ـ

[سعيد بن طميشان @saeed_tumeishan]

سلام .. أمّا بعد بالخط العريض
و الله ما مثلك على الأرض إستوى

من لامنا في مْحبتَك قلبه مريض
.. و لا يهم إن كان ما حصّل دوا

تساوَت الأيام من سودٍ و بيض
لأن الشدايد و الرخا عندك سوا

العالم يمر بْـ ظما و الوقت قيض
.. و اللي تبع ظلّك تبرّد و ارتوى

[سيف @saifcaio]

نعم نايـد مثل زايـد

[جمعه الغويص @JumaaALGhuwais]

نقرع طبول الحروب ويا سعدنا
ما قـرعناها نـبـا نلعب عليـهـا

ومن غواه بليس لا يامن جلـدنا
وعين ترغب في الامارات نعميها

ج/ الغويص

[عبدالله بن زايد @ABZayed]

لي ما بنى بيت التقى قبل الشقا، وإلا على الشطات ما واحا لها
#عز_الله_الامارات

[عبدالله 𒉭 @unrealizedA]

ما عاد صاروخك يكدّر صفانا
الوضع هادي والركايب مناويخ
وإلا انفجر عندك بعزم اخويانا
وإلا غدا بين الكواكب شماريخ
نباغته قبل يحدر في سمانا
وإن طاح عمّرنا عليه المداويخ

[فيصل القاضي @Faisalqadi]

الليل خطوة حزن في سكّة دهر
والريبه آخر نبره بصوت اليقين

ليه الشتا يفرض على العين السهر
ليه المطر يفرض على القلب الحنين

شكل اجتماع الما على اهداب الزهر
يشبه جفوني في وداع الراحلين

ودّعتك مْن اربع سنين و كم شهر
وآحسّها كم شهر دون اربع سنين

[Abdulla M Alhamed @AMB_Alhamed]

من يحَسْب ديارنا لِقَمَة حلال
مَجدِنا بالروح والدم انكِفل
عَهَدِنا لِعيالِنا ما به انتشال
إن شهَرنا سيوفنا ما تِنوصِل
كل يوم تُشوم للنَيف الطّوال
وعهدهم إلنا بعد ما ينتِشل
عَ العهود اجيال تتوارث فِعال
دولة بافعال اهلها نحتِفِل
وللندا ما فيه يمكن و احتِمال
في بناها لا تكلّ ولا تَمِل
والهدف لو هو بعيدٍ في الوصال
كل ما تَكبَر به الشدّه بِسَل
يحفّظ اللّٰه بلادنا من شين فال
تلحقَه لِعزوم لو عَنْها بِتَل

[فيصل القاضي @Faisalqadi]

كلّ شيٍّ بك يقول انّك بدوني في ضياع
وضع حرفك بالكتابه تفضحه رعشة حنينه

يا حزينه لو لبستي للمدى صمتك قناع
تفضح العبرة عيونٍ ما تمثّل يا حزينه

لو قدرتي تصبرين بدعم اساليب الدفاع
ما تركتي لك ذخاير للعمر وسط الخزينه

ولو تمدّين الأماني لـ البحر فلْك و شراع
للبحور امواج قسوه تنهي آمال السفينه

قلت كم مرّه تروّي في قرارك إندفاع
قلتي انّ الوقت هذا وقت توديع المدينه

لوّحي دام المفارق يقتل أصوات الصراع
صافحي عذر الرحيل إن مدّ لك دربك يمينه

خانك القلب الرهيف و غرّد الحان الوداع
ما درى للبعد لحنٍ يجرح اسماع السكينه

إصبري لا مرّت الذكرى على شكل التياع
واصبري لا مال قلبك واظلمت سكّة سنينه

والّا أنا حاربت سيف البعد قدر المستطاع
لين جتني طعنةٍ تحيّي الطموحات الدفينه

ما خسرت الا ربحت بوحدتي قلبٍ شجاع
ما سمح للشوق يدخل بين غاياته و بينه

[فيصل القاضي @Faisalqadi]

لو يموت الشوق والفرقى تغرّك
والقلوب برودها يجرح شغفها

إسلكي كلّ الدروب اللي تجرّك
السكَك ما تامن إلّا اللي عرفها

وإعرفي وش ينفع ووشهو يضرّك
الحياة ظروفها تذبح صدفها

وإبشري باللي يراضيك ويسرّك
لي خفوق إن غنّوا الفرقى عزفها

[خــالــد @khkxd]

✧ اللهُمّ اسكنهم في جنّة الفِردَوس مَع الصِّديقَين والأبرار والصَالحين ✧

[H’s mom @aiishadahir]

1st Ramadan, 1446 AH

[ـ @oowyd]

يا سلام على وجده

[ـ @oowyd]

@oawiiio استغفرالله

[ـ @oowyd]

ورق عنب

[ـ @oowyd]

يابنا العين عشان كومو و عصير توت هذا شسوي فيه

[ـ @oowyd]

مطلعني من الدوام و يقول انه مريض الله اعلم عاد