ياناس خلوه يزعل لا تراضونه
والله ليبطي وهو ماجاه مرسالي
من اول ٍ بالغلا والحب من دونه
والمقصد انه رخص والا قبل غالي
معلوم احبه واحب اللـي ييحببونه
وابغض عدو الغضي لو هو من اعيالي
طاريه لا صرت جالس لا تجيبونه
الصاحب اللي صفا ثم اختلف تالي :) .
يابوي ما خليت لي شي ابنيه
يابوي درب الطيب كله ختمته
في سكتك تكثر علي المشاريه
وتصغر مواقيفي بفعلٍ رسمته
اتعب على ضلعٍ طويله مراقيه
واليا وصلت إلا انت قبلي وسمته
اسمك رفعني عند الاجناب طاريه
ودرسك وانا طفلٍ صغيّر فهمته
انتي بوجهي لاتخافين دنياك
عن كل ماضي خوّفك لا تخافين
لو الليالي والزمان يتحداك
لايضيق لك خاطر عسى ماتضيقين
كل الظروف اللي تشوفين تفداك
نامي على راحة يدي لا تبالين
لا يبين خافيك ولا يطلع اقصاك
وانا معك عمري اعيشه بعمرين
غيابك علّم الدنيا تغيب وتذبل وتحتار
وعلمني عليك أبكي وألوم النفس وأقهرها
أبي ترجع تسولف لي تعلمني وش الأخبار
أنا أحب اختصر عمري في ليلة جنبك أسهرها ؟
#فهيد_الحماد .