᷂تواق

والله ان شبحي بعيد وعزتي تغنيني

[᷂تواق @qpvv3]

ارحمني يا الله ان بردت اطرافي وحملوني على الاكتاف سيراً لذلك القبر ربي إني اخاف العتمه,انِر قبري إذا مُت وثبّت لساني إذا سُئلت واغفر لي إذا اذنبت وسامحني إن اخطئت ولاتتركني وحيداً يالله اللهم إني اسألك حُسن الخاتمه يارب لاتأخذني إليك الا وانت راضٍ عني.

[᷂تواق @qpvv3]

جيتك .. وأنا ودي من الفرحة آطير
وأعانق نجومك !.. وأعانق سحابك

متخوف وعايش على الحلم الآخير
بـ أموت لو ما قلت لي ! مرحبابك

ورحّبت بي .. جعل فداك الغنادير
اللي ما تسوي في عيوني ! سرابك

وتنشد عن أحوالي عسى أحوالي بخير
كل الامور بـخير !.. لولا غياااابك

[᷂تواق @qpvv3]

المطر و الغيم ربي جمعهم فـ الجبيل
باقي أنت .. الله يجيبك مثل ما جابهم

[᷂تواق @qpvv3]

الليل ، والذكرى ، وطاريك ، والصمت
ذالاربعه في غيبتك " سامروووووني "

[᷂تواق @qpvv3]

عسى ظلما مشاوير المواصل والشعور الجاف
فدى وجهً ما غطّى نوره !.. ألا شعرك المبتل

[᷂تواق @qpvv3]

يا غايبه لو معي غير القصيد الحزين
امدا عيوني هنّت وامدا ضميري سلا

اجنّب اللوم واعتق كل عذرٍ سمين
لو كان عينك كريمه واليدين بخلا

بدر مبارك

[᷂تواق @qpvv3]

أنتي أنقى قلب وأحلى صوت وأرقى بنيه
وأقرب من الناس لو بيني و بينك فرقا

عشرتك ماهيب منسيّة ولا مسليّة
وين ما أحوّل تحوّل وين ما أرقى ترقى

عاد صوتك فـ أذني و عاده ألذّ أغنية
وعادها طيوفك تخاطفني لا ناحت ورقا

وعاد صورتك برموش الذاكرة محميّة
وعاد في قدرك مقادير الأوادم غرقا .

[᷂تواق @qpvv3]

سمّي علي واحضنيني لين ادّل الطريق
انا من الشوق ضايع .. فالعيون النجل

عوامل البُعد .. ماخلّت لقلبي صديق
ماغير طيفً يجي رحمه ويقفي عجل

مدّي يدينك .. وداوي كل جرحً عميق
لين اونس العافيه قبل .. يحين الاجل

حتى لو الفاتنات بـ كّل شارع .. فريق
جمال وجهك" فرقْه .. الله عزّ وجل

[᷂تواق @qpvv3]

ياقبلة الروح كانه فات طيش الشباب
جيبي لنا لو نهار من الزمان القديم

اليا تذكرتي ان الله شديد العقاب
وش يمنعك تذكرين انه غفورٍ رحيم

حنيتك من العتب يوم ان بعض العتاب
اقطع من السيف واصدق من دموع اليتيم

شكرا على مامضى لي معك حتى الغياب
انتي غيابك صنع للناس شاعر عظيم

[᷂تواق @qpvv3]

بالشرع لايقتّل العاشق ولا يستتاب
خلوني اسعى على وجه البسيطه واهيم

محتاج اعيش الحياه بدون محسب حساب
راضي بما يكتبه ربي وربي كريم

متفائل بشكل مايوصف واحث الركاب
لو ان بالصدر نارٍ كنها في هشيم

ازكي الضحكه اللي ماتكمل نصاب
اضحك على شان مايضحك علي اللئيم

[᷂تواق @qpvv3]

صبرت والصبر مر وقطعةٍ من عذاب
ولا تجزعت من صبري ولا قلت ضيم

ريانة العود صبري معك ماله ثواب؟
سمعي كساه الجفاف وهمسة شفاك ديم

لاطاب وصلك ولا الخاطر من الوصل طاب
كم لي وانا اقف على جالك واعود محيم

انا ادري ان الاوادم كلهم من تراب
وانتي من تراب مكه والحرم والحطيم

[᷂تواق @qpvv3]

قال وشلونك؟ وقلت بخير .. يامال السلامه
قال أكيد؟ وقلت أكيد أني من الصعب أتعود

في غيابك جالس ادور على نص .. إبتسامه
قال خايف؟ قلت اخاف إنك تروح وما تعود

[᷂تواق @qpvv3]

بعـد مانطـق في تالي الليله اسمي حـاف
عرفت انه العربون .. في ليلة فراقي

[᷂تواق @qpvv3]

@almhawrat عااابر 👏🏻👏🏻👏🏻👏🏻

[᷂تواق @qpvv3]

@msfer9 @5alohaa @zafr_frhan ياحي الاولى ولا رد ظافر اللي مشا ، نقدر نحطه فوق ونحطه تحت 🤣🤣

[᷂تواق @qpvv3]

@iiv213 جزيل الشكر لـ ظروفي اللي على ما هي
على كثر ما شفت الامل .. بابٍ مسكر

الله يا مجرمم👏🏼👏🏼

[بدر مبارك @iiv213]

يا زهرة شبابي لو بقى من شبابي شي
ما شفت الليالي حزنها الليله مبكّر

تعيش الهقاوي في ظروفٍ ما هي بشوي
وتمر الليالي .. لا اتقهوى ولا اشكّر

ما بين المواصل والجفى والهدا والغي
أدوج بـ رحاب الأرض وأهيم وأفكّر

جزيل الشكر لـ ظروفي اللي على ما هي
على كثر ما شفت الامل .. بابٍ مسكر

بدر مبارك

[᷂تواق @qpvv3]

@iiv213 جزيل الشكر يا ظروفي اللي على ما هي
على كثر ما شفت الامل .. بابٍ مسكر

الله يامجرمم👏🏻👏🏻👏🏻👏🏻

[᷂تواق @qpvv3]

فجوج الخلا يا ضايقين الصدور وساع
تواصوا بـها واعتزلوا الناس والصجّه

[᷂تواق @qpvv3]

ترى خلاياي مدمنة على صوتك
كلمني فالصبح مره و فالمساء مره . .

_ طلب سعد بن جدلان رحمه الله و أنا