- كان عندك حل ، يالصدر الوسيع
مد كفّك جعل ، ماهي للعضب
بين مبدأ الدين واتباع القطيع
وش نسوي و الصبر عده ، نضب
ان تواضعنا ، رثع فينا الوضيع
وان تكبرنا ، علينا اللّٰه ، غضب .
تنتهي كل النقاشات يا الفكر العقيم
ب ابتسامة عفو ماهي نفاق ولا ريا
واللّه أن القلب باقي على العهد القديم
من وفاه .. يحسب كل المخاليق اوفيا
قد خذيت من الليالي جروح فالصميم
كثر ما اخذت من يديني حبايب واخويا
ليتنا نملا القلوب من الذكر والطاعه
مثل مانملا المجالس بالكلام الفاضي
ومثل مانملا البطون من الاكل بانواعه
ومثل مانملا البنوك وكل عمرٍ قاضي
لذّة الدنيا مغرّه واصلها خدّاعه
فاز فيها الديّن، المتواضع، المتغاضي
قبل لا تنشق الارض ولا تقوم الساعة