احترام الذات للذات نوع من اليقين
يسمو بنفسك معزّه ،، ولا تغترّ به
والله اني ماتعودت اهين الطيبين
والدروب مجرّبَه والسلوم معرّبه
ليت لي قلبٍ يعيش الحياه بنيّتين
وليتني قبل اندفع فالحياه مدرّبه
كان ماقمت اتشفّق على العذر السمين
عن خطا اللي شرقّه في هواه وغرّبه
نايف
ياسيدي وامجادك المتجدده
من راسك المطنوخ ماهي من عدم
ارسم هدفك اللي تباه وحدده
واللي يعاندنا يبا يشبع ندم
نهدم كيانه مانعرف نهدده
حتى لو انه فوز في كورة قدم
واصدق شعارٍ فالحياه نردده
(حنا نعيش اسياد ماعشنا خدم)
#نايف#فرحة_ولي_العهد#محمد_بن_سلمان#المنتخب_السعودي
تمادوا على سجادة الوتر بالتكبير
عشان الذنوب تخف مع جوّها الهادي
حياة الرجل عرضه للالام والتقصير..
ماهي فيضةٍ فوّاحها الشيح والكادي
ما دام الخطاء يكبر ..اكيد الحقيقه غير
ترى الذنب مثل الكلمة الي من الغادي..
ليا خذتها عن محمل الصدق والتفكير..
تجيك التوافه سيلها حادر الوادي..
@JamalBander تعودنا على طعم الفراق اللي ذبح ذبح
نسامح..واستحى وجه التسامح من تسامحنا
خسايرنا من الفرقا تفوق اضعاف ضعف الربح
ولكن ماترجينا لو ان الشوق ذابحنا
لو تزيد امـواج الايـام تهدا فـ الأخير
لاتقول المـوج يهـدا وبالـي ماهدا
غير راسـك لاتـدور مع العـالم شوير
من مشـى فـ شور غيـره لو يدله غدا
خل همك فـ ضميرك وسرك وسط بير
البشـر شغل ألسنتـها تغنـي وتحدا
والله ان من يعطي السر مفتوق الضمير
مثل من يعطي سلاحه وللخيل معدا
لاتشتحن ولا تضيق وتعجّل
ياصاحبي ماني بشخص انتهازي
عندي لزومٍ هام ما ينتوجّل
لو مانتشر في سناب مخلد وغازي
ترا الوفا مثل الاصيل المحجّل
مايمتطيه الا بعيد المغازي
والطيب لو هو فالبطايق يسجّل
تلقون ابوه وجد جدّه برازي
نايف بن محمد
لاتشتحن ولا تضيق وتعجّل
ياصاحبي ماني بشخص انتهازي
عندي لزومٍ هام ما ينتوجّل
لو مانتشر في سناب مخلد وغازي
ترا الوفا مثل الاصيل المحجّل
مايمتطيه الا بعيد المغازي
والطيب لو هو فالبطايق يسجّل
تلقون ابوه وجد جدّه برازي
نايف بن محمد