الصاحب اللي رضى يبعد وانا مارضيت
لكن قدرت ابتعد وارضى مثل مارضى
اتلى العهد به يقول اكلمك لا فضيت
واليوم قد له سنه واكثر وهو مافضى
فيه الرجاء ماقضى وانا بعد ماقضيت
لكن حبه وتقديره هو اللي قضى
ماعاد طاب لي ممشى ولا طاب لي مقعاد
مراحي ومقعادي طريقين مستويه
ترا اللي جعلني طول وقتي حزين فؤاد
مسير القدم والنفس ماهيب مهتويه
الا واهني اللي مشه له على ما راد
وانا لازمي من دونه الطرق ملتويه
- سعيد بن جخدب .
عن التساؤلات الحزينة اللي
طرحها سعد علوش في ابياته اللي تبين
تهربه وضيقته من حياته :
" هو أنا الغارق ولاعندي أيادي
آه لامن صار مشكلتك ف ذاتك
تهرب من الناس لا من ضقت عادي
بس قلّي ! كيف تهرب من حياتك ؟ "