صحت نجدٍ على صوت النباح ولجّة الغربان
عوافي.. قرِّبي منْك الوساده وادخلي لحافك
كأنك ما تعوّدتي على التجريح والنكران
من اللي زادهم في ما مضى من لحم أكتافك
تغطّي.. ما عليك الا الرضا ورعاية الرحمن
صياحٍ ما يساوي طلّتك من راس مشرافك
نَحسب إيران تكرهنا.. وكلّن في الهوى إيران
عسى يفداك من حب وعسى يفداك من عافك
أنا والله مدري وش تبي يا الثاير الزعلان
تظن بلادنا ترجيك؟! أو ان شيوخنا تخافك؟!
تبي سلمان؟! ناظر في السما كانك تبي سلمان
تخيب يديك ما طلته ولا طالوه أسلافك
- بدر بن عبد المحسن رحمه الله💚🇸🇦
عسى من لامني ينلام لا أعطيت الخلايق طاف
من الي عقب وجهك يستحق النيل بأعجابي ؟
تفاصيلك لها سمعي شغوف و ناظري حواف
اجمعها بحرص من بخيل و فطنة أعرابي
معاك البحر و المينا معاك الموج و المجداف
يا قلب كثر حبي له جهلت بحبه اسبابي