.

⠀⠀ ⠀⠀ ⠀⠀ " زود العشم .. يهشّم "

[. @q__ii9]

كلمة أحبك بسيطه .. ومعناها ثقيل
يكفي ان قلبك سمعها وانا ما قلتها ):

[. @q__ii9]

الشعور اللي يجيني كل صبح وكل ليله
هو يمـرك يا نديم البال ولا ما يمرك ؟

[. @q__ii9]

أنا ماشعاني غير حر عريب انساب
على سنام المراجل ثبّت شداده

وسمني غلاه .. كما ياسم المشعاب
على خد صفرا ماتهيّت ل حساده

عذلت قلبي عن غرامه .. ولا تاب
له القلب منساق وله الروح منقاده

لو إن ما ادرى هرج عاذل ومغتاب
تقلدت مسباحه على عنقي قلاده

[. @q__ii9]

الصمـت ستر الشعور الا عـلى المنتبه .

[. @q__ii9]

والله إن أقسى من البعد وأوقات الوداع
لحظةٍ يمشي بها الشخـص وعيونه وراه

[. @q__ii9]

أجمل ماقيل عن ترك الحاجه وهي لا زالت بالخاطر :

يقول رشيد الزلامي :
عروق قلبي يالسديري معاطيش
أمشي وانا مقفي وأعاين خلافي

[. @q__ii9]

وانتهى يوم من العمر معاد ارتجيه ...

[. @q__ii9]

أنا البارحة بغيت أعبّر ، ولا الله اراد
يا كثر الكلام اللي كتبته ولا أرسـلته !

[. @q__ii9]

الانسان شيٍ من جليسه ومن ماضيه
وجيناته اللي تنتقل له من اسلافه

اذا ربي اكرم عبـده بعـقلٍ يقديـه
درى ان المجامل لطف وان الغرور آفه

تسولف يا ابو رايٍ محد قال لك تبديه
تشوف وتحسب الناس ماهي بشوافه

كلامك مع اللي لاتخافه ولاترجـيه
يبي يختلف لاصرت ترجيه وتخافه

[. @q__ii9]

العاقل اليوم حاله مثل حال الغريب
يستغرب الناس من حوله و تستغربه

[. @q__ii9]

مع شروق الشمس ياشمس الغروب
خبريني عن طويلين الغياب

وعن خاضرن يانعن بعد الشحوب
ورحلتن فيها ذهاب بلا اياب

واخبريني عن نظيفين القلوب
وش بقى باجسامهم تحت التراب

ياعسى هاك الجماجم ماتذوب
ياعساها بروضتن عن العـذاب

[. @q__ii9]

يا إلاهي جعل حلمي ما يفوته فوته
ودي إن عمري يقلّ ولا تقلّ أحلامي

السنين تمر وحبال الرجاء مفلوته
لاتخليني على قاع الزمان الحامي

الحياة اللي مراحلها ماهي مبخوته
ياعساها ماتجي خلفي ولا قدّامي

[. @q__ii9]

والله إني حره . . من مـواكير الأحرار
معرٍب ساسي و راسي على العليّـا رسا

ماعطيت لجاهل الراي وجهات الإعتبار
ولاحسبت لـ نظرة الحسد بعيون النسـا

قيمتي في عين نفسي عمارٍ في عمـارٍ
و اللى متمني طيحتي من الخلق يخسى

[. @q__ii9]

كيف ماتصبح صعيبات المواقف سهله
وانت من كل النواحي والعموق معرّب

[. @q__ii9]

أنا لي ثلاث شهٌور فالناس مالي شف
تساوو لي الغالين واللي مهوب غالي

[مَلاذ @t_malaath]

"إخفاء ضغوطاتك النفسية هو أكبر ضغط."

[مَلاذ @t_malaath]

"الكأس لا يمتلئ من نقطة، والإنسان لا يغضب من كلمة، كُل القصة تراكمات."

[. @q__ii9]

يارب وأنت العظيم وعبدك النُطفة
مهما بلغ من سنين، وشرّق، وغرّب

ما أبغى من الناس من يغمرني بلطفه
يالله بلطفك عليّ، و لطفك مـجرّب

[. @q__ii9]

والله مايزهون المديح الا هله
الطيّبين من الرجال ابدا واحق

كلٍ يبي يلحق براعـي الاوّله
لكن راعي الاوله .. ما ينلحـق

[. @q__ii9]

أزرع أمانك في وجيَه الطيبين
الليّ يحبونك كذا من ربهم.