على مهلك ترى كل الجروح الغافية تنعاد
أبي تمشي على أطراف العروق ولا تصحّيها
وإذا عطرك سرا ليله ولا علّم متى الميعاد
أنا لي ذاكرة " تجرح " فؤادي كيف أبمحيها.
ليه استحال الكلام حلوف
اصدق .. وتدعيني الكذاب
ان كان لك في هواي شفوف
مليان صدري عليك عتاب
وان كان عينك ماهيب تشوف
صدقي .. فلا تصدق الاحباب
وان كان تبغى الوصال صدوف
سافر ولا تشرح الاسباب.
عسى الله يعوّض بالاجر فايض الاحساس
من يعيش زهرة عمره و لكن مشيّب
صدوف الليالي تمتحن كل طيّب راس
ما حسّ بمعاناة الكفو واحدٍ خيّب
وانا فوق ماني منحرم لذّة الاوناس
لو اقرا خبر عن شخص عدّيته قريّب
معي قلب متعبني ويحزن لحزن الناس
ولا يذبح الطيّب سوا قلبه الطيّب.