رد البــرا

على مبدأ تعاملكم أعاملكم :)

[رد البــرا @thra3ene]

الحمدلله صرت متعوّد ، على كل الظروف
لو كان نفسي في بعض الأحيان تتبع غيّها

حتى الحياه إللي من أول كنت الحّقها حسوف
ما عاد أفكر لا فـ واجدها ، ولا فـ شويّها

سلمي مع ظروف الليالي مثل سلمي للضيوف
لا جاتني صكات بقعا قلت يالله حيّها :)

[رد البــرا @thra3ene]

- قوة الملاحظة والتدقيق في اتفه ألامور مصيبه وتفتح بيبان الضيق وانت ماودك .

وقيل على سياق ذلك :

مايزعزع مستواك وطبعك المتماسك
كون تدقيقك على الكلمة وهي عادية ..

[رد البــرا @thra3ene]

مخاوفي الفتره الحالية :

اشوف الجفا يشرى واشوف الجميل يباع
وأنا أخاف بكره . . لا يصير الردى موضه :)

[رد البــرا @thra3ene]

"عاد عيد اللي وجوده لذة العيد السعيد
جعل زوله ما يغيب وكل عام اعايده

[رد البــرا @thra3ene]

بعد طالت مشاوير الحياة و سجوّ السالين
نويت أعيش فـ الدنيا و أسايرها ولا أمداني

ترجعني لـ خيبات الظنون و زلة الغالين
و أطوّفها على شان الهوى ماهو على شاني

و أنا ماني غشيمٍ فـ التعامل و أعرف الغاوين
أجامل و اتشيّم و الخطأ ماهو بـ يخفاني

[رد البــرا @thra3ene]

أمسيت و أصبحت و السجة هي السجة
البال -مملي طواري- و الصدر زاخر

ليت السنة كلبوها عشر ذي الحجة
ولا السنة كلبوها العشر الآواخر

مُرهق و محتاج لي صدة عن اللجة
والنوم و الصمت و الراحة على الآخر

[رد البــرا @thra3ene]

الحمدلله صرت متعوّد ، على كل الظروف
لو كان نفسي في بعض الأحيان تتبع غيّها

حتى الحياه إللي من أول كنت الحّقها حسوف
ما عاد أفكر لا فـ واجدها ، ولا فـ شويّها

سلمي مع ظروف الليالي مثل سلمي للضيوف
لا جاتني صكات بقعا قلت يالله حيّها :)

[رد البــرا @thra3ene]

يا رب ترزقني وظيفه على شان
ماعاد تجلس عند ابوها دقيقه 🏃

[رد البــرا @thra3ene]

تحسب السّاكت اللي مايسولف سالي
ساكت ٍ من كثر تفكيره و قلت وجده

خاطره من ضيقة الايام مّاهو خالي
الصبر مّاعاد فاد و لا لقى له نجده

مونس ٍ فرقا حبيب و فاقد ٍ له غالي
و الطواري كل يوم تصبحه و تهجده

جعل ما فات يتعوض فـ الزمّان التالي
وباقي احلامه تحقق كلها في سجده .

[رد البــرا @thra3ene]

دار فيني الوقت من كل الجهات !
لين علّم بي على الضلع القصير

ما تجاوزت ( السنين المترفات )
يوم عمري لا صغير ولا كبير !

من يقول ( الشي ) لامن فات مات
مايموت .. الا اذا مات ( الضمير )

فيه ( فتره ) حافله بـ ( الذكريات )
لا انتهى الليل وبداء الثلث الاخير !

[رد البــرا @thra3ene]

معشر العرّاف لا جانا هزيل بـ زلّه
جاوبونا كيف مردود الخطأ وأفتونا ؟!

إن تركناها لـ وجه الله قلتوا ذلّة
و إن نشبنا في حلوق أصحابها لمتونا !!

[رد البــرا @thra3ene]

في ليلةٍ غبتي بها كانت الريح
تْعاتب الباب الخشب ، و الدرايش

وانا بعد ليل العنا ، و التباريح
مستغرب انّي كيف لـ الحين عايش

[رد البــرا @thra3ene]

دار فيني الوقت من كل الجهات !
لين علّم بي على الضلع القصير

ما تجاوزت ( السنين المترفات )
يوم عمري لا صغير ولا كبير !

من يقول ( الشي ) لامن فات مات
مايموت .. الا اذا مات ( الضمير )

فيه ( فتره ) حافله بـ ( الذكريات )
لا انتهى الليل وبداء الثلث الاخير !

[رد البــرا @thra3ene]

تحسب السّاكت اللي مايسولف سالي
ساكت ٍ من كثر تفكيره و قلت وجده

خاطره من ضيقة الايام مّاهو خالي
الصبر مّاعاد فاد و لا لقى له نجده

مونس ٍ فرقا حبيب و فاقد ٍ له غالي
و الطواري كل يوم تصبحه و تهجده

جعل ما فات يتعوض فـ الزمّان التالي
وباقي احلامه تحقق كلها في سجده .

[رد البــرا @thra3ene]

مريت الأحلام.. من بوابة المسَّتحيل
ماكان عندي أمل فأحلامي الممكنة

سحايب العمر لا جدباء ولاسلسّبيل
والرُوح بدوٍ عطاشى .. والحنين ألسّنة

تعال أعلمك عن قلب؛الشجاع ،الذليَّل
والقلّب لا مات؛ يا يدّفنك، يا تدّفنه

أيام بصَّدورنا ظلت تحط وتشيل
وأيام في صفحة التاريخ متكفنة

[رد البــرا @thra3ene]

تعمّدت نسيانه .. ولكنّ كيف أنساه
وأنا قد سمحت مْن المحبة وهو داري

ليا أظلم عليّ الليل وأمسوا عباد الله
طرا لي عسى الله لا يحيّيه من طاري

[رد البــرا @thra3ene]

عموماً الإنسان يمر بضغوطات نفسيه
مما يؤدي للعزله وضيق الخاطر

وقيل على سياق ذلك :
ضايق وحالي ماش وعلومي علوم
ودي اهج من ضيقتي ومن هدومي

مرهق واعاني هم .. واطيح واقوم
يا ضيقة الخاطر عن الصدر قومي ):

[رد البــرا @thra3ene]

كم لي على صوتك وشوفك مولع
وتردني عنك الشيم و التقاليد

عقلي يركدني وقلبي مشلع
وانا اعرفه مايردعه نازح البيد

لا تاق من بين المحاني وجلع
توق اشقرٍ متصرمٍ له على صيد

[رد البــرا @thra3ene]

في معركة ياسي هزمت أمنياتي
والمعركه في داخلي مالها صوت

من كثر ما صارعت ذاتي بـ ذاتي
نصي يبي الدنيا ونصي يبي الموت

[رد البــرا @thra3ene]

تقويت قدامه و أنا والله إنّي ماش
و رحل يحسب إن روحته عندي طبيعيه

و أنا حالتي حالة دريكٍ طريح فراش
مْخالطه مع زود المرض زود نفسيه

له اسبوع و اكثر لا يسولف و لا يعتاش
و لا فيه يوم ما كتب فيه مرثيه

[رد البــرا @thra3ene]

النفوس العظيمة تعرف الي تبيه
ماتدور رضا العـالم وتركض وراه

من يجامل وجيه ويستحي من وجيه
راح عمـره وهو يمـشي بـدون اتـجاه

لا تـروح لـ مكان إلا وراحـتـك فيه
ولا تجي من مكان إلا بسيرة وجاه