سلمان الخنفري .

مالقيت إلا الشعر بالكون يلفت إنتباهي .

[سلمان الخنفري . @qhh55]

مع وليفٍ كل ماجا بيقرب بعّدوه
صايرٍ من غيبته في عقايب وامتحان

يستحي من مكله الزاد بين امه وابوه
خل عاد يعامل الناس في هرج الحنان

ان بغيت اجيه شافوه ربعه واحرجوه
وان بغيت اصد طاريه جنني جنان .

- سعد بن جدلان

[سلمان الخنفري . @qhh55]

انا اخاف من طاري المفارق بشكلٍ عام
مثل ما تخاف الجن من رقية الراقي

ابي عمري وعمرك يجي من ثلاث ارقام
وحنا على الحب وعلى هقوة الهاقي .

[سلمان الخنفري . @qhh55]

أنا قررت اعيش العمر كلّه لو يدوم سنين
احاضي وردةٍ من حبّها ما ودّي اقطفها .
- سعود بن مبارك.

[سلمان الخنفري . @qhh55]

وجودي والتوجّد حيلة اللي بار فيه الحيل
لبس ثوب المكابر لين بان النقص في حاله

على اللي من عرفته ما سفط لي من منام الليل
سفط لي جرّة الونّة على؛ فنجال وبياله

يحسب إني نسيته جعل شوقٍ ضامني بالحيل
يضيمه لين يدري في خفوقي ويش منزاله .

- سعود مبارك.

[سلمان الخنفري . @qhh55]

انت ياللي واقفٍ بين المحبة والمبادي
ما لحقك خلاف يا طيرٍ تمادى في مطيره

قامت طيوفك تلاعب بي مثل لعب الهنادي
والهنادي لو توامى مزح ضربتها خطيرة

عن ضجيج الناس اشرّف واهتوي روس المبادي
خايفٍ طيفك يذير الناس ويجافي عشيره .

[سلمان الخنفري . @qhh55]

عليك السلام الوافر بكل وقت وحين
يا من غاب عن عيني ولا غابت طيوفه

يقولون لابد اللقى يجمع الحيّن
وأنا أقول لولا الوقت ما شانت ظروفه

سقى الله يوم المواجه شبه روتين
وجلساتنا بالود والشوق محفوفه .

[سلمان الخنفري . @qhh55]

غصنٍ من البال مهجور ونصاه الحمام
من كل وجهة غياب و كل وجهة حنين

وشلون ما افتح له ضلوعي ببرد وسلام
و انا مجرّب لضى الأشواق والغايبين .

[سلمان الخنفري . @qhh55]

حبيبي كثر ماخلى غيابك في صدر مغليك
كثر ماضيقه عذل العذول ولومة اللايم

تمنيت ان مصيري في البدايه ماتعلق فيك
لانه ماعلى الدنيا دوام الا الله الدايم

رحلت وكل حسرات الضلوع العوج منك إليك
مع انك تدري ان وادي المفارق مدهل الهايم .

[سلمان الخنفري . @qhh55]

مشاريه الغلا مثل الحفاوه في لقى الغالين
و عتاب اللي يحب أقسّى من الفرقا و طاريها .

[سلمان الخنفري . @qhh55]

الليل نجدي والسحاب يْتباها
على الرياض فلول قطره مسابيق

تزيّنت له بالوله يوم جاها
متبلله يسهى بها شوي ويفيق

احب شوفتها كذا ومن غلاها
ماعاد ياسع خاطري دخلة الضيق

تمسي على صوت المطر لا دعاها
واذا اصبحت تشرب سحابه على الريق .

[سلمان الخنفري . @qhh55]

تفاهمنا على حسم الأمور وكلّنا راضين
وتوادعنا ما كن قلوبنا خضر و هواوية

ومع هذا عجزت أسج وأنسى وأترك المقفين
أغصب القلب لكن الغلا قدرة إلاهيه

أعن لكل ما في نجد حتى شارع الستين
وأحن إن ذعذع الغربي على أهل الشرق عصرية .

[سلمان الخنفري . @qhh55]

سلام الله على اللي حبها ما فارق الاعماق
وقلبي من غلاها فيه شقر وفيه ماريه

تعمدني غلاها لين حبيت و عرفت اشتاق
و انا ما كنت أليين من العلاقات الغراميه

صحيح انه صدفني غيرها لكن على الاطلاق
بعدها كن ما به ذات حسن وذات اهميه .

[سلمان الخنفري . @qhh55]

تخيرتك وانا ماني بجاهل وجهك ومبداك
اشوفك ديرةٍ ضمت مداي ونصف من روحي .

_ ضيدان بن قضعان .

[سلمان الخنفري . @qhh55]

واللي بلاه النصيب بحب رعبوبه
راحت من ايده وقلبه بين أياديها

يبطي ونفسه عن اللذات محجوبه
ويندم على الساعه اللي شافها فيها

وإن جات هوّج الرياح بريحها صوبه
وش يبغي بحاجةٍ ماهو براعيها .

[سلمان الخنفري . @qhh55]

انا مفتقد قلبٍ يساير هبوب النود
ياحظي لو اني مفتقد عقلي الشايب

يضيع الشغف لا صار مايدعمه مجهود
مثل مايضيع المال من غفلة السايب

عسى غايتي في ليلةٍ بدرها موجود
يجيني عوضها ليلةٍ بدرها غايب .

[سلمان الخنفري . @qhh55]

ياموقد النار فيني رمّدت نارك
وآلفت فرقاك لو جرحك موالفني

يمّمت وجهي من اللهفة على دارك
وأثرك على زلّة الماضي مخالفني

اللي بقى من بقايا الحب مقدارك
أبيه حولي على شان يغفى جفني

يؤسفني إني ما عاد أبرر أعذارك
ويؤسفني إن قلبي المشتاق يؤسفني .

_ سعود مبارك .

[سلمان الخنفري . @qhh55]

ان رموني بالتهايم وفضلت السكوت
أضعف الإيمان في وسط قلبك برني

لك علي اني ما أحطك على لسان الشموت
ولي عليك ان كان صدرك تضايق مرني

وسبة أضعاف الروابع وظلّام البخوت
كان ماهي نافعتني ماهيب تضرني

مستعد أموت لأجلك لكن قبل أموت
كان عندك شي يثبت غلاتي ورني .

[سلمان الخنفري . @qhh55]

مثل القمر و الشمس نضوي كل صوب
حلوين مفترقين لكن مع بعضنا في خطر

كلٍ يشوف الثاني من بعيد و يعد الذنوب
إلا تحت قطر المطر تنسى و تضحك من بطر

جعل المطر على مدار العام يا الخود الطروب
مادام هذا هو مزاجك كل ما جانا المطر .

[سلمان الخنفري . @qhh55]

كل يوم أصافح طيوفك غلا مدري مبرّه
ووين ما لديت أشوفك وجهتي فـ أربع جهاتي

ماقدرت اعيش لذات الحياه المستمرّه
لا بغيت أواكب الحاضر رجعت لـ ذكرياتي

يوم جيتك جيّت اللي يدري إن الموت مره
تاركٍ من خلفي الدنيا و أهلها و أمنياتي .