سلطان بن عبدالله

شاعر /

[سلطان بن عبدالله @ray13013]

امان من عند الله المعبود
ولا سجدنا غير في فرضه

من فضل ربي كلنا في زود
ونفوسنا ماهيب معترضه

واللي يهدد دوله آل سعود
رده كفو عرض الوطن عرضه

واليا تجراء الحوثي المقرود
سيوفنا ما هيب لـ العرضه

سلطان بن عبدالله

[فهد الحَمّاد @fahdal7mad]

روابط الدمّ .. وروابط الاخوّه
تضيع لو ماهيب ( لله فالله )

سلّم على راس الشيَّم والمروّه
و العفو عند المقدره والمداراه

ما زوّد ضعيف الروابع .. جروّه
الا عشانه .. يحسب الحقّ وياه

من منطلق مقولة ( الضعف قوّه )
يا قوّ وجه ( ضعيّف النفس ) قوّاه

[عبدالله السراهيد @Alsraheed]

هذا الوطن والفضل لله ثم لـ الملوك
سبحان من ميّزه : قدر ومقام وحجم

ما عندنا الا الوفا مهما نصول ونصوك
معنا صفات الغدر والبوق ما تنسجم

وانتم طبيعتكم آردا طبع وآردا سلوك
لا هي طبيعة عرب .. ولا طبيعة عجم

رح انشد اللي وراك ان كان ما علموك
ما لـ الشياطين في قاموسنا الا الرجم

اما جعلنا « ثرى القيعان » دكا دكوك
ولا هوينا على ( الاخصام ) هوية نجم

[سلطان بن عبدالله @ray13013]

@Alsraheed أيقونة الشعر

[عبدالرحمن بن جزا @almoqati111]

كل ما راحت مواعيد خلق الله سراب
اذكر أنڪ داايم .. ( تقولها و تطولها )

[سلطان بن عبدالله @ray13013]

@Alsraheed غير مستغرب الابداع

[سلطان بن عبدالله @ray13013]

زعيمنا ماختلف. كوره و باكوره
واللي يعاديه دايم. ناره ترمد

وبلادنا بـ الامن والدين معموره
الله ه�� اللي اراد ولله نحمد

وانتم مجرد قطيع كلاب مسعو��ه
طبيعي جداً يكون لسانها ممد

عشان تفهم معي وتكون فـ الصوره
الشعب كله فدا سلمان ومحمد

- سلطان بن عبدالله

[مدغم @md8ml]

يمكن اكون ميت منك
ما علموك ؟

بس في ذمتتتتتي
ميت وانا مبتسسسم😊

- فهد قطنان

[فارس عمر @Fares_Otaibi_]

ياحظ من خاطره صافي وقلبه حجر
أنا ، من الحب … قلبي ينتبه ويغشا

ماودي أكسب من الايام ، غير الأجر
ولا ودي ، آفارق ألا ضيقةٍ فـ الحشا

مابين شوق الوصال وبين هم الهجر
أستقبل اللي يجي .. وآودع اللي مشا

اللي مفارق حبيبه يسهر ، الى الفجر
واللي حبيبه معه .. ينام بعد العشا

[عبدالله السراهيد @Alsraheed]

يا حبيبي يِمرض ��لشوق في بعض الليال
أبعد الله .. عني و عنك " تأثير " المرض

ودي أسلى .. لكن شلون والسلوه محال
بعد زادت حلكة الليل ، والعارض عرض

مكتفي باللي يجي منك من باب الوصال
إن عجزت تسوي الصعب سوّ المفترض

أرسل .. إن عيت عليك الظروف الاتصال
الرسايل بعض الاحيان ، توفي بـ الغرض

[سلطان بن عبدالله @ray13013]

فرّق ما بين….الكلام وبين….الافعال
وتعرف فرق: التحزب …والتحالف

تصغر ليا جاء مجال فعول الابطال ؟
وتكبر ليا جاء مجال اهل السوالف ؟

لـ الهرج نقادة و : لـ الفعل رجال
لا صرت رجال..تفعل ؟؟مايخالف

- سلطان بن عبدالله

[عبدالرحمن بن جزا @almoqati111]

الهرج ما منه ثمره و الصمت لـ الرجال زين
اللي ماهووب بزين لـ الرجال لا رااحت علاه

[نَجْلاء @njlaa37]

انهزمت من الفراق و حزن قلبي راقي
والشجاع ان حب توخذ بندقه من كفه

- ناصر الحمادين

[عبدالمجيد الذيابي @Sh96F]

القلب مال بخيل ماهوب مضمون
يدراه واللي يحرقه شخص ثاني

اثر المحبه جملت احزان وطعون
والله مايفرحبها غير اناني

ضحكت يوم ان اكثر الناس يبكون
وبكيت يوم انه ضحك لي زماني

والناس ونجوم المجرات والكون
تروح وتعوّد وانا في . . مكاني !

[سلطان بن عبدالله @ray13013]

ياللي تحسب انك مهم وانت عادي
ان رحت ولا جيت منت بـ خبر هام

ليت اهتمامك فـ القيم والمبادي
نفس اهتمامك فـ الدراهم والاعلام

- سلطان بن عبدالله

[سلطان بن عبدالله @ray13013]

ياعذاب اللي ما يحسب لـ الليالي
والليالي فـ اضطهاده مستمره

ينتقم من وسع بالي ضيق بالي
لين اعيش الضيق من بحره لـ بره

من عذابه عذب / ذاق المر حالي
ومن فشا لـ الناس سره / ضاع سره

عشت شخصً لايخاف ولا يبالي
يبدي خيره لـ البشر ويحفظ شره

لو نقص من راس مالي راس مالي
مستحيل ارضى على الغير المضره

مانويت اختال حتى في خيالي
وانا شخصً مغرياته ما تغره

ياحبيبي فـ اجتماعي وانعزالي
كل ما يطري على بالي تشره

كل لحضات الغياب تضر حالي
وكل حاله في وجودك … مستقره

انت مهما جيت ولا رحت : غالي
اذكّرك فـ الضيق : ولا فـ المسره

ادري انك عن غرامي : صرت سالي
وتد��ي اني : مستحيل انساك مره

- سلطان بن عبدالله

[سلطان بن عبدالله @ray13013]

كثر ما ضنيت فيك وكثر ماخابت ضنوني
ماتغير حبك اللي مع حمام الدار يسجع

مستعد اعطيك غير الحب وحده من عيوني
بس لا قفيت عني لا تحرى كلمه ارجع

- سلطان بن عبدالله

[فهد الحَمّاد @fahdal7mad]

كريهه .. رحلة الجرح لـ ملاذ الطبّ
مُملّه .. قصّة ( المظلوم والظالم )

رميت اغلا المشاعر في غياهب جُبّ
وقلت اسلَم على راس الهوى السالم

عسا ماهو غرور ولا كِبر .. يا رَبّ
كثر ماهو ثِقه .. في قلبي الحالم

بعد كثر التجارب فالعَطا والحُبّ
انا واجد على ( واجد من العالم )

[سلطان بن عبدالله @ray13013]

الخطا ماهوب. . منك. اكيد. مني
ماعرفت افعااااالك. الا من قريب

احسب انك شخص طيب واحسب اني
شخص مايعرف يخاوي غير طيب

- سلطان بن عبدالله

[سلطان بن عبدالله @ray13013]

كنت احسب اني ماني بـ خسران شي .
حتى القلوب اللي كسبت.. اعجابها .

لحضة وداعك. ياحبيبي ؟ بس هي .
اللحضه اللي ماحسبت .. حسابها .

سلطان بن عبدالله