يا الجبال المنيفه فوق الأرض الهشاش
عزة النفس تغني والمهونه تحيج
كان تبغى المعزّه لا يخاويك لاش
خل بينك وبينه مثل بحر الخليج
من يخلي رفيقه والركايب عواش
كيف ينفع رفيقه والركايب هجيج؟
قلق وارتياب وليلٍ يضيع به ساريه
ودمعة تخاف تهَلّ وتفرّط بغالي
ادور نفس حتى النفس ماني بلاقيه
مع ان النخل يستعرض احساسه العالي
أظلال العسيب ادناة نسمه تحرك فيه
وانا لو يهب الكون ماحرك ظلالي
من المستحيل اشعر بذعذاع برد اطريه
وانا اشعر بلفحات ادمٍي يورالي
اغبط الصغير اللي مايشفق على ماضيه
ولو ماعرفت اغبط احد غير من تالي
زمان الغلا ماعاد وقف على رجليه
لياليه صارت كلها مثل عذالي
ياحبٍ توقعت الليالي تنسينيه
على بالي انك مانت طاري على بالي
لهالحين اجي دربٍ معك كنت اجيه
على جرتك جريت قلبي وموالي
احب الطريق اللي وصالك يمشينيه
امر متضايق واتعدا وانا سالي
واحب المكان اللي جمع غالي بغاليه
لو اموت ماجيته باحد غير بعيالي
على ضيم هجرك مرهف الحس مايمديه
اربك ليا هالحين مشتاق لوصالي
اذا الشوق صدق الله يحييك ويحييه
واذا رحمه اتركني ويرحمني الوالي
ابشرك صرت اصون حزنك وصرت اخفيه
للا الشعر كان الكل مايعرف احوالي
ماعاد اضحك لطيفك مع الناس ولا ابكيه
اروح اضحك لحالي واروح ابكي لحالي
لاني بجايع ولا ضميان
وألبس من الخام وأطشه
ومن فضل ربي كذا قنعان
ولا تفارق حجاجي البشه
ولا احتاج غيره عظيم الشان
اللي يغيث أرضه برشه
وإن سكروا عني البيبان
لي رازق الطير في عشه
أهم حاجه أعيش إنسان
ما أبوق في شخص واغشه
ولاني من احدٍ أبد زعلان
وإن ضقت دورت لي طشه
انت يا روح القصايد ويا ملح النشيد
يوم جا للشعر طاري وطاريّك طرى
ما قدرت اوصفك في طواري القصيد
انت ما يلحق وصوفك دواوين اشعرى
الوكاد ان كان تبغى الصراحة والأكيد
انك اجمل من عرفته على وجه الثرى
الشجاع الصامل اللي ضلوعه من حديد
لا لمح عينك اللي سلهمت ، عوّد ورى