حوت 🐳

هوجس

[حوت 🐳 @roq41]

ما دمت حي ما فاتك شي 🛑

[حوت 🐳 @roq41]

بين ضرب الحرب والي يلحق الغاره بـ غاره
والشعوب الي تقول ان الوطن بنموت دونه

فيه غروً كل ليلة يلبس لباس الصداره
في جمال وفي كمال وزينة عيونه ولونه

علمو كل الدفاع وعلمو كل الوزاره
عندنا صاروخ في نجد العذيه لا يجونه

[حوت 🐳 @roq41]

عيّدي يا ام الحسن لا مثلك ولا زيك
ما خبرت من البنات اللي حلاها قدك

هي وجيه الناس تاخ�� نورها من ضيك؟
هو نهار العيد يبدا مشرقه من خدك؟

جعلني فدوة عيون الفاتن المتشيك
والجواهر والذهب في جيدك وفي يدك

[حوت 🐳 @roq41]

أنتي أحلى حلم شفته بالحقيقه
كيف أشوفك مقبله و لا أتغزّل ؟

أجمل من الورد و أطيب من رحيقه
و أعظم من الشعر و الشعّار و أجزل

للفجر و الصبح و أنسامه صديقه
و للهدوء اللي يضمّ الليل منزل

ودي آخذك لسماء الدنيا دقيقه
و آخذ القمرا من يديها و ننزل

[حوت 🐳 @roq41]

خدينة الروح ما تدرين ؟
اني من البارح اغنّيك

ما فيه مثلك ليا هالحين
سبحان خالقك ومسويك

منك العذارى غدن نوعين
نوعين ما فيهن اللي فيك

راحن مراح الكحل فالعين
ما منهن اللي تبا تجاريك

اما تخ��ويك تبغى تزين
والّا انها تغار وتعاديك :)

[حوت 🐳 @roq41]

شوف نفسك ليه ما شفت نفسك من زمان ؟
منك حتى شوفة النفس .. ياخي لايقه

[حوت 🐳 @roq41]

عتيق الترف من كثر ما الله عطاه فرُوق
من يصَادفه واجه — مماته على طربه

على ضحكته ما يظلم السَارق المسروق
و على دمعته ما لأحد — عذر يتعذّر به

ليا لمّ مجدوله عن العاتق المنتوق
محد صدّقه حتى ظلاله على التّربه

أنا بين ويلات الغرام أغفي و أفُوق
ياويلي من فر��اقه و ويلي على قربه .

[حوت 🐳 @roq41]

استفزي قلوب الحاضرين وتعدي
بالهضيم الهفيف وبالثقيل المعبّى

وإلعبي في مشاعرنا وحلي وشدي
لك هلاً ماتبيد ولك غلاً مايخبّى

واثبتي للعيون انك بشوط التحدي
شادنٍ ماتصاد ومهرةٍ ما تشبّا

أنتي ألين من الغصن الرهيف المندي
وأنتي أحلى وألذ من العسل والمربى

[حوت 🐳 @roq41]

شرد بي الفكر يتبع ذهنك الشارد
سهيت و أدركت موتي ساعة ارمشتي

عن موجة البرد واحساس الجفا البارد
ادفي بالأشواق والا في طرف بشتي .

[حوت 🐳 @roq41]

من حظت عينه بضحكات ثغرك ..مايضيق
ومن حظى سمعه بنبرات صوتك..ماعنا ،

يوم شفت الورد ينبت على اطراف الطريق
قلت اكيد انّك تمرين دايم "من هنا"

[حوت 🐳 @roq41]

حتيش ياواهج القمرا على اول ظهور
عود تمالك شعورً كنت .. متمالكه

خل الليالي تجمل وابتعد ومعذور
لليالي العمر مثل العمر متهالكه

لليلً تصدع من غيابك تصداع سور
لو يكمل البدر تبقى ظلمته حالكه .

[حوت 🐳 @roq41]

يا ملاذ ..القصيد .اللي عليه …الكلام
ما بقى ..فـ الكلام …حروف ..للي قرا

فيك الإلهام يستوطن حدود. الغمام
و يستثير ..الشعور ..اللي يثير ..شعرا

في ذوات المقام .. وفي ذوات القوام
ما تنافسك نفس ولا خشرك خشرا

أنتي أجمل.. بنات .أدم عليه.. السلام
تحت وجهه السما السامي وفوق الثرا

[حوت 🐳 @roq41]

يابو وجهٍ مليح الملح ما يصلح بلا بارود
إذا بتروح .. لا تترك طموحات الغلا حيّه

وش أحلى من بياض الموت بين الناعسات السود
هدب يطعن مداراه .. وهدب يطعن محنيّه

وعودٍ لاتثنّى.. فاح زاهر وإنحنى عنقود
وثغرٍ لاتبسّم.. طلّ صبح وصحصحت نيّه

[حوت 🐳 @roq41]

فلّي جديلك وسالفتك وسبحة رضاك
كلي فدى ضحكة الثلج و حديث الجمر

يغيب ضيّ القمر وينوب عنّه ضياك
من نورك الليل ما يشكي غياب القمر

تجمّلي فيه دام إنّه زهد عن سواك
قلب ٍ رْكونه هدام ويوم جيتي عمر

هي ليه مرّت بلمحة عين ليلة لقاك !
والليلة اللي بعدها ليه عيّت تمر ؟

[حوت 🐳 @roq41]

تفرّدت يا وجهٍ جماله صنيع الله
لك القلب يبعث لك معَ العين برقيّة

من اللي يشوف الوجه هذا ولا يهواه
وش الملح لو ما هي ملامحهْ شرقيّة

عيونك ليا هام البصر في حورها تاه
نواعس تقول إنها من الخمر مسقيّة

لك الحق تِدْلّل وقلبك عليّ رْضاه
عليك الدلال وللجمال الأحقيّة

[حوت 🐳 @roq41]

لي على الأطلال وقفة خاطر ولحظة تجلّي
وشرهةٍ كم ضيّعتها الفاتنة في كل مرّة

أتطوى بين طيات الغلا وأضيع كلي
وأتجرع سكرة العشاق لين أموت حرّة

للجديل اللي يحجب الشمس ترحالي وحلّي
سرمديٍ كل ما فل المساء لله دره

لا تزعلك الليال السود يالريم المفلّي
أضحك أنت وتضحك الأيام وتعود المسرّة

[حوت 🐳 @roq41]

طلّي و مدّي كفّك الفيّاض
و استدركيني و اسرقي ضوحي

من لعثمتك لـ حزنك الفضفاض
كيف اكتبك فيني و في لوحي

ما زلت احب بـ قلبي المرتاض
و بـ ماضي احزاني و بـ جروحي

لـ الشعر روح و لـ الكلام اغراض
و لك شعري ليا سال و مزوحي

قدرت اسجّ امع العرب و اعتاض
لكن عجزت انزعك من روحي

[حوت 🐳 @roq41]

حتى لو إنك بعيد ومقفيه عادي
الشمس بعد الظلام الدامس بتشرق

ذابحني الشوق ياريميّة الوادي
يا ويل حالي لو إن مشاهدك يُسرق

نوّارة الروح طلّي والبدر بادي
وحطي قصيدي قلاده من على المفرق

أموت فالعود الأزرق وأثرني غادي
ما مت فيك وعلى فستانك الأزرق

[حوت 🐳 @roq41]

همت بتفاصيل الملامح وحصّلت
روعة تفاصيل الجمال الصغيرة

وشلون لاآطلقت العنان وتأمّلت
فالباقي من المغريات الكبيرة

عذري معي لو إني آقول وش قلت
من شاف زينك ما يبي شي غيره

حاولت آركّز في كلامك ولا احتلت
الملهيات اللي في وجهك كثيرة!

[حوت 🐳 @roq41]

سبحانه اللي خلق عودك مثل ما تبيه
ميّال يختال بين الغُنج والغطرسة

لايق عليك السماوي وأنت لايق عليه
قلبي فدا من يضّم أستبرقه سندسه

الحفل ما كان له بهجة قبل لا تجيه
والعقد ما كان له قيمة قبل تلبسه

-ما يستحق الدلال إلّا من يهيم فيه-
محدٍ يعرف الحرير إلاّ بعد ملمسه

[حوت 🐳 @roq41]

مرحبا لين الظلام يضيق والنور يتغشمر
والقصيد يقلّب الصفحات بين ابوه وامّه

سولفي لين المزون تسيل والاغصان تثمر
للجديل اللي تفلينه والايدي ما تلمّه

وجهك الذبّاح مستانس على الفستان الاحمر
لأجل لا منّك ذبحتي لك حبيب يضيع دمّه