التشرّه يا رفيقي له اوقاته
فكّني دام الملازيم تربطني
لا تنطّق واحدً طول سكاته
اسكت وخل المعاريف في بطني
الضروف تحد الانسان ل اقصاته
مانيب ناقص ولا شي يحبطني
لا بدا عقلي يحارب ضغوطاته
والله انْ حتى الجمادات تضغطني
كارهه الدنيا مثل كره التقي لل الكافر
الشعور الي مثل هذا وش تسمونه
جعل جنات العزيز المستعان الغافر
منزل الي فقدها فيني يحد اسنونه
ظافر الي سمته على ولدها ظاافر
كل ماتطري على باله تفيض عيونه
ب اقولك حاجه و بيني بينك
واللي ف بالك من بعدها سوّه
الضيق ما يقدر يخرب زينك
حتى لو انه ما خذك ب القوّه
يقدر يغير بس في روتينك
عاد المحب احيان هذا جوّه
ماودي اشوف الحزن في عينك
لكن تراك ب دمعتك محلوّه