أحبّك وأخلّي كل حاجة على مشهاك
ولا كنّ عندي غيرك من البشر غالي
اذا جيتني كنّي ملكت العمر ويّاك
وإذا رحت عنّي كنّي أعيش بلحاااالي
تبسّم ياحلو الابتسامات فـ محيّاك : )
وتكلّم.. ياحلوك يوم أناظر لك قبالي
وإذا قالوا العذّال بنساك؟ كيف أنساك
وأنا يوم شفتك طاب في شوفتك حالي
غـيرني أسلوبك ما غيّرني الوقـت
ان جيتني مسموح وان رحت مسموح
عـليك في صدق المشاعر تفوقـت
ومعاك شفت الصمت يغني عن البوح
أشـوفك اول راحتي لا تضايقـت
أيام كنت " النبض والقلب والروح "
لا غبت عنك تقول لي وينك اشتقـت
واليوم مالي في معاتبك . . مصلوح
مابيك لا غبت عن عينك تناديني
اجمع بقايا شتاتك وانثر عتابك
اللي حصل لي من أسبابك مكفيني
يكفيني اللي حصل فيني من أسبابك
مليت اسامح واطوف يا معنّيني !
اليا متى بس قل لي و الجفى عابك
لا تلتفت دام قدرك طاح من عيني
يطيح قدرك ليا من طول غيابك ،.
صاير غريب وجيتك ماتطوّل
الظاهر ان قلبك تبدل غرامه
اما تجي كلك على الطبع الأوّل
والا فمان الله درب السلامه
لك قلب كان يحبني بس تحوّل
منهو قدر ياخذ من أيدي هيامه ؟
ياكبر قدرك في عيوني من اول
لك منزلٍ عالي بـ قلبي مقامه .
والحين من عاليه عوّد وحوّل
ارخصت لك كل شي ، الا الكرامه
لا صرت مخطي ولا تعرف الاعتذار
لا تبرر خطاك بالخطا وتاخذها حلا
ناظر الكون من يمينك ومن يسار
ياوسع الكون حولك وياكثر الملا
خذ اختصاراً مايجي بعده اختصار
ما تاقف الدنيا على بشر (والخلا)
هذا خطاك اللي جنيت و صديت
لا تقـول خلي هـان قلبي و باعه
من الزعل و معاتبك صدق مليت
وقنعت كـانك ما تعرف القنـاعه
وَغنيْت قلبي عن مواصلك واقفيت
ولا عـاد عندي للمواصل طماعه.
مليت أعاتبك وشفت المعاتب ما يفيد
وتعبت وأنا ادمح خطاياك وأعذرها
كل ماعاتبك ترجع تخطي من جديد
حتا نفسي عزت وأنا عليك أجبرها
راح التعب كله منك يالقلب الحديد
غير اطباعك وانتبه ترا روحي بتخسرها ..