زيـنــا

[Nader @Ahmednaderyass]

مفيش أجمل من إن الواحد يقابل حد يحبه من غير ما يقرر يمارس عليه ألاعيبه النفسية ولا يعيشه صدمات طفولته ويطفحه لعبة الإختفاء المتكرر الحقيرة لأن بصراحة الحياة صعبة أوي لوحدها ووجود علاقة مؤذية هيصعبها أكتر يبقى قلتها أحسن بجد

[yousef @yousefhesham87]

لو اتخطبت او اتجوزت ولسا بتقعد تتكلم علي تويتر وtiktok عن ال deep feelings وانت حاسس ب ايه ومحتاج ايه يبقي الخطوبه والجواز ملهمش لازمه و دور علي حد تاني اصل ايه لازمه الشخص اللي معاك لو مش بتتكلم معاه عن الinner thoughts اللي بتفكر فيها،he/she should be your soulmate therapist

[مَرْيَمُ @MMo7amed0]

اللهُم لا تبتليني في زواجي
اللهُم لا تبتليني في زواجي
اللهُم لا تبتليني في زواجي

آمين ألف مرة ، بجد الواحد بيسمع وبيشوف حاجات!
الفكرة نفسها مُرعبة وتخوّف وتستحق نستعيذ منها بالله ليل ونهار

يا ربّ أحسِن إليَّ في زوجي وزواجي وذريتي.

[noureen. @Nisundefined]

عارفين يا جماعة لما الشغل يكون في حوارات ف ترجع البيت ترتاح ساعتين ف تلاقي البيت فيه حوارات ف تقرر تقعد مع نفسك دقيقتين ف تلاقي دماغك فيها حوارات
نعمل shut down لكل ده ازاي بقى ؟

[Mohamed Mostafa @Mohamed74830928]

مش فجأة اوي عموما، مستوعبها من بدري اوي بس الواحد بيزعل لما رهانه لحد اخر لحظة علي حد/حاجه يطلع خسران

[Rovi @rofida_elbadawy]

والجريئ مش اللي مبيخافش
الجريئ اللي بيعمل رغم خوفه

[aya @ayoshaail13]

من وجهة نظري، أكتر دليل على الحب الحقيقي هو الاستمرار في الاختيار.

مش في وقت المشاعر الحلوة وبس، لكن وقت الخلاف، والتعب، والحزن ، والظروف الصعبة. إن الشخص يفضل يختارك كل يوم، ويعاملك باحترام، ويكون موجود، ويحاول يصلّح بدل ما يهرب.

[Nadeen Abdulaziz @nadeenabdulaziz]

الحب الأول هي خدعة تم الترويج لها من الحالمين اللي ماعندهمش وعي و لا مُسميات واقعية لمشاعرهم و شكل تعلقهم. كل اللي بيتقال عنه حُب أول بيبقى تعلّق غير صحي أو مؤذي في حالات كتير لإن نادر تلاقي شخص متربي في نظام عيلة " آمن" عشان يعرف يخلق علاقة صحية لأول مرة في حياته و يحب،

[هيدوزه @Orchid_Xr]

حاجات اتمنى نعملها انا والراجل جوزي

[خالد هشام 𓂆 🇪🇬🇲🇦 @Khaledhesham95]

بحب اوي امتنان الناس لبعضهم البعض، فعل بسيط قادر يخلي الحياة جميلة وسهلة. يعني هو ممتن لوقوفها في المطبخ وترجم امتنانه بالتكييف واكيد افعال تانية هما بس يعرفوها، وهي ممتنة لتفكيره فيها وتعبها ومحاولته التخفيف عنها. ولا حد قعد يقول مين ملزم ومين لأ، دا شكل الحياة الهينة والله.

[زيـنــا @rainhazozo]

انا اغيب واسمي بتفتكروا

[مصدوم حسين @lzyoll]

مش هنسى لما واحد مراته كانت نايمه ع كتفه ف العربيه والسواق نزلهم ع الطريق الصحراوي بعد ما مسح بكرامتهم الارض قدام العربيه كلها وكل ده علشان نايمه ع كتف جوزها بس حرفيا

[Hager @hager_mahm0oud]

لو فضلت الباقي من عمري بحمد ربنا إنه رزقني بزوج أكرمني وركبلي تكييف في المطبخ مش هيكفي والله، ربنا يبعد عنه نار جهنم زي ما بعد عني سخونية المطبخ.

[هيدوزه @Orchid_Xr]

فرق الحجم اللي يرضيني

[Billy @0Coldblood]

اجمل وصف سمعته عن الحب:

​"ملهوش في الناس.. بس ليه فيا"

[aya @ayoshaail13]

زمان كنت فاكرة إن الحُب لـ من يجرؤ .. بس كبرت و فهمت إن الحياة كُلها لـ من يجرؤ!
علشان نصيبك لو عدي قدام عينيك و ممدتش إيدك تاخده، مش هيبقي من نصيبك.