سّارة

[سّارة @rer13x]

لا قلت بكره بتمطر شحت امطـارك
ذاب غصن المحبه وأنت ما ارويته

[سّارة @rer13x]

مانقطع سيل حبك بالمعاليق جاري
كن قلبي خلقه الله . . لحبك سباله

[لينا إبراهيم التويجري @LinaAltuwaijri]

أثر العمر توّه .. والعالم واسع أوسع
من كل تجاربي وأفكاري القديمة
وأثر الناس واجد وفيهم اللي أحسن
من توقعاتي واللي كنت أتخيله

[سّارة @rer13x]

مريت الأحلام.. من بوابة المسَّتحيل
ماكان عندي أمل فأحلامي الممكنة

سحايب العمر لا جدباء ولاسلسّبيل
والرُوح بدوٍ عطاشى .. والحنين ألسّنة

تعال أعلمك عن قلب؛الشجاع ،الذليَّل
والقلّب لا مات؛ يا يدّفنك، يا تدّفنه

أيام بصَّدورنا ظلت تحط وتشيل
وأيام في صفحة التاريخ متكفنة

[سلطان بن صالح الرويتع @sultanru]

قدّم الخير وانوَّه مو ضروري تـقول
ما تخـون الفعايل لو تخُون الجُـمَل

لا تصنَّع قنـاعك بـ المواقف يــزول
و خل نكران طيبـك وَارد و مُحتَـمَل

القمر لو تجيبه عنــد من لا يـطُــول
قال وش فيـك جبتـه قـبل لايكتمل

المحبه من اللـه و الغـلا و القـبــول
لاتكلف شعـورك فوق ما لا يحتمــل

[مقاطع ياسر الحزيمي @YasserAlhozimey]

﴿ رَبِّ اشرَح لِي صَدرِي ويسِّر لِي أَمرِي ﴾

[سّارة @rer13x]

من علق أماله العظمى بربٍ عظيم
ما شال حمل الليال السود مهما جرى

[مقاطع ياسر الحزيمي @YasserAlhozimey]

﴿ بُشْرَاكُمُ الْيَوْمَ ﴾
يا رب في يوم الجمعة بُشرى غير متوقعة تُعيد لكم بَهجة الحياة.

[سّارة @rer13x]

استعذت منّ الدروب إليّ نهايتها حسافة
قبّل ترميني ملذات آلزمن في جوفة غبّة

شيمة الإنسان ميزان اعتداله وانحرافه
تنذره لأ شافت الأوضاع ماهي مستتبّه

أن عجّزت إنك تردّ آلنفس عنّ شيءٍ تعافه
مأقدرت تحطّ نفسك بالمكان إللي تحبّه

[سّارة @rer13x]

الريح هبت ولا أدري عن مساراتي
أنا مع الريح؟ ولا عكس وجهتها
ما أحمّل النفس .. لكن احتمالاتي
تحمل النفس حاجةٍ فوق طاقتها
ضيعت درب الكلام وشفت خطواتي
تشكلت في قفار الصمت جرتها
من غربة الروح كيف أجمع شتاتي
ماشتت الروح الا طول غربتها ..

[سّارة @rer13x]

ياللي تقول الدرب يسر و سهالات
ترا المصاعب ما تحرم مزوحي

ما أعلنت خطواتي تعديت بسكات
والصمت يغني عن مشاوير بوحي

ماشفت بالدرب كم قابلت عثرات
ماشفت تضحيتي وانا أبني صروحي

أخفيت مجهود المدى والمعاناة
وبان النجاح الي تبرّز بلوحي

[سّارة @rer13x]

يارب عفوّك وانت للذنب غفار
اغفر لعبدٍ مسرفٍ بالخطايا

اعوذ بك من فتنة القبر والنار
في ساعةٍ فيها الخلايق عرايا

الموت والارزاق تاتي بالاقدار
في ساعةٍ فيها تبين الخفايا .

[سّارة @rer13x]

ماعقب عاصوف الصبر غير الأفراح
و سحايب الخير .. و ربيع الخواطر

و إن كان باقي العـمر كثر ما راح
يا الله بعـمرٍ بالتباشيـر مـاطـر

[Raghad 🤍 @ra_alkhudair]

كـل حلـمٍ فـاتـني بـالأمـس وصـل لـه سـلامـي
مـاعلـى الفـايـت حسـايـف والنـدم قصـه قديـمه

ادري ان الحلـم لامنـي عطيـتـه . . اهتمـامـي
صـار حلـمٍ للجميـع وصـار لـه معـنى و قيـمـه

[حــصه الــرشيد @hessaga_]

مغتنيه من خير ربي . . قبل خيري
ومكرمه نفسي ولو ما أتبـع هواها

و مارجيت الحاجة اللي عند غيري
عندي أشياء . . مات غيري ما لقاها

[سّارة @rer13x]

يا رب لا تخيِّب لي مَسعى ، ولا تَصرِف عني غاية ، ويسِّر لي السبيلَ لأتمَّ مَسعاي ، وهيِّئ
لي الطريقَ لأبلغَ غايتي ، وارزقني البصيرةَ حتى يكون جهدي في محلِّه ، وارزقني الصبرَ على بذلِ الجهد🤍

[سّارة @rer13x]

قلت لك يا مسوّي خير فالبحر قطّه
لا تحرّيت مردوده كلتّك الحسافه

طيب معروفك فبطن الردي لا تحطّه
ان تكلّفت ما حصّلت غير الكلافه

منت محتاج في كلّ ازمه تحط خطّه
إقدح الراي لا يدخل بنفسك مخافه

[سّارة @rer13x]

رد قلبي للدفا للصبح وأحلامي القديمة
لليقين إن أجمل أيام العُمر فيما تبقّى

للكلام اللي عثت به شر خيبات الهزيمة
لين ما خيّم عليه الصمت وحروفه تتقى

ردني للفجر الأزرق يوم للضحكات قيمة
تنتشي فيني قصايد حُب لو قلبي مشقّى

[سّارة @rer13x]

أحلام قلبي كبيره من كبر شاني
والصعب لاهل الصعب تتسهل دروبه

مدري على وين بمشي لكن إيماني
أصدق من إيمان مذنب مسته توبه

عندي يقين بعدل ربي و ميزاني
من عاش يتبع ضميره فاز بحروبه

ما طيح الله هالدعوات بلساني
الا وهي ليّ مقسومه و مكتوبه

[أَنَاة @1Deep1_]

" يا رب .. أنا قلبي عزيز وحياويّ
شي يهين النفس لا تقسمه لي
حتى لو إني له شفوق وشفاوي
تغسل فؤادي منه قبل اغسل يديّ "