واحدة بحبها كانت قايلة حاجة جميلة دايمًا بفتكرها ع الحوار ده فهقولكم،
اليوم اللي بتحسوا انكوا مقدمتوش فيه أي حاجة اقرأوا سورة الإخلاص عشر مرات، كده انتوا بنيتوا لنفسكوا قصر في الجنة، بعد ما تعملوا كده بقى اقعدوا اذكروا الله عشان بالذِكر ده انتوا بتزرعوا نخل في جنينة القصر بتاعكم
من ساعة ما سمعت الشيخ سمير مصطفى بيقول حتى لو حاسس أن نيتك وأنت بتعمل الخير مش لله استحضرها قول يارب أصلح نيتي أصلح عملي
وأنا بقيت اعمل كدا في كل حاجة في كل خطوة بخطيها
بحاول اصلح نيتي حتى لو كان الأمر منفعه بحته
بقوله يارب أصلح عملي واخلق لعملي نية وخليها طيبة وأصلحها ..
الشيطان دايما بيقولك ان المستقبل مضلم، مش هتخلص الroadmap، الhiring واقف، مفيش سفر، مش هتلاقي الحب،
والشيطان ياما طلع كذاب
"والله يعدكم مغفرة منه وفضلا، والله واسع عليم"
ربنا بيقولك العكس، اللي جاي كله سِعة، والعجيب ان ربنا عمره ما قصّر معانا امبارح، فإحنا قلقانين من بكرا ليه؟