ريم تواق

اتوق توق الريم واشعاري اتّوق *الشاعره ريم تواق .. الحساب الرسمي

[ريم تواق @reem_twag]

عذرك بعد طول انتظارك وبعدك
مانقبله والحر شوره في راسه
كنت أحسب انك غير و اصلك يردك
وفي دولة العشاق عندك سياسه

[ريم تواق @reem_twag]

اللهم ربي لك الحمد
عدنا معكم بعد انقطاع بسبب رسالة الدكتوراه

[ريم تواق @reem_twag]

مبطي وزولك بين الأضلاع مرسوم
مخفي غرامك عن عيون المشافيح

ياللي غلاك بـ كوم والعالم بـ كوم
نورك قمر وأنوار غيرك مصابيح ♥

[ريم تواق @reem_twag]

عبدالله ياباني وطن وإنسان
حامي الحمى بسنة والقرآن

#كلمة_الملك_عبدالله_تمثلني

[ريم تواق @reem_twag]

صـدرك إليا ضاق والبال إن تعكر
لاتـدور مـن عنـا الضيقـات فـارج
إدع ربــي وإرفــع إيـديـك وتشكّر
والله إن تلقى من الضيقه مخارج

[ريم تواق @reem_twag]

انصف حقوق الناس بالحق دايم
ياويـل حالك كـان خليت مضيوم

وإذا ضميـرك بـ الجهل دوم نايم
اجل تحمل دعوة انسان مظلوم

[ريم تواق @reem_twag]

خاطري مكسور والخافق جريح
من عقب ( لبيه قال لي هلا )

لا تتضاايق ي خفوقي واستريح
كل طعنه صابتك ( دفعه بلا )

[ريم تواق @reem_twag]

مجدي صنعته بين اضلاع وعروق
يلين صارت سيرتي للكل تذكار
اعرف قلوب الناس من مقله الموق
واميز الطيب من الناس واختار

[ريم تواق @reem_twag]

أكبر من العز في سلطة أمير،،
،،وأكثر من المال في جيب الغني،،

وأطهر من الدمع ف عيون الفقير،،
،،تشعر أنك عبد ( رب ) وتنحني

[ريم تواق @reem_twag]

أتـابع آخبـارك و أخـايل مزونـك
ياللي غيابك جـرح و إطلالتـك ربح

يا طيب حـظ اللي صباحه عيونك
عز الله أنه مـا فقد لـذهّ الصبح ♡

[ريم تواق @reem_twag]

الصبر في بعض المواعيد مطلوب
والنفس عن بعض السوالف غنيّه !

اللي يجادلني بلا فكر وإسلوب
أصنّـفه ضمن العقول الرديّه !

[M @mu3ath87]

صباح الخير لكل من استيقظ وقلبه لايحمل إلا الحب لمن حوله،،،،،صباح الأشياء الجميلة التي يعجز تفكيركم عن إدراك روعتها☁🌐😉❤🍯😍

[ريم تواق @reem_twag]

زيّن لك ابليس الطريق وسلكْته
وغرّك كلام التافهين المقرّد

طبع الكريم اليا عطيته ملكْته
والا اللئيم اليا عطيته تمرّد

[ريم تواق @reem_twag]

من كثر ما أخاف حسادك ' تشوفك '
ودي أشوفك ولا ( حولي - بشر )

ثم أغني لك و أنا ماسك ' كفوفك '
يا عيون الكون [ غضي ب النظر ]

[ريم تواق @reem_twag]

جتكم اللي تلفت القلب بعذوبه
غيمةً همالةً: شعر٠٠٠ وقصايد!
مايزين من الشمال ٠٠الا هبوبه
والايزين من القصيد الا الفرايد

[ريم تواق @reem_twag]

ما كل حاجه ... تستحق الاقتراب
أبعد عن العالم و لو ( تحبو حبو )

بعض البشر قربه يجيب الاكتئاب
مثل ( الغبار ) إللي يسببلك ربو !

[ريم تواق @reem_twag]

أعطيك اكبر دليل .. إن الزمن جاحد
و إن المفاهيم عند الناس : مختلطه

أفعالنا الصح .. يمحيها ( غلط واحد )
وافعالنا الصح .. ما تمحي ولا غلطه!

[ريم تواق @reem_twag]

بعض الفراق يمر فـ/ القلب عادي
يطري على الخفاق لحظات ويفوت

وبعضه لو انه مر فـ/القلب هادي
يشبه ونين الروح فـ / سكرة الموت

[ريم تواق @reem_twag]

بعض الليالي جلسة علاج للروح
ترفع عن الارواح سلطة مرضها

وبعض الليالي كنها حفلة جروح
متى بعضها يفترق عن بعضهـا

[ريم تواق @reem_twag]

انت الشعر وانت الفكر وانت المراد
في غير حبي لك أنا مالي شؤون

تبي الحقيقه عاد و العلم الوكاد
يازين حببك لا وصل حد الجنون