اتهرّب : كل ما اقبل علي ليلٍ مليح
فيه لـ الشرقي هبايب ولـ القمرا سنا
كن قلبي يسري الليل فوق بساط ريح
وده يصادف دقايق من أيام الهنا
ما يموت العاشق إلّا بعذل المستريح
لا عجَز يشرح من العشق لذات العنا
يوم ما كنّ البسيطه لها : جوٍ فسيح
ويوم في عيني جبال السراوات : دْهنا
ان بغيت اكفّن الحب واهديه الضريح
والله أن اصبح وهو تاركٍ خلفه ضنا
ما قدرت آعرف قلبي سخي ولّا شحيح
من كثر ما حال دون ( المحبه ) وانثنى
يا صحيح الود ما عاد في حالي صحيح
ادرِك اللي مدِركه بعد فرقاك الونى
ويش اداوي من جروحي وانا كلي جريح
لا غفى جرحٍ هنا ، صاح جرحٍ من هنا
لا توقفني ليا جيت محتاج ( المطيح )
المطيح احيان يحتاجه ( الميّت وانا )
عاونيني يا طوارف نجد في بدع القصيده
لي ثمان شهور ما عينت لي عداً رهاوي
ماتت افكاري مثل ما ماتت غصون الجريده
من يبشرني بمنشا يضفي بسيلاً نحاوي
الشعور يمّكن الشاعر من طروق جديده
وانا متبلد شعور ولاني بشخص هواوي
ضايع في حب وضحى كنها لون الجليده
من يعذربني في حبي لا يصدر لي فتاوي
على كل حال ان كان عادك تبين تجين
ترا خاطري للحين ماهوب متشالي
وبعدين وعيوني تطالع متى بعدين
ثمن غيبة الغالي ليا طولت "غالي"
اذا اخر لقاء بسمه حزينه ودمعة عين
اجل كيف "باقي العمر" لاعشته لحالي
انا داري ان غيبتك عني! ليوم الدين
ولاكن ترا طاريك، ماغاب عن بالي
سكنتي ف قلبي ماسكنتي بيوت الطين
مكانك مابين الناس عالي ومتعالي
متا اعيش مثل الناس راضي ووضعي زين
اببعد عن الي ( كل ليله ) يورا لي
من يشوف حالي قبل ويشوفني ذالحين
بيسمع "همومي" قبل لا يسمع اقوالي
ياطول الغياب الي مثل طول خط الرين
قضاء العمر لاكن ما قضاء منه ترحالي
عن الناس اصد تقول كني مطالب دين
مثل صدة الي يهتوي لـ الخلا الخالي
ماعذبني الا قولت انك من الحيين
لونك من "الحيين" مازاد غربالي
.
اتعذر من رفيقي من ضروف الزمان
نفسي ليا قال كيف انت، كيف تصارحه؟
كل مازانت ظروفي وقلت الليل زان
شفت ليلً ماهو بمثل ليل البارحة
أن سريت الليل ماشفت فالليل اتزان
وأن سرحت الصبح جتني همومي سارحه
صايرً حلقي من الحزن كن فيه احتقان
الكلام أن جيت اقوله! "حروفه جارحه"
.
اضيق بعض احيان واستانس احيان
والحلم مهما طال ماني مخليه
صحيح اعرف الصبر للخير عنوان
بس الصبر طول ولا شفت تاليه
الوقت يمشي عجل لكنه الان
عيا لايمشي والسبب ما اعرف ليه ؟
من علق اماله على قولة فلان
لاينصدم لامن تعلق برجليه
من يعوضني عن الي مايستاهل وفاي
اتعزز به واخاويه واثره علتي
احسب انه خيرة الي عرفته فخوياي
كل مادورت له عذر دور زلتي
مادريت ان رفقته شر وان قربه عناي
شارب بغضي وكرهي وشارب دلتي
علموه ان كان صديت لا يبحث وراي
والله ان يبطي على الارض يرقب خلتي
انا داخلي كومة هموم وتعب واحزان
لو اضحك ترى الضحكه مع الحزن مرهونه
غدت كنّها زقم العلك في يد الفقران
لا غطت مصاريفه ولا سدت ديونه
ترى ضحكة الضايق مثل حالة الطفران
هذا الفقر في جيبه وذا الحزن في عيونه
ما يرقب الراعي الا السيل ف الوادي
الارض كم قدلها جدبا ولا سالت
والعيس ما درهمت يبغي لها حادي
ابطت مباريك لا صالت ولا جالت
والناس ما عندها الا موجة الرادي
عاد الله الله في الاخبار وش قالت ؟
ما فيه حاجة جديده تنعش فوادي
قريحتي ودّها تقرع ... ولا زالت
يا نفسي اللي عليها الجمر وقادي
ياويش خلّت ووش حطت ووش شالت!
حزين حزن العرب بسقوط بغدادي
انهالت امالهم من يوم مـانهالت
ما عاد يملكني .. الا الطابع الهادي
متجنب الناس والدنيا .. وما آلت
إليه الايام .. ( ما هو غاية مرادي )
الا على طاري الخوه …. ليا مالت
من عقب فاجيت وجهك دون ميعادي
يمناك ما طالت اما لحيتك طالت
هجرتك سنين وانت وطبعك الغادي
ما احتلت انا فيه ، بقعاء فيه ما احتالت
و انا عدو البخل من ترثت اجدادي
ووجيهنا نالت من النعم ما نالت
مبداك ناقص والاظلم دايم البادي
غرّتك شبعتك حتى نفسك اختالت
و لحيتك حلقتها خليتها .. عادي
ما هيب والنّعم لا والله وما قالت