نياف الضباطي

وما يٺبع حكي ﺎلسفيہ ﺎلا ﺎلسفيہ يعني على قول ﺎلمثل - ﺎاعمى يقوده ﺎمعہ

[عبدالله الطلحي الهذلي @talhi_abdullah]

ٰ
اللي يخلي صـدره كتاب مفتوح
والخط واضح كل من جاه يقراه

لابد يتعرض .. لخيبات وجروح
ماكل خلق الله .. توده .. وتدراه

#عبدالله_الطلحي

[عبدالله الطلحي الهذلي @talhi_abdullah]

ٰ
( اقبح عيوب الرجل عيبٍ على شيب )

#عبدالله_الطلحي

[نياف الضباطي @niaaf305]

@alrajhibank نياف

[نياف الضباطي @niaaf305]

@AlamyrAlms36808 19

[عبدالله الطلحي الهذلي @talhi_abdullah]

ٰ
ضيقتك .. عرّضها فجوجٍ ، عريضة
واللي يضيق خاطرك .. لايعارضك

ابعد عن اصحاب النفوس المريضة
اللي سوالفهم .. تغثك .. وتمرضك

#عبدالله_الطلحي

[عبدالله الطلحي الهذلي @talhi_abdullah]

ٰ
لي سنه وشهور كني في متاهه
كل درب .. نهايته بابٍ ، مسكر

ابغي المخرج ، وضيعت اتجاهه
صرت واقف في مكاني واتفكر

كنت اظن اني معي فكر ونباهه
قبل ، ماينشل فكري .. ويتعكر

اعتقد ، محتاج لي ، فترة نقاهه
افرز الاصحاب وانسى واتذكر

مكثر الاصحاب حزات الفكاهه
وان بدا لازمك ، محدٍ فيك فكر

ليت لاصحاب الرخا هيئة نزاهه
بعضهم عالة على الاسم المذكر

من هو اللي مابخل حتى بجاهه
من هو اللي للصـداقة .. ماتنكر

الرديٍ ، مهما تظـاهر ، بالوجاهه
خوته علقم .. لو المنطوق سكر

#عبدالله_الطلحي

[عبدالله الطلحي الهذلي @talhi_abdullah]

ٰ
في زمنا ، لقيت الناس ضد الصريح
والمحاباة والحضوة ، لراعي النفاق

البشر ، مايبون اللي يقول الصحيح
لاتقول الصحيح إن مانويت الفراق

#عبدالله_الطلحي

[عبدالله الطلحي الهذلي @talhi_abdullah]

ٰ
لو جـفت ارضك ، والسما مابها غيم
الفقر ، لايدفعك .. للعجز .. والياس

اشد مافي العجز صبرك على الضيم
واشد مافي الياس ، حاجتك للناس

#عبدالله_الطلحي

[عبدالله الطلحي الهذلي @talhi_abdullah]

ٰ
القلب من تبعة المقفين ، تاب
ماعـاد له ، لا مزاج ، ولا هوى

تبع المقفي مثل طرد السراب
محدٍ طرد له سرابٍ ، وارتوى

#عبدالله_الطلحي

[عـــايد العـواد 🇸🇦 @a511_i]

مافيه مثل #العافية ستر وغناة
إن جات للمسلم .. تراها كافية

كم واحدٍ يطلب ملذات #الحياة
وإذا مرض مايطلب إلا العافية

للجزل
@talhi_abdullah
#عبدالله_الطلحي

#عايد_العواد

[عبدالله الطلحي الهذلي @talhi_abdullah]

#بوح_آخر_الليل
سود الايام .. تثقِل كل كاهل
خوفتني ، وانا ماكنت خايف

لين ظليت ، اجامل واتساهل
واعتبر كل ماجاني ، خفايف

واتجاهل ، وانا مانيب جاهل
واتغافل ، وانا سامع وشايف

#عبدالله_الطلحي

[عبدالله الطلحي الهذلي @talhi_abdullah]

ٰ
لو إن المطر همّال مايحيي اللي مات
تشوف السيول تسيل والرمل يشربها

#عبدالله_الطلحي

[عـــايد العـواد 🇸🇦 @a511_i]

الا يالله .. برحمتـك .. اتذرا
انا داخل عليك ، من العقوبة

الا ياااارب .. عبدك ماتزرا
ولاحتى .. مع اللي عزروا به

يخـاف ويرتجف لامن تطرا
عذاب القبر .. كنه مات دوبه

ولو حاول من الذنب ، يتبرا
من اللي قد تبرا .. من ذنوبه

وله قلبٍ .. على الزلة مضرا
حياته بين ذنب ، وبين توبة

رفع كفيه .. يدعي ويتحرا
لغيثٍ منك .. قد هبت هبوبه

يخاف يفيض مابالصدر برا
وكل الناس تدري عن عيوبه

ومن ترفع عنه سترك ، تعرا
ولايستره .. بين الناس ثوبه

واذا طاح الجمل ، كلٍ تجرا
عليه وقام يطعن في جنوبه
#عبدالله_الطلحي
@talhi_abdullah
#عايد_العواد

[عبدالله الطلحي الهذلي @talhi_abdullah]

ٰ
عـديت ضلعٍ .. قبل اعـديه .. عـداه
جدي ، وابوي ، وطيبين الجماعة

والناس احد عدا واحد مات ممداه
عند الولي وصل الأجل وانقطاعه

طول السنين اجاهد الضلع وارقاه
ضلـعٍ .. يشيب بالعيـون ، ارتفاعه

من يوم عــديته .. وشوفي تعـداه
عليٌ ضاق الكون .. رغــم اتساعه

في الموقع اللي ، يتعـظ كل من جاه
ويطيح عن وجه المكابر .. قناعه

اقفى زمان الجهل ، واقفت مطاياه
طيش الشباب ، ورغبته واندفاعه

دنيا التفاني .. والطــمع .. والمباهاه
مليتـها .. ماعــاد عندي .. طـماعة

في مامضى في خاطري شي وابغاه
حتى وصلت .. وصار عندي قناعة

ان الحـياة احــــلام .. رغـم المعاناة
من ، مولد الإنسان .. حتى وداعه

هذي رسوم .. اهل الطروق المخلاه
كلٍ .. رحل عنها .. وخـــلا متاعه

المال ، والاصحاب ، والوجه والجاه
والعافيـة ، والمرجلة ، والشجاعة

مايكسب الانسان .. من طول دنياه
مكسب حقيقي غير تقوى وطاعة

#عبدالله_الطلحي

[سعيد مرزوق الشلاحي ابو زيد @353Saeed]

أحيانا لا نحتاج سوى كلمة طيبة تزرع فينا الأمل وتذكرنا أن الدنيا ما زالت بخيروأن بعد العسر يسر وبعدالصبرفرج ابتسم فابتسامتك صدقة وتفاؤلك عبادةورضاك عن حياتك هو أول طريق السعادةثق أن الله يدبرأمورك بلطف ويكتب لك الخير في كل خطوةفاطمئن مادمت تؤمن أن ما كتبه الله لك هو الأفضل دائما

[عبدالله الطلحي الهذلي @talhi_abdullah]

#صلاة_الفجر #صباح_الخير
صدق من يقول الفجر فيه الفرج والأجر
وتارك .. صلاة الفجر .. مهموم .. ويعاني

اشوف التشابه في حروف الفرج والفجر
ولا ادري من اللي ماخذ اسمه من الثاني

#عبدالله_الطلحي

[عبدالله الطلحي الهذلي @talhi_abdullah]

عزي لمنهو سواتي طار خلف السراب
يحلم .. والأحلام مجهولة ومتراميه

خليت روحي تحلق فوق متن السحاب
من دونها تمطر الغيمة وهي ظاميه

#ع_الطلحي

[عبدالله الطلحي الهذلي @talhi_abdullah]

ٰ
باع داره ، ثم عزل .. من الحارة
ودع الجيران .. لوكان .. ماوده

من صبر صبر المهادي على جاره
من يلومه دام صبره وصل حده

#عبدالله_الطلحي

[عبدالله الطلحي الهذلي @talhi_abdullah]

َ
أشهر سلاحك وعدوانك تهاب
سطوتك  خل الجميع يشوفها

الدابة اللي .. بلا مخلب وناب
تلقى جميـع السباع .. تحوفها

#عبدالله_الطلحي

[عبدالله الطلحي الهذلي @talhi_abdullah]

َ
اذا عطاك الحظ ، صفحة جديدة
استعمل الصفحات الأولى مراجع

خلك ذكي ، نفس الخطا لاتعيده
من شان لاترجع ، لنفس المواجع

#عبدالله_الطلحي