القيض ما هوّد وانا خاطري ضاق
اله شهر و شوي مدري علامه
احس في ضيقه وتفكير و ارهاق
و تعبان و النوم متغيّر نظاامه
متى ؟؟ يزين الجو و تزين الاخلاق
واروق و استانس واطش العمامه
اثرني كنت استعيد احداثنا ذيك الليالي
قبل اصير الطرقي اللي من مغفره في خطيه
والله اني عشت لي لحظات في جو خيالي
عاد عصر البارحه كل الليالي لوليه
اطلعي ياعبرةٍ حظي هو اللي جابها لي
وآهني اهل الصدور اللي من العبره خليه .
" عزالله إنه تضايق خاطري وإحتشا
يالله عليك الفرج للضايق المحتشي
علقت قلبي على برق الرجا وانتشا
واليوم لا يبرق خياله ولا ينتشي
و حنا ليا قيل فيكم شي قلنا حشا
يا كثر من قال وش بك قلت ما بيّ شي
اتذوب بعض القلوب و سرها ما فشا
تحرص على السر حرص القاضي المرتشي "
- كامل الحليلي
تراي من عقبك على الضيق محدود
لحول يا سود الليال ونكدها
عن ما بقى من حبك اصد واذود
شوف المشاعر كيف يلطم زبدها
لو المدى مركز جوازات وحدود
مديت لك شهب الدروب وجلدها
مير البلا من دونك الحبل مشدود
حكم الظروف اللي عصاني رغدها
ماذون شرعي و أربع الاف وشهود
انهت مواصيل الغرام وسعدها