لي ايام مالي فالمجامل ولاتبرير
واذا الصبر لها قاعه وصل صبري القاعه
وعلى اني على قطع الخرايم جري احير
ومن الجيب والمطراش زادت بي الراعه
ومن اللي يسولف عندي اسج بالتفكير
معاد اتوعا غير من طقة اصباعه
اثر ضيقة الخاطر لها في الرجل تاثير
تبين على وجهه وتنشاف بطباعه .
ذقت الخساير والعزاير والأمرار
وسقت العمر كله على شان غايه
مايصنع التاريخ من هاب الأخطار
ولا رقا في قمة المـجد .. تايـه
ولا يعلم الأنسان عن بعض الاقدار
يـمكن بعد خـط النهـاية بـدايـه ..
انا لا تباطيتك .. علي الولّه ينشاف
يبّين على العاشق وينشاف فـ عيونه
احبّك جعل حبٍ يجي من بعدك يْعاف
وانا حالفٍ حُبك مع الوقت ما اخونه
ليا شفت وجهك والله ان ماعلّي اخلاف
فلا تنشد اللي شاف غايتْه وش لونه !
عيونك مثل مجدٍ قِصر دونه اللي خاف
وانا اللي يحب المجد ويموت من دونه