خسارةٍ يطلع وراها محاصيل
ألذّ من فوزٍ بطعم الهزيمه
النفس تقبل مثل ماتقبل الخيل
وتصد لو إن النعم مستديمه
شيٍ تخافه من عقوبه و تنكيل
وشيٍ تعافه من كرامه و شيمه
أنت يا حلو الملامح ويا حلو الصفات
جل شان اللي من الزين معطيك رهوه
كل يوم تحط دوبك و دوب الذكريات
لين ما ياخذ بي الوجد والشوق نهوه
يا محاصرني بـ ذكرك من الأربع جهات
ما تركت لـ ساحة البال سجه ولهوه
ارتبط وجهك مع الورد والماء والنبات
و ارتبط طاريك مع كل فنجال قهوه .
#رمضان_كريم
اللهم هيئ قلوبنا لرمضان .. 🌙
حباً للعبادة وفرحاً بقدومه وتقديراً لفضله
وأعنا فيه على ما تحب وترضى
وسلّمنا لرمضان وسلّمه لنا وتسلّمه منا متقبلا
وكل عام وانتم بخير
تمرّ السنين وكل حاجة على المعتاد
هذا دربك أدلّه .. وذا بيتك أدلّه
توّقف ملذات العمر مابين شرب و زاد
ولا الذّ من صوتك إلا جا عل�� حلّه
جعل كل يومٍ مضى لي معاك .. يعاد
أنا ما يكفّيني معك ما مضى كلّه
01-01-2026
بعد الغياب اللي اصحابي تشوفه طويل
وانا ادري انهم يشوفونه بـ عين الغلا
سلام عن كل يومً غبته و كل ليل
وعن كل شرهات قيفان الشعر من الى
الليلة اظن عادي يستخف الثقيل
والمرحبا اظن عادي تزهم المسهلا
واظن عادي بعد لو غازل الرمش ميل
لو غازل الرمش عادي عندكم ولا لا :)
ليه يا السناب تفجعنا #سناب_شات .
هذه والشاعر يقول :
احيان بعض العرب بحبها تحتريك
ما تقدر تصبر عنك اربع وعشرين ساعه
الله يخلي السناب وخطة الاستريك
والله يخليه و لا يبعد عني اجتماعه
كل الدروب اللي على الكون العريض
ضاقت وانا احتاج الرحابه و الفضى
يا الله تكفيني غثى القلب المريض
يارب انا صبري على الدن��ا قضى
كل شيء ابيه يصير و يصير النقيض
ما عدت ابي من هالحياه الا الرضى
قبل الحزن يملا المعاليق و يفيض
كان الأمل يدفى على جمر الغضى
دام السماء تشتاق لأوقات الوميض
و البرق من دون السحابه ما نضى
ما الوم قلب بذكرياته يستهيض
مضى ولكن ما تخطى اللي مضى
رجعيني للشغف يا أعز وأغلى ماحصلي
وإستغلي بسمتك لرضاي في وقت الملامه
الليالي مالها وجهٍ ضحوك ومسفهلي
غير لامنه بدا لي خدك الي فيه شامه
وأستريحي فوق ديباجك وفلي شعرك اللي
ودي أقضي عمري الباقي تحت دامس ظلامه
يا رقيقة مدّي الحسْن وتمادي
وإشرحي لليل مفهوم الوسامه
وإفتحي شبّاك تفكيري ونادي
كل نجم أخايله تارك علامه
إضحكي للغيم دام الجو هادي
مثلك إنتي له غلاه وله مقامه
رافقتْك الشمس يا قمرة فوادي
لو تدور الأرض عدّتك الملامه
القصايد مالها موقف حِيادي
في عيونك يعلن الشعر انهزامه