متزوجة لي شهر وسافرت مع زوجي شهر العسل لأوروبا وكنت متوقعة إنها تكون أجمل ايام حياتنا.
هو كان حريص إني انبسط وما ينقصني شيء وحتى عطاني بطاقته وقال لي خذي اللي تبينه وصرت اشتري هدايا لأهلي بمبالغ كبيرة وصلت تقريبا 10 آلاف ريال وما كان يعترض على شيء.
لكن اللي مضايقني أسلوبه معي اغلب الوقت متذمر واي كلام اقوله يرد علي بنفخة وحتى لما أحاول الطف الجو واتغزل فيه
يقول لي: يا ليل فاضية أنت؟.
والأغرب إنه إذا طلعنا يخليني في غرفة الفندق ويطلع يتمشى لحاله، واحياناً يقفل الباب ويتركني بالساعات وحتى الفطور ينزل يفطر بدوني.
أنا مو فاهمة سبب تصرفاته، خصوصا إننا توّنا ببداية حياتنا هل هذا طبيعي في بداية الزواج؟ وكيف اتعامل معه بدون ما احسسه إني ألومه؟