Bander

اعتزل مايؤذيك !

[Bander @otibi33]

اللهم لك الحمد انتصار الجواد الهرم في كلاس 1

[Bander @otibi33]

مثل ما للخصومه شان يبقى للفضيله شان
ماني باللي تخونه شيمته لا من نقص وده !

[Bander @otibi33]

البارحة في هزيع الليل الاخر دعاك
عبدٍ همومه ثقال وحيلته ضايقه

يارب ضاقت وانا مالي رجا في سواك
انت اللذي تدخره الناس لضايقه

الارض ارضك وانا عبدك وهاذي سماك
يامن لمداتك نفوس البشر تايقه

[Bander @otibi33]

ما ملا عين الرماح الا يدين القاده
ولا ملا عين الضياع الا هيام الوادي

شرهة الرمّاي لا منه رمى بزناده
وشرهة العين الحزينه حزنها المتمادي

من غريبٍ شاف في عينك حنين بلاده
والله ان في عينك النجلا حنين بلادي .

[Bander @otibi33]

بسيطه لو توقف فرد وخطوب الليالي حلف
تواجهها بـ عزم وتنتهي و تعيش وتلاقي

تردك عثرة الهياب ما دامك تعاين خلف
مسيرك قدم والرجم المنيف يتعب الراقي

[بو عبدالله @bluezista]

غالاغير حصان بالملعب وخارج الملعب 🐎

الحصان هذا كان لشخص انجليزي مشجع لتشيلسي وسمّى الحصان غالاغير واشتراه احد الاصدقاء

واليوم فاز بالمركز الاول 🥇

نستقبل التبريكات والتهاني واذكروا الله 💙

[Bander @otibi33]

البارحه تحتريك النود
يامجسّر النود للمسرى

عيّنت قلبى قليل الفود ؟
مالي خبر فيه وانت ادرى

إليا تذكرك زاد لهود
وان سج في سيرتك هذرى

هيّف على قلبي الملهود
ان مابرى منك مايبرى .

[Bander @otibi33]

كم شخص بالمستشفى ولم يختارك منهم
كم شخص بالسجن ولم يختارك منهم
كم شخص بالقبر ولم يختارك منهم
كم وكم وكم مبتلي ولكم يختارك منهم

أليس هو الوحيد من يستحق الحمد والشكر
وأليس هو الحليم علينا على كثرة تقصيرنا
اللهم لك الحمد حمداً كثيراً طيباً مباركاً
يليق بجلال وجهك وعظيم سلطانك

[Bander @otibi33]

من تحذف ارواحها في نحى صم الجبال
كنها الي تحذف .. ارواحها لـ التهلكه

آصدم اكبار المواقيف وحمولي ثقال
ولاني الي لا برك ما تعدّا مبركه

الليالي ما تضايق .. ولد سود الليال
يعرف ، يفك المشاكل مثل فك اكبكه

كنني مولود داخل .. ميادين القتال
انتهي من معركه وابتدي في معركه

[Bander @otibi33]

الله خلقك من القمر ولا من الوحي المبين ؟
ولا من انسام الهوى ولا قراحٍ لـ الضمّا
ㅤㅤِ
الظاهر انه خالقٍ وجهك ووصفك مرتين
واحد على وجه الثرْى والأخر في كبد السما .

[Bander @otibi33]

يعيش الوصل ولا يموت الوصل حتى ايش
مقامي .. أهم وعزتي فوق مشهاتي

أنا الله خلقني ما أقبل الذل والتهميش
لو أخسر طموح العمر و أغلب علاقاتي

[Bander @otibi33]

الله يصبحك باشواق الصباح الجديد
ياللي لك الشوق لا يهدى ولا ينتهي
ㅤ
غيرك من الناس علمناه يلعب بعيد
ولاّ انت فـ القلب تلعب مثل ماتشتهي

[Bander @otibi33]

ألا يا غزال الوادي اللي تلفاتك
ب عنق طويل ومشية في تبجاحه

وش يقول من هاب الغرق في ملذاتك
شفاياك ذباحه وبسمتك ذباحه

لو تقبل التنور عود من شفاتك
حديقة عبير ونسمة من هوا الباحه

يغيب مزاجي بين خمرك ولذاتك
تقول أتمرجح في يدينك بـ مرجاحه

[Bander @otibi33]

وش ملحه اللي ينثر الحسن من زوده
وش عاد خلى للمماليح من بعده

[Bander @otibi33]

برقٍ يفوتك لو مزونه مراهيش
لا تستخيل أمطار سحبٍ مقافي

[Bander @otibi33]

كل ما قلّ اتصالك .. زاد حبك
كيف صار النقص نوع من الزيادة ؟

ليت لي في قلبك أشياء مثل ما لك
في مساحاتي مساحات وسيادة

والله إني في هواك العفّ راضي
مثل ما يرضى المواطن عن بلاده

ينتهي حبك وأنا كل يوم أعيده
دايم اللقطات أحلى بالإعـادة

[Bander @otibi33]

في القطار الكل ثابت والارض اللي .. تسير
وفي السكون الكون غارق والارض الطافيه

[Bander @otibi33]

لا تجلدين الذات وتقولين عن نفسك قْمر
كان القمر آيه من الآيات فـ أنتي البسّمله

ترى القمر ما يكتمل زينه سوى نصف الشهر
"و أنتي طوال العمّر كله كامله و مكملْه "

[Bander @otibi33]

ياهيه ياللي ماخذه وصف المهار
ياللي خذاك الوقت واغراك السكات

يا أجمل بشر لبست على الوجه الخمار
ياملهمة من راحت افكارة شتات

اطلع على أخبارك مثل طلع الحرار
من باب ستر وباب طيب وطيب ذات

والوصل مثل الصدفه بصالة مطار
وعقب التلاقي وكل شخص وله جهات

[Bander @otibi33]

على وين رايح ، عاد عمري معك ما مل
تعوشب معك واخضر عوده على نبعه

يا دربي الوحيد شلون اهدك وانا ما دل؟
سوى وجهك : اللي يهدي الرشد واتبعه

على دربك تفل الخطاوي ، وينبت فُل
هذا الدرب وهذي زحمة اهله وذا طبعه

عليك البشر "تفتح شبابيكها وتطل"
من يشوف وجهك شاف روحه على ربعه

[Bander @otibi33]

ولدت فالدنيا على شان أحارب
ما أنغث أنا منها أنا من غثاها

عندي بعض حلم وطموح ومآرب
ونفسٍ ما يلحق بالعزايم مداها

وإن أمحلت بي واسعات المضارب
أنا برجاء ربي ماني في رجاها