"ولا يحق لأي جهة حكومية أو خاصة أن تلزم المرأة بارتداء العباءة في الأماكن العامة"
سمعتوا يالمدارس والجامعات؟ لبس المرأه بكيفها دامه محتشم
#٢٠٣٠_بلا_نقاب39
من بداية التاق وأنا ملاحظة شيء، الذكور والمجتمع مصدومين إن النساء قالوا لا! وش هالصدمة؟ ليش مستغربين؟ مو أنتم طالبتم وصرختوا وهاجمتوا يوم دريتوا إن الأجنبي بالقدية أخذ وظائفكم وسلب حقكم؟ مو انتوا سبيتوا وزير العمل ومابقيتوا كلمه وتعديتوا حدودكم على موظفين الدولة ! ليش يوم صارت المطالبات من النساء انقلبت الدنيا؟ ولا حلال عليكم وحرام علينا؟
أنتم اعتبرتوا الوظيفة حق أساسي لكم وما سكتوا يوم حسيتوا إنكم انظلمتوا، طيب ليش حقوقنا إحنا فجأة صارت تمرد وفتنة وخروج عن المجتمع؟ مطالباتنا ما تختلف عن مطالباتكم، الفرق إنكم تبون تستردون حقوقكم من ورارة العمل وإحنا نبي نسترد حقوقنا منكم ومن القيود اللي فرضتوها علينا.
الأجنبية تعيش بحرية وكرامة، حدودها الشخصية تُحترم، وما أحد يتجرأ يحشر نفسه بجسدها ولبسها وحياتها، بينما السعودية لازم تتحمل الوصاية والتدخل والسب والقذف والتشهير.
الأجنبية لو لبست لبس واسع صارت عندكم أطهر وأشرف امرأة، لكن السعودية لو لبست نفس اللبس صارت عاهرة وأهلها ديوثين! الأجنبية لها شخصية وحدود وكرامة، والسعودية لازم تكون تحت المجهر وتحت رحمة أحكامكم وألسنتكم.
وش هالازدواجية؟ ليش الأجنبية تستحق الاحترام والسعودية تستحق الإهانة؟ ليش كرامة المرأة عندكم تتحدد بجنسيتها؟
إلى متى وأنتم تحسبون إن السعودية ما لها حق تقول لا؟ ترى زمن السكوت انتهى، ومطالباتنا ما راح تتوقف عشانكم مو متعودين تشوفون امرأة ترفض وتطالب وتواجه.
بتجيكم حوبة هالسنين، وكارما أقوى من القدية، وعينكم تشوف.
#٢٠٣٠_بلا_نقاب38
#٢٠٣٠_بلا_نقاب39
#معتقلات_المنازل38
#معتقلات_المنازل39