الحبايب عاقبتهم حزينه

دربٍ بداياته مشاريه عتاب
دايم نهاياته فراق وغبينه

[محمد ابن هرشان @mas_f16]

اتكّي و ابتدي طاروق نوبه و اكسر الطاروق
تمرّ العابرين بجانبي.. و التكيه التكيه

تعذبني مقولة كلّ شيٍ بالزمن ملحوق !
يا ذكي اللي غسل يده من الملحوق يا ذكيه

بلاي ان هبة هبوب الشمال و هدّة المعلوق
و روحي كنّها على لهيب النار مرتكيه

مقادير الليال تغرّب العاشق عن المعشوق
الين اصبحت احاكي طيف خلّي و افتهم حكيه

ما احبّ اشكي معاناتي من الفرقا على مخلوق
لغير الله نفسي صابره ماهيب مشتكيه

انا اضحك واتكابر كنّ ما فيني حنين و شوق
مثل ضحك الصغير اللي يحاول يخفي البكيه (:

-محمد ابن هرشان

[المشمرخ . @ngd70]

@Fahad_Qatnan يا ندر القصيد اللي مثل قصيدك ما شاء الله وصح لسانك

السيوله ماهيب مكونه راس مالي
راسي اللي يكون راس مال السيوله 👏👏👏

[المشمرخ . @ngd70]

@fjl1li ابيات جميله يا استاذ مدغم 💘

[المشمرخ . @ngd70]

يكتب درر وجواهر ما شاء الله

[عبدالله الصلاخي @ab1_dl]

عن كل خطوة ما تقدّمني وفعلٍ ما يسر
شيّمت نفسي والرجل غير النعم وش مكسبه

مانيب غصنٍ مع ذعاذيع الهبايب ينكسر
صاحب عقل قدّام اصير انسان صاحب تجربه

من فضل ربّي كل ما غنّيت اغنّي من يسر
والله ماداحم لو ما عندي ثقة فالموهبه

ماهوب صعب اطوّع الفكرة على القاف العسر
الصعب اعيش وكل درب وكل حلم استصعبه

ناطحت صكّات الزمان القاسي بقلبٍ جسر
ماهوب عاد الشعر والساحة وما تستوجبه

ياصحابي الشعّار من كابر على الخيبة خسر
لا صار ماهو مالك امن الشعر اجلّه واطيبه

ماهوب شرط تصير شاعر لا تجاوزت الكسر
ولاهوب شرط ان صرت شاعر كل واحد تعجبه

[المشمرخ . @ngd70]

@fjl1li يحق لك تضحك ههههههههههه

[المشمرخ . @ngd70]

شكلي ابي اسوي رتويت واجد 💔

[المشمرخ . @ngd70]

الله يجيب اللي يجيبك مع الوقت
يا فرحة الدنيا وضحكة سنوني

ماني بـ قايل كل ما غبتي اشتقت
اصلاً يبيّن في طوارف عيوني

انتي سماحة خاطري كل ما ضقت
واليا خسر فريقي البرشلوني 👨‍🦯

[المشمرخ . @ngd70]

@hoood_q8 الله يا هوووود

[المشمرخ . @ngd70]

@pro__q8 كما قال منيف الجراش حفظه الله

واقلبي اللي فيه دين
وتولجوه المترفات

يقرأ رياض الصالحين
ويكتب قصيد الغانيات

[المشمرخ . @ngd70]

@tt_itl تسلم 🇰🇭🏃‍♂️

[المشمرخ . @ngd70]

الله يجيب اللي يجيبك مع الوقت
يا فرحة الدنيا وضحكة سنوني

ماني بـ قايل كل ما غبتي اشتقت
اصلاً يبيّن في طوارف عيوني

انتي سماحة خاطري كل ما ضقت
واليا خسر فريقي البرشلوني 👨‍🦯

[المشمرخ . @ngd70]

@mas_f16 الله يابو ندا يا مبدع 👏👏👏

[المشمرخ . @ngd70]

@tt_itl مساء النور يا هلا

[المشمرخ . @ngd70]

@zx_677 اسأل الله ان يحسن عزاكم ويعظم اجركم ويرحم ميتكم ويجعلها من اهل الفردوس

[المشمرخ . @ngd70]

@x_m07 وما كل يومٍ للنشاما عيد (:

[المشمرخ . @ngd70]

@x_m07 يوم ميسي موجود كان غزل ماهو وجدانيات ههههههههههههه

[المشمرخ . @ngd70]

@fjl1li صحيح ودعم المواهب بعد لكن متى ترجع المساحه للساحه يا مدغم