علي ابن مانع

[علي ابن مانع @qd360]

العزلة عن بعض البشر مكسباً لراحتك النفسيه وراحة بالك

[علي ابن مانع @qd360]

سامح الله كل غالي ماحشم قيمة غلاه
ما حفظ بالوّد قدري ولا عرف حقي عليه

[علي ابن مانع @qd360]

اتمنى كل .. يوم اني قباله
والظروف من القى دوم تحدانا

ليت ابي له عم ولا من خواله
ليتهم .. من ربعنا ولا قصرانا

حالفٍ ماحب مخلوقٍ بداله
لين ربي ياخذ وداعة حدانا .

[علي ابن مانع @qd360]

أنت يا شهر اكتوبر - علومك ردية
جعلك افدا شهر شعبان ولا محرم

عندك ابداع في صنع الجروح الخفيه
شف لي ابداع — في نسيانها لو تكرم

[علي ابن مانع @qd360]

لو ارخصتني عقـب ما كنـت غالـي !
يكفينـي انهـا .. وسط قلبي و حدها

وان كانهـا بتحـب شخصٍ بدالـــي
في ذمتي ما أحّـــب بنتٍ بعدهـا ..

[علي ابن مانع @qd360]

لافقدنا شخص تكثر فـ الدروب اشباهه
كن وجهه في وجيه العابرين يوزع

اتتقى في ذرى الله واحتمي في جاهه
من فراق اللي عروق الكبد منه تمزع

[علي ابن مانع @qd360]

الحب مثل الديانة والوطن والنصيب
تختار الإنسان ما يمديه يختارها

[علي ابن مانع @qd360]

كل يوم من الغياب !. وكل ليل من الليالي
أفتح صورك .. وأقبلها وأقول " اللّٰه عليها "

أنت حلمي وانت الأول ف الحياه وراس مالي
و آنت ذيك اللحظه إللي ضاع عمري يحتريها

يكثرون الناس من حولي .. ولكن في خيالي
منتظر لي ساعةٍ .. ب المال و الحال أفتديها .

[علي ابن مانع @qd360]

يا حبيب الروح عاملني بلينك
التغلي صعب والفرقا فجيعه

أذكر الماضي وحطه نصب عينك
ولا تحملني بحملٍ ما أستطيعه

أنت توأم حب قلبي من سنينك
وأتفقنا بالبساطه والطبيعه

والغلا ما يفصله بيني وبينك
خبرة الدكتور عبدالله ربيعه

بس قلي طول هذا الوقت وينك
ودي أعرف وش هي أسباب القطيعه

[علي ابن مانع @qd360]

قدعت .. من تمر الغرام وتقهويت
الين ،، شفت معزبي ما تححفى !

وهزيت فنجالي ؟ وكرمت واقفيت
اقفاية " الي خاب ظنه وقفّى

[علي ابن مانع @qd360]

صارت

[علي ابن مانع @qd360]

الهجوس اللي مخاويني عليه الله وامانه
ماينسيني من الهاجوس ويغير اسلوبي

كون حب اللي مكانتها مهيب اية مكانه
لو يقال ان حبها عيب اتشرف في عيوبي

دانة وحده وفي عيني تساوي كل دانه
كل ماهب الهواء من صوبها هبت هبوبي

ياحبيبي وانت نفس المذهب ونفس الديانه
اتق الله لايجازونك بذنب من ذنوبي

[علي ابن مانع @qd360]

مابعد قفى المقفي و قلنا له تعال
من بغى الصده يبين علمها ومخدوم

ان رضيت رضاك مكسب وقربك راس مال
اعترافي لك بقدرك يدوم او ما يدوم

ان زعلت ارضتك الايام وارضتك الليال
السنه واجد ثلاث ميه وستين يوم ..

[علي ابن مانع @qd360]

القلب بعّدك خرب والعقل بعدك دمر
لاتحسب ان كل من يدعيه قد راح له
ㅤ
كن نور وجّهك لامنه شع نور القمر
يرتاح نور القمر منك وترتاح له
ㅤ
يطيب معك الملاقا والوصل والسمر
ويذعن لك الشوق من راسه إلى كاحله

[علي ابن مانع @qd360]

يا شين الهجر في الحب والوصل يالباه
يالباه مادامه يقربش …… ويجيبش
.
احبش وودي بش وحبش معي ماانساه
ويبطي وانا اردد من الحب ودي .. بش

[علي ابن مانع @qd360]

على اللي تساوي في عيوني وطن وبلاد
ومعها يا زين العمر في حلوه ومره

على كثر ما مرت عيوني وجيه عباد
ما عينت لعيوني قبل وجهها قره

أنا صعب أحب الدارج العادي المعتاد
أحب الفريد اللي ما شفته ولا مره

[علي ابن مانع @qd360]

حنا بدينا القصّه اللي ما تصدّقها العقول
و أنتي غديتي عامريّتها .. و أنا مجنونها

أنا طريح النظره اللي في نهايتها خمول
تمكّنت بين الضلوع و دكّت اللي دونها❣️

[علي ابن مانع @qd360]

يا حبيبي .. والمحبه بدايتها سؤال
والنهايه قسوةٍ تكسر الغصن الندي

والذي فضّل جمالك على كل الجمال
انك اغلى من عيوني ومن دم جسدي

[علي ابن مانع @qd360]

صحيح الوطن ماهو مساحة ولا سكّان
وطنك الوليف اللي سعادتك في قربه

اذا شفته ! تحس ان كل الوجود أوطان
واذا غاب عنك تموت من شدّة الغربه

بموت العلاقة بين الإنسان والإنسان !
تموت العلاقة .. بين الإنسان والتربه .

[علي ابن مانع @qd360]

أرفعي راسك على كل مركوزة نهد
و أزعلي و أنا اشري رضاك لو كان زعلي

[علي ابن مانع @qd360]

« يا رفيق الذكريات ويا شريك فؤادي
كل ظنٍ فيك ظنيته؟ تجي من فوقه

يتسلل صوتك من الذاكره وينادي
لين يفتق جوفي اللي كنت أخيط فتوقه

ايييه يا لبيه، يا موتي، ويا ميلادي
جعل حزنٍ مرني ما تونسه وتذوقه

يا وقودي وإندفاعي بالحياة وزادي
يا حشاشة جوفي وقلبي ودم عروقه »