َ

أخذت الشعر منفى ما خذيته دَلّ

[َ @nl0rl]

"ما عندي إلا شعرٍ اذهل به عقول السامعين
شرايدٍ في كل روض .. مربّعه ومفلّيه "
عبدالله السراهيد

[َ @nl0rl]

أنتي ورا عنقك نخيل وعناقيد
وقومٍ تشيل رماحها في يديها

[َ @nl0rl]

" اتتقّى خلف عقلي ماكشفت اوراقي
العقل شيخ المشاعر والظروف مسفّه "

ناصر الحمادين

[َ @nl0rl]

فيك شي من الرزانة — و شي من الهبال
وفيك شي من المشاعر و شي من القسى

[َ @nl0rl]

عيون المها خلّت سليط اللسان يحنّ
تغاربني الجمهور من رقّة بيوتي

أحب العطور الثابتة والمطر والبن
واحب الشعور اللي يتوارى ورا سكوتي

قديم الشعور يناسبك يا صغير السن
أنا مت فيك وقلت لك وش سبب موتي

سعود مهدي

[َ @nl0rl]

"لا تجي دايم حريصٍ على انك تستشير
فيه امورٍ مالها غير روحك مستشار"

[َ @nl0rl]

وشلون أملّ المكابر فـ الأمور الكبار ؟
والكبرياء جزء من نفسي وتكوينها

عجزت لا أناظر الدنيا بعين إعتبار
أدعس على غارب الأيام و اهينها

ما يعتذر بالظروف الا عديم القرار
ولا يبكي من الحياه الا مساكينها

[َ @nl0rl]

ما غير يرعاني بعينه وأنا أرعاه
والكل منّا ما يبيّح سدوده

[َ @nl0rl]

يزهمني الحلم لا هودل حمام الصباح
والأرض تغري خْطاي وتبسط كفوفها

انسان صالح، ومالي فـ الاوادم صلاح
وكل أمنيه مستحيله كنّي اشوفها

[َ @nl0rl]

أسعد الله صباح اللي يحب الربوع

[َ @nl0rl]

مرّي عسى الله لايعدم الارض من لينك
ما قبلك اللي تتوق الأرض لخطاها

[َ @nl0rl]

وانا فقدت اللّي تعاليها منعها من تعال
الجادل اللي من كسبها كاسبٍ دنيا ودين

زودٍ على العفّه عطاها الله قبولٍ فالقبال
ووجهٍ يجرّي هاجس الشعّار والمستشعرين

سكّنتها فالروح واطغاها المدارى والدلال
واقفت ووقف عقرب الساعة على صبح الاثنين

محمد النشاق

[َ @nl0rl]

لو إن خدرات العيون قْصرانا
كان الليالي بيض وأيامنا عيد

[َ @nl0rl]

تدارك حبيبك بـ التفاتة رضا .. تحييه
بهمساتك "المَنِّ" وبنظراتك "السَّلوى"

[َ @nl0rl]

لعل مدللٍ يستاهل التقدير والتدليل
يطاولنا الرضا لو ضاق راع الشاه والناقة

[َ @nl0rl]

طلّةٍ ماهيب منّك؟ تساورها الظنون
أكثر اللي ناسب العيد، وجهك باختصار

عسجديات القوافي وعذبات اللحون
حطّها شاعرك في معصمك مثل السوار

كل بيتٍ ينكتب فيك يالغضّ الفتون
تكتبه طرّادة الحب في عرض الجدار

[َ @nl0rl]

العيادي منّك " صْوّرٍ " تفرّح صدري
خذْتها منّك وأنا اللي ما اخذ العيديّة

[َ @nl0rl]

« يا هلال العيد يوم تْطلّ ما عيّنت درة ؟
درةٍ تشبه صباح العيد يوم يجيك بادي

عايديني بالعيون اللي بها طيب ومضرّة
بعد أخذتي العيد في عينك وفي عيني سهادي

من جعل فيك إبتهاج العيد ووصالك مسرّة
وتسرقين الدهشة لْحالك وغيرك لي ينادي »

[َ @nl0rl]

لو غيّبتك الأمكنة ما أنت فاني
أنت أنكتبت فـ عارض اللوح تخليد

ياما لقيتك في الشعر والأغاني
في ضحكة بيضاء صباحيّة العيد

في أسباب كن الله خلقها عشاني
جت بك وصلفات الليالي معاويد

[َ @nl0rl]

من يعلّم هنوفٍ لوّحت لي بيدها
يوم عيد الضحيّة فيه ناسٍ ضحايا

[َ @nl0rl]

جعل قسمي عند ربي من خيار القسوم
واحدٍ يعطي العطايا — ولا يرتدّها