اجمل القصيد

لاتحاول أن تشتري وتبيع بجروح الآخرين ليصفق لك وتنال الإعجاب

[اجمل القصيد @nmd_7000]

يا رب قوّ الخفوق .. و زوِّد إيماني
وأجعل همومي هموم الشرع والسنَّه

طالبك بعد الحياة و عمري الفاني
المَغفره ، والعفو ، و الستر ، و الجنَّه

[اجمل القصيد @nmd_7000]

مهما تغافلت عن بعض البشر بالأخير

أنا أعرف المحترم واللي ماهو محترم

[اجمل القصيد @nmd_7000]

ضنو ان الصمت في وجهي رضا
ما دروا بالصمت في وجهي جدال

نظرتي اوسع من حدود الفضا
والسكوت ابعد من حدود الخيال

شف على كثر الكلام الي مضى
ماعطيت مدور الزلة مجال

من نوى صدي فأنا جمرة غضى
ومن نوى وصلي فأنا ماءٍ زلال

[اجمل القصيد @nmd_7000]

كرامة النفس أعظم من مشاعرها

من عز نفسه لقى فالناس مقـداره

[اجمل القصيد @nmd_7000]

لاتخضّع ولاتخشى سوا المفني الخلاق
ترا الناس لا تفني ولا هيب خلاقه
ولا ترتجي غير الله المانع الرزاق
ترا الناس لا تمنع ولا هيب رزاقه
وحياة البشر مابين لمّة شمل وفراق
ولا يفقد إلا طيبٍ يوجع فراقه

[اجمل القصيد @nmd_7000]

@f_aed_12 يارب

[اجمل القصيد @nmd_7000]

دعاك القصيد اللي كتبته على طاريك
مثل مادعتني لـ السهر ليلة غيابك
َ
ياكثر القصيد الفارق اللي كتبته فيك
وكم معجبينٍ جابهم .. بس ماجابك

[اجمل القصيد @nmd_7000]

سكرت انا باب العتب والنقاشات
ماعاد لي خاطر افتش وابرر

كثر العتب شوّه جميل العلاقات
خل النوايا البيض عنك تقرر .

[اجمل القصيد @nmd_7000]

تمنعني الشيمه وبعض المشاريه
واصبر لون الصبر مرن مذاقه
لو كل من يخطي علينا نجازيه
ضعنا بعجات الغضب والحماقه
لكن مدام الوضع يمشي نمشيه
من شأن مانقطع حبال العلاقه

[اجمل القصيد @nmd_7000]

تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه الله نزاهة ضمير ورأي
يغيب الغياب اللي يخلّيه متواجد

لاتشره عليّ يوم أبتسم في وجيه عداي
محبّيني أكثر من .. معاديني بـ واجد .

[اجمل القصيد @nmd_7000]

اعفوني من النشدّه وكثر الازعاج
أنا أبخص بدرب السنع و المتاهه

ياكثر ما صدّيت منعا : للأحراج
وضـيعتكم بين الغبا و النباهـه

احيان ما نلقى من الضيّق مخراج
و احييان يضحكني كلام الفكاهه

أنا بشر وامر بـ ضروف واحتااج
عن العالم إلازعاج فترة نقاهه

[اجمل القصيد @nmd_7000]

دخلت رقمك عمد من بين الأرقام
مدري قدا ولا فضول و جهّالة

مبطي توصيني على وصل الأرحام
واليوم خليت الرشا و المحالة

أرسلت لك عيدك مبارك قبل عام
و للحين باقي ما قريت الرسالة

[اجمل القصيد @nmd_7000]

يالله ياللي بك مواثيق الآمال
يا خالق الدنيا ومحصي عددها

يا من سجد وجهي لوجهك ولا زال
يجني ثمار السجدة اللي سجدها

أنا بوجهك من عنى الوقت لا مال
وشر القلوب المبغضات وحسدها

[اجمل القصيد @nmd_7000]

على النقا نبقى .. ولو عاقنا عوق
ويبقى الوفا منا ، و فينا ، و إلينا

ووجيهنا بيضا .. وهاماتنا فوق
وإن ضاقت الدنيا ماضاقت علينا

[اجمل القصيد @nmd_7000]

الجو غيم ومنظره يشرح البال
تنسى الهموم وتبتسم دون سبه

وانا اشهد انه راحة النفس والحال
للّي ذكر،،،،، واستغفر الله ربّـه

[اجمل القصيد @nmd_7000]

الجو هذا جو رحمه وغفران
كن السماء تمطر هدوء وبشاير

ليت السحاب إللي غسل جرد الأغصان
يـغسل عن العالم سواد الضماير

[اجمل القصيد @nmd_7000]

كل حاجه " منتهاها " للنصيب
" القدر " يا ياصلك يا تاصله

ان كتبها الله تجي لك من قريب
وان منعها الله فلا هي حاصله

[اجمل القصيد @nmd_7000]

لـ بتسامه والكرم والطيب ترفع قدرك
ولي خلي مْن الثلاثه والله انه مفلس

لا توسع مجلسك حاول توسع صدرك
الصدور الي تشيل الناس ماهو المجلس

[اجمل القصيد @nmd_7000]

ماني رفيق للـي غريبه مبـاديه
ضايع وضعنا بين خـيـره وشره
.
لاصار ماياقف بوجه المشاريـه
وشلون في بعض الأمور أتشرّه

[اجمل القصيد @nmd_7000]

ماني خصيم السفيه ان طول السانه
اسكت واقفـي وكن العلم ماوحيـته

حشمه لعقلي ترى ماهو على شانه
باب مــع الخبـل والجهال صكـيته