AM🇶🇦

عاشر من يزيد حياتك حياه

[AM🇶🇦 @qi0iq_]

أنا ليّ في الله حسن ظنّ ورجا وآمال
كأنّي أشوف .. أقداره البيض قدّامي

[. @towq__]

يا جعلني ما أنحرم وصّلك لو إنه حرام
أمنت با أقدار حبي لك و ربي غفور

غيابك يحطني بين العتب و الملام
أضراره تزيد لازدت تمادي وجور

[سعود بن محمد| مصور @s77__o]

أقدر أسبح بحور المغريات الكثيره
لكن أغرق من أول نصف نظره قبالك

القمر والكواكب .. والنجوم المنيره
تنطفي لا كشفتي من على الوجه شالك

والله إن الجمال اللي في شبه الجزيره
كنه القطره اللي في بحر من جمالك.

[قروب شعر @Group_she3er]

لو نوزع فعلنا للناس في شتى البقاع
مابقى فيهم بخيل ولاخبيثٍ ورخمه

[ِ @5ilQ__]

النفوس العظيمة تعرف اللي تبيه
ما تدوّر رضا العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

لا تروح لمكان إلا وراحتك فيه
ولا تجي من مكان إلا بسيرة وجاه .

[‏‏‏ ‏ᥫ᭡ @fr8lh]

عزوم الزمن تالي عقب غيبتك صلبه
لكن ماهو ب شيءٍ من الوصل يردعني

[‏‏‏ ‏ᥫ᭡ @fr8lh]

من فنى عّمره على لحظه معك عقبَ انتظار
شاف وشهي قيمة احلامه وحصل مشتهاه .

[‏‏‏ ‏ᥫ᭡ @fr8lh]

مثل ما كنت احبّك من مشاعر واعيه وادراك
طلبتك من مشاعر واعيه وادراك تنساني
'
تعدّت مرحلة حبك وراحت وانتهت وعفاك
بلاش ازعل علشانك .. ولا تزعل علشاني
'
قبل تصبح عدوي لا قفلت الباب والشبّاك
تذكر بـ انك اللي كنت اشوفه سيد خلاني !

[‏‏‏ ‏ᥫ᭡ @fr8lh]

تعود قلبي على اللوعات وراح وعاد
مع الهم حتى صااار كل الشقى عادي

اشوف الخطا واجيه كني عليه انقاد
واعرف السنع وادل غيري وانا غادي .

[‏‏‏ ‏ᥫ᭡ @fr8lh]

هقيت انا وياك نبقى فـ السنين احباب
واثاري عشرتك عيت تكمل عامها الأول

[‏‏‏ ‏ᥫ᭡ @fr8lh]

تشبه قصيده ناتجة مع وجه صبـح
في عين شاعرها هي اللي فارقْه *.

[‏‏‏ ‏ᥫ᭡ @fr8lh]

تروح للإبل و تتركني و أنا ودي
أجيك و أشوفك الليله قبل بُكره

لولا الحياء و أسمي الرنّان مع جدي
اللي على الطيب و العليا طغى ذكره

لـ أقول لك قولةٍ و أبيح لك سدي
و الصقر ماله ترى مجناب عن وكره

تعال هذي هي رقبتي و ذا خدي
أن شفتني بنت ولا شفتني ( بَكرّه ) 💘👩🏻‍🦯

[AM🇶🇦 @qi0iq_]

" عن نسيم البرد والليل روحي في ذراك
كل ليلة فالشتاء معك ليله دافيه

من يعيش سنين عمره على ضفّة غلاك
مايبي غير الرضى و العفو و العافيه "

[AM🇶🇦 @qi0iq_]

أحبك غير عن كل الغرام الي يجي بالك
غرامٍ مامشى غيرك خطاه وصرت مكتوبة

وأشوفك غير عن كل الوجيه الي تهيا لك
وعن من حاول يشابة حلاك وماني بصوبة

وأحسك غير وأنت الي على الاحساس لحالك
تنافس نفسك بصدرٍ تضيق بدونك رحوبة

[عيار @Eiar_q8]

هامات الانفس ترجي الاقبال ي وجه الغيوب
وتحزم مواجعها قبل لا تحتزم بجنوبها

دائم فقير المال وشباهه تضيق ابها الدروب
تشقى تبا الراحه ولا يرتاح غير جيوبها

يشيب اللّٰه كل عارض لحيي مع وقت الغروب
ويّعود لعمره لامن الشمس شقت ثوبها

ع نديم مرحبا ابه تفلج الصدر الرحوب
وليلة عذابً عن دقايقها تدور عيوبها

ي شبه وضحَ من حلاها كن ما فيها عيوب
ما باقي الا شبر وينوش الثرا عرقوبها

اماتها سبة دفان القوم في وقت الحروب
كم سربة قفوا عن الدنيا ولا قفوبها

خذني ي وجه الريح من وجه المقادير الشحوب
ابطت عليك النفس تغسل همها في ذنوبها

وسلم سلام المقبل المشتاق لو انك كذوب
الصدق ما عطى الصادقين اسلوب غير اسلوبها

واضحك مثل ما تضحك الساسه ع احلام الشعوب
تضحك ولا قلة محبتها ما بين شعوبها

الراحلين اللي خذت قلبي وهي معها قلوب
ودي تلد عيونها لوما تلد قلوبها

حسبي ع ضيدان وابياته وبراق الجنوب
وسحابةً كفت مدامعها وصامت دوبها

عيب السحاب انه ليا قفى ع متن الهبوب
تدعيه الارض ولايحاول يرخي اذنه صوبها

@m_alroebkh

[ميّم . @m8iilll]

معك للقلب ضحك ومعك للوقت قيمه
فتش صوتك وتلقى سر اندفاعي

كان صوتك من اعماق الحياه القديمه
للجهل معه عذر ومعه للطيش داعي

ضيعتي معك لا سرقه ولاهي ظليمه
وش عشانه ندل ! انا سعيد بضياعي ❣️

[وهـايب @iweb98]

طويل البال ويدينك ملاذ ورمش عينك ظل
سقى الله ضحكةٍ فيها ضحى عمري وميلادي

أمرك كني إنسان عليه من العيون و زل
وإتل خطاي قدام الحقايق وأطلق جيادي

بلادي ماهي اللي وسطها عشت بنعيم وظل
أنا أشوف إن عيونك وجهتي ويدينك بلادي ..

[غَزل 🦌 @wr_re7]

عديل روحي صد عني وقفى
ولازلت معلن في هواه انتمائي

لاقد جروحي في المحبه ب تشفى
محقتني يامحمد وجددت دائي

تكفى يـ اخو مطحس ليا تكفى
لاعاد تسولف في المحبه نهائي

راشد بن مصلح

[قصيد @Qaseed96]

وش تبين من القصايد يا جميله
وأنتي أكمل والقصيد يجيه خله

أنتي أصعب وصف وأحلى مستحيله
وأنتي أصدق روح وأجمل مسفهله

كيف أوصف عنق وأغازل جديله
والقصيد أصغر من التوصيف كله

أعترف لك ما معي في الوصف حيله
غير أقول اللّه عليك فكل طله 🤍

[قروب اشعار @aShi3ar]

يامرحبا ياعام « سته وعشرين »
دام الجروح ان جيت بتصير ماضي

كنت اجهل شلون اتغاضى وهالحين
صرت اعرف وشلون فن التغاضي

وان راح عامٍ فيه محنا براضين
« يالله بـ علمٍ منه الكل راضي » .

[غَزل 🦌 @wr_re7]

اشتقت لأيام الهناء في جنابك
يوم الشموع في ليل الأحباب ضون

وأشتقت أقول لهاتفك مرحبا بك
واشتقت لغيوم الصحاري تكون

عود .. ترى داعي الهوى عند بابك
واروي القلوب اللي بعد ما ترون

غنيت لك عمري ولا جاء جوابك
واسمي مع جنون ليلى تدون