غيداً

ما يوصى حرّ وأنا ابوي ما وصاني

[غيداً @nottforlong]

عطيتك من سنيني ماينوّر وجهك المجمول
وحفظتك في قلب بدوي مايعرف الذله

مشيت أحلى مشاوير الغرام بـ خاطرٍ مثمول
معك كن المسافه، ضحك وجهٍ أغليه وأجلّه

ضياعي في مسامر ضحكتك غلطه، وأنا المسؤول
ولو عاد الزمن فيني ؟ بكرر غلطتي والله"

[غيداً @nottforlong]

"غشى قلبي حنيني وإبتدأ دربي علي يطول
وكنّي بعد ماطوّل .. أرد الدمع وأهلّه

وتين القلب كم للشعر واقف وقفة المذهول
وكنّه ما لمح وجهٍ قبل وجهك ولا دلّه !

أخيلك في جفاف العمر بارق صافي اليعلول
يهيض الروح شوفه.. كيف لو يجتاحني كله ؟"

[غيداً @nottforlong]

على بال الخلاوي جيت صايب كنك المهلول
تغيث أرض المشاعر، لين تتفيا تحت ظله

عرفت أن لو جفافك يسكن بوجهك ثلاث فصول
بقى وجهك ربيع .. ورمش عينك سيفٍ تسله

كفر قلبي بـ غيرك يوم زولك مايعوضه زول
لأنك لو سقيته بكوثرك .. بيقول ياقلّه!

[غيداً @nottforlong]

معاك أتجرّد من مبادي تربت فيّ
وأنا الثابته اللي ما تغيّر مباديها

أداريك عن ضيقك وأحنّك من أدنى شي
وأنا ما أتلفت لـ الخواطر و أداريها

ولا أعاتب إلا الساعه اللي تجيبك لي
تجيبك ولا هي الراكده في ثوانيها

أحبّك وأنا اللي لو يدور الزمن هي هي
على حطّة يدين القلوب وهقاويها

[غيداً @nottforlong]

أنت الحبيب اللي -مبدّا عن الغير-
وكل الكلام اللي يجيبك مبدّا

مسميٍ طيفك خوي المشاوير
والله ماهوب اللي ليا مر عدّا

دام الخطايا في وجيه المعاذير
والله مايضعف حبنا ويتردّا

قلبي عليك أرق من ريشة الطير
ياليته ليا قلت له هدّ هدّا

كانك هديه من يدين المقادير
فـ أنا مدينٍ للمقادير جدا

[غيداً @nottforlong]

كل يوم أقوول بكره تزين وماتزين
والحياه بكبرها أصلا ماهو من زينها

[غيداً @nottforlong]

على غيرك عمّى عين وجفى قلب وثقيل لسان وعليك أنت الخطاوي تسبق أولها تواليها

[غيداً @nottforlong]

"والأيام ممزوج صفاها بتكدير
والله كريم ورحمته مرتجيها"

[غيداً @nottforlong]

"إختلافي واضحٍ في ذوقي وفي فنّي
وفي قصيدٍ لا قريته يستفّز شجونك

أبسط حقوقي شجاعٍ ما يخيّب ظنّي
أبلجٍ لا من نصيته قال أنا من دونك

كل ما يلمح دمع عيني يقوم يغنّي
كل حاجة هيّنه إلا دموع عيونك" ❤️

[غيداً @nottforlong]

"أحبك و العمر مرّة وأحبك والسنين فصول
وإذا كان العمر يرجع .. بأحبك وأرجع أختارك

تشوف الأرض؟ لو جنّة ملوها الناس عرض وطول
تركت الناس
والجنة وراي
وعشت في نارك"

[ديـالا مساعد الرشيدي🇸🇦 @Dyyalla]

أنا سيد هواك وقلت مره للهدب مولاي
دريت إني رهينك يا عيونٍ عز واليها
وطن عمري عيونك ديرتي ربعي هلي منفاي
حلال إن غربتني ضحكةٍ ماني بناسيها ..

[غيداً @nottforlong]

بالله ابنشدك ماتوجعك رجلينك؟
من كثر منتب تجي وتروح في باليي

[رواں @5iriil]

صباح الخير، على قولة مساعد: «قمّ شرّع الباب للهقوات وأزهلني/ تبي تزين العلوم، ويضحك حجاجك»

[غيداً @nottforlong]

عساي أسلم من اللي صار كله
كثييير دموع أداريها وسالتّ

[غيداً @nottforlong]

عذري لعيني كل ما اتلفها سهدك
عينً سهرها منك ما فيها بلا

[غيداً @nottforlong]

أنا
لا لاح لي زولك
نبت حول الطريق أشجار
لو إني أمشي بصحراء
ربيع الوقت جافيها

[غيداً @nottforlong]

- يوم مرتني حياتي كلها ، ما شفت غيرك
أنت صورة كل مشهد وأنت قصة كل ليله -

[غيداً @nottforlong]

"ما مرّ ذِكرُكَ إلاّ وابتسمتُ لهُ
كأنكَ العيدُ والباقون أيّامُ

أو حَامَ طيفُكَ إلاّ طِرتُ أتبعُهُ
أنتَ الحقيقةُ والجلّاسُ أوهامُ"

[غيداً @nottforlong]

"رحلت عن عيني.. لكن زرنيّ في المنام
إن جيتني ف أبرك الحزات وأبرك حلم"

[غيداً @nottforlong]

"بعد سلامك وتوديعك نسيت السلام
كل شيء موحش بعد عينك ولا له طعم

تمر الأيام بعدك ما تشدّ أهتمام
كل التواريخ من بعدك مُجرد رقم

كبرتني بعد موتك كل يوم بعام
وأنا من أول معاك بزحمة من النعم

والحين لو أتحدّى في البكاء هالغمام
ما عاد تدري عن دموعي ولا لك عِلم"