خالد سعيد

راسي شريته يوم تدنيقة الروس
ابيه يبقى لين اموت امتعلي .

شاعر🖋️.

[شعييل @0ickk]

سرحت بخيالي فيك وأسهبّت فالتفكير
وطلّعت كل اللي مخبى ورى صدري

ماتمنعني حدود المسافة عن التعبير
أنا توّي مسولف معك وانت ماتدري .

- عبدالله السراهيد .

[خالد سعيد @qht3ni]

@0ickk يسلااااااام

[خالد سعيد @qht3ni]

ادعس على العقرب واللحقه بالداب
انا ولد حرٍ كبارٍ عزووومه

وحطيتهم مابين ضرسي والانياب
كم عايلٍ قفى بنفس محرومه

والي يبي كسب الغنايم بلا حساب
عليه بذكر الله وفرضه وصومه
خالد سعيد 🖊️.

[خالد سعيد @qht3ni]

عندي نصيحه والنصيحه لها اسباب
واسبابها وقت تغير ارسومه

كل على قده يفصله ثياب
لحد يخش ايديه داخل كمومه

الكذب مايرفع مقامات وانساب
هذا الصحيح اليوم ماتجهل علومه

كلن يقول انه ابو زيد وذياب
نصيحتي لحد تغشه سنونه

مانيب ادور للمدايح واللقاب
ونفسي عن الهرج الهزيل محشومه

[خالد سعيد @qht3ni]

إلاهي وانت إلاهي يامجيب لدعوة المحتاج
تقديني على الدرب الصحيح والك تهديني

انا في داخلي فوضى مثل فوضى بلد حجاج
من الضيقه احس الهم كنه مني وفيني

تعبت اجامل العالم واحط الكبد فوق الصاج
عشان ارضي شفوف الناس واطمن محبيني
خالد سعيد 🖊️ .

[خالد سعيد @qht3ni]

المال يا حسين تنطل به يمانينا
ولا نحسب حسابه كان ما جانا

والوقت لو دار ما غير مبادينا
حتى ولوه على العثرات يحدانا .

[خالد سعيد @qht3ni]

احسب ان القلب صوبي ولا غيري شريك
واثر لي في طارف القلب يازييين خشرى