بـدر الدوسري

﴿ تَوَفَّني مُسلِمًا وَأَلحِقني بِالصّالِحينَ ﴾

[بـدر الدوسري @Oi__40]

﴿ رَبِّ اجْعَلْ هَذَا الْبَلَدَ آمِنًا ﴾ 🇰🇼

[ضرار 🔻 @Dhirar21]

ما تستاهلين القصف يا درّة الاوطان
عسى اللّٰه يلعن من ثعى بك ومن خانك

تهوى عليك الشر من مجتبى و ايران
و ظلّم سماك النيّر .. و ثار دخانك

و ثارت شيمنا دونك و برّزت الاكفان
ما يرضى عليك الهون جارك و سكانك

تعالي وحنا دونك نجابه العدوان
علي الحرام ان ترخص الروح من شانك

للشاعر المبدع
@AlL_YAMI

[بـدر الدوسري @Oi__40]

رغم كثر المحبطين ، وحناشلة الطريق
والظروف ، وكبوة الحظ ، وغياب السبل

والعدو اللي يقابلني بوجه "الصديق"
والصديق اللي ليا طحت ما شد الحبل

واق��ٍ فـ وجيههم عمد ، وبوجهٍ طليق
مثل ما ياقف بوجه الأعاصير الجبل

الخساره وارده ، والتفائل لي رفيق
والليالي مقفيه ، والعمر جمرة عبل

[بـدر الدوسري @Oi__40]

يجهلك من يقول أنّ بعيونك دليل
حتى أنا أجهلك لو كنت أعَرْفك دهر

من ورا صدرك أسمع للتعابير سيل
سدّة الشيمة اللي ثابتة فالصدر

كانك تْحن بالكلمة على من يشيل ؟
ما أنت موجع من الأرض الفسيحة شبر

أنت سيّد كل طبعٍ أصيل و نبيل
في زمانٍ غدت ريف الفضايل قفرْ

[بـدر الدوسري @Oi__40]

حتى لو إن الغلا فيني وصل حدّه
لي عقل يدرك حدود الشوق ويكابر

قياس عمْق الجروح يحدد المدّه
مدة تحولك من غالي إلى عابر

لاشفت مركب غلاي رياحك تضدّه
بيصير مالك مكان و قيمة و دابر

كسرت لك خاطر ومدّيت لك صدّه
والخاطر إليا انكسر ما عاد له جابر

[بـدر الدوسري @Oi__40]

خلابة العيد يا ده��ة عيون الحضور
تشابه الحسن وأنت حسنك اللي فرق

يصيب رمشك قلوب مشاهدينك سرور
ويمطر على جباه حسادك سحايب عرق

يا فتنة العيد شمسي والضحى والبكور
غابو عن الصبح .. لأكن وجهك اللي شرق

عيدك مبارك وأنا عيدي غرام وشعور
مايوصفه شعري اللي لباب قلبك طرق

[زياد العوفي @Zeiad122]

الموت موت الضمير الحي والذمه
ونفسٍ رضت من رداها .. في مذلتها

[بـدر الدوسري @Oi__40]

عاد القديم مْن إندفاعي لك؛ جديد
لو ما تعودّتك؟ .. تمنيتك كذا

طوّل معاي، (إذا) مشاويرك بعيد
ما أقول لك طوّل غصب، أقول (إذا)

قلبي محطة والعمر سكة حديد
عطا الكثير مْن الصدف ولا خذا

بتروح في يوم، ويجي غيرك أكيد
وغيرك، يجي يوم ويروح، وهكذا

[بـدر الدوسري @Oi__40]

بين ازدحام وبين وفرة هواجيس
واقف و عمري ما تلاحقت نصه

شابت على وجه الزمان الاحاسيس
وخابت على جرح المقفين قصّة

وللحين وجهك خلف كل الكواليس
له من سنيني كل ماتهت حصّه

راسي كنيسة وانت طاريك قسيِّس
يلقي على ذكرى المحبين نصه

تاقف عشانه كل الاشواق تقديس
معها عطر ماضي، ووردة،وغصة

[بـدر الدوسري @Oi__40]

تغانم من سنين السعة مايسّر العين
قبل لا تعيش فـ مرحله شبه حسّاسه

تمر الظروف اللي ماتدري تجي من وين
تحد السعيد يضيق و يصد عن ناسه

الايام سستمها كذا بين زين و شين
ليا شفت لك مجروح : لا تجرح احساسه

من يشوف نفسه فوق خلق الله الباقين
يجي يوم وتشوفه محوّل على راسه ..

[بـدر الدوسري @Oi__40]

مدام لك في ذا الحيا�� استطاعه
فلا يعيقك جزر الايام والمد

احرص على نفسك تراها وداعه
مهد لها مجراء وشيد لها سد

وغامر على الراي الموشح شجاعه
وارسم طموحٍ غايته مالها حد

يمكن تصيب من الوفق ظرف ساعه
تنسيك عثراتً مضت مالها عد

[' @974ro]

العزله من الناس و المسرى تحت جنح الظلام
ع��ى دروبٍ تشتكي .. قلة وصال احبابها

يمرها مر الكرام اللي يعرف ان الكرام
لا مرت دروب الجفا ما هي تلد رقابها

لو حثته رجله على الممشى و هو ماله مرام
ما حثته نفسه على امورٍ تسكر بابها

و الذكريات اللي ما هي بـ تقال ما منها سلام
تاخذ من ضلوعه كثر ما مرته وأمسى بها

ليلة عتابٍ .. يستبيح عتابها قل المنام
اونست منها وجعةٍ ما كنت احسب حسابها

جمّعت فيها كلمتينٍ .. تختصر كل الكلام
و لا ذكرت من الحروف الا حروف عتابها

قصایدٍ کتبتها و لا جبرت کسري حرام
اعدها ولّا احتفظ فيها ، و اشل کتابها

خليتها لـ المستصيب اللي معنّيه الهيام
يمكن تلامس خاطره و يزين له مضرابها

و الا الذي من وجعته ما هو على احسن مايرام
لو ان فيها ما يداوي علته؟ غنى بها

عليك يا اللي ما معي منّك سوى رد السلام
من خيبة الهقوه ، و عذر الراحله و اسبابها

یا اول شقى و اخر لقى و اكذب عذر و أصدق ملام
لا ترتضي لي حاجةٍ .. قلبك ماهو يرضى بها

من باب تقدير المحبه و الغلا و الاحترام
لا تكذب اعذارك و انا مقدر على كذّابها

الاوفيا لوّ جحدوا سولف بهم حتى الظلام
کنه عقب جور الحنين يبين اللي صابها

يستنزفون شعورهم .. على متاهات الغرام
لو ایّسوا و استعصت الحاجه على طلاّبها

ينزّهون شعورهم حتى بـ لحظة لأنهزام
الطيحه اللي من شعور الأوفياء ترقى بها

اقل ما هي تمتلك وصل، و محبه، و اهتمام
و اكثر ما هي بـ تخاف منّه في الحياه .. غيابها

مقام حبك ماله الا .. شرهةٍ قد المقام
ان عابها قل الوفا ، و لا الجفا ما عابها

لا تنزع الشرهه بـ واهي العذر و الا الابتسام
و لا تلبّسها الثياب اللي .. ما هي بـ ثيابها

نعم تبادلنا الجفا لكن؛ تهادينا السلام
في ليلةٍ لو اقدر أنساها .. نسيت عتابها

حمدان المرّي

[بـدر الدوسري @Oi__40]

جعل تفداك الحسايف ويفداك تعبي
والضلوع اللي طواري الفراق تروعها
ٓٓ
من غيابك ياهوى البال وش عادك تبي
اذرفت حمر المحاجر عليك دموعها
ٓ
غيبتك ماهيب ترخي عزايم منكبي
لكن انها صدمةٍ عادني في روعها
ٓ
وسيرتك في عرض وجهي وفي حد شنبي
والمواضيع القديمه خلص موضوعها !

[بـدر الدوسري @Oi__40]

وانا اللّي تجاوزت الجموع وطمرت السور
عشان إنهزم لرضاك وافوز ب اعجابك

مع انك ظلام احب اشوفك بصيص النور
ومع انك ضياع احبّ اوقف على اعتابك

أعرفك .. ولو بيني وبينك سما وبحور
سحابي مطرك .. وحفنة ترابي ترابك

علي حـق لا قلت القصايد بـدون شعور
ولك حق .. لا مرك قصيدي ولا جـابك

[بـدر الدوسري @Oi__40]

نديمة دروبي ما بقى في رحابك فيّ
خذتك الظروف ولا اختفيتي ، ولا بنتي

لو إن الزمن قادر يرجّعك ، بين يديّ
من يرجّعِك في نظرتي مثل ما كنتي

من المستحيل يحول عن ذكرياتك شي
لو يحول من دون اللقا حاجز إسمنتي

يروحون كل الناس مني شوي شوي
ولا فيه أحد يبقى على البال ، غير أنتي ..

[بـدر الدوسري @Oi__40]

يامجاملين الخطايا وضعنا بانحدار
عين الصواب اسعفوها قبل لاتنعمي

كبرت مدري عقول الناس صارت صغار
اللي ورا زخرف الدنيا .. جياعٍ ضمي

غازيني الشيب من شدّه ماهو من وقار
والهم دوامة ايامي مهو / ملهمي

وماعاد احب الحياة ولا بقلبي خضار
جفيت سود العيون وجف حبر قلمي

[سبّيع . @subiie7]

رضيت بـ إسلوب الأوادم ما شكيت ولا زعلت
والناس تزعل يوم . . أعاملها بنفس أسلوبها :)

- ليه ؟

[بـدر الدوسري @Oi__40]

« يالنديم اللي تفاصيل وصلك ما تعاض
جعل يفداك اختصار البشر وإسهابهم

قابلٍ عذرك ! لو إنك تجي خالي وفاض
يكفي أعذ��ر البعيدين .. طول ، غيابهم

المطر والغيم ربي جمعهم فـ الرياض
باقي أنت .. الله يجيبك مثل ما جابهم »

[بـدر الدوسري @Oi__40]

الفقد مسراي وأحلامي بعيدة منال
كم واحدٍ أشعر بفقده من قبل لا أفقده

ذابت بقايا فوادي فوق جمرة تعال
ما تدري إن الحنين ، يفتّت الأفئدة

ماعاد لي خاطر يداري غياب و وصال
إن جيت يامرحبا وإن رحت فالمزهده .

[بـدر الدوسري @Oi__40]

لا على عيني غشاوة ولا على وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم تأثير واضح على مستقبلي

والحياة ، و مجريات التلاقي ، والوداع
خضت لي فيها تجارب وجيت بْما يلي

يوم فضّلت ان��زالي .. على كل اجتماع
استرحت وصارت الراحة ألزم ما علي