.

[. @rre5r2]

ابعترف لك بجاجه ياظبيّ العدام
مادام بيني وبينك حب وموالفه

بعدك . . يذوّقني انواع الجفا والهيام
وقربك . . يحيّي عروق اعصابي التالفه

أعدّل السالفه لـ أجلك وأحبْك الكلام
وان شفت سلهام عينك ضاعت السالفه

[َ @UsernameHaa]

حلالاه لو ألقاك عقب البطا والشوق
وأوريك حالٍ سمّه البعد والفرقا

ولو طالت المده يصير العهد موثوق
حفظنا عهود الود " للجادل الطرقا "

أنا حالفٍ بالله ما أنساك يا مخلوق
على شان تلويحتك والدمعه الزرقاء

[— @alajm3ii]

تكبر على كيفك ترا طيفك المامور
يرافق خيالي كل وقتً ولا عفته

انا كيفك بنسى زين لؤلؤك المنثور ؟
وانا هقوتي ان اعيش واموت ماجزته

انا دون قربك باذل الجهد والمقدور
حياتي بدونك بحر والبحر ماخضته

اعرف الحياه وطبعها ماتكف الجور
وانا حقي بحقين والجور ماعشته

- عبدالله آل مسعود

[. @rre5r2]

متمادي بالسواد اللي يزيل عماسي
كنك مذوّب بـ ك��به . . شامة الرعبوبة

[. @rre5r2]

الفارع . . اللي فارضه حبها فرض
الله يحفظ زينها . . و يحميها

من كثر ما هي تفتن بصورة العرض
صارت . . علوم الناس منها و فيها

تقول ذي ماهيب من كوكب الارض
الارض . . دارت لين طاحت عليها

[. @rre5r2]

يجي عندك الصيّاد و يروح منك صيد
ابعرف وشلون الغزاله تصيد فهود ؟

هدب عينك بسلهامه تفجّرين الحيد
هذي عين والا بندقٍ تكحت البارود !

مضاريبها تدمي و لا تقبل التضميد
ياكثر الضحايا من سهوم ��لوساع السود

[. @rre5r2]

اؤمن برب العيون الناعسات الوساع
سلهامها ياخذ العشاق لأبعد مدا

سهوم نظرتك مايقدم عليها شجاع
حتى لو أنّه مْن اللي ينطحون العدا !

[. @rre5r2]

في الوساع السود بارت بي ظنوني
طالبك تشفق عليّ من الإنهزامة

لا تقول إذا طلبتك : من عيوني !
من عيونك ما لي بغير السلامة

[. @rre5r2]

اتقهوى خياله مع قهوة مسائي
يا حيّ زوله اللي /على بالي طرى
«مساء الخير »

[حمد البريدي @hamad_albraidi]

عيونها .. جيشٍ ترك خلفه اموات
والوجه مدحه كل ما شِيف واج��

قالوا علامك منت طيبّ .. سلامات
صابتك عين ؟ وقلت عينٍ وحاجب

[:) @useer5ll]

متغطرسه والغنج فيها تقول أكسجين
من كبرياها ما تعرف وش حدود النظام

اليا حكت شفت وش معنى الكلام الرزين
منطوقها الذرب يغني عن شراب وطعام

لا عرّضت لي عقب صده ولوعه و بين
قلت أسمعي للكلام اللي عليه الكلام

مافيه مثلك مشى مع ساير العالمين
يا جعل يفدون زينك لابسات الزمام :)

[مبـارك @aa12r9]

يجي عندك الصيّاد و يروح منك صيد
ابعرف وشلون الغزاله تصيد فهود ؟

هدب عينك بسلهامه تفجّرين الحيد
هذي عين والا بندقٍ تكحت البارود !

مضاريبها تدمي و لا تقبل التضميد
ياكثر الضحايا من سهوم الوساع السود .

[َ @UsernameHaa]

الردف والرمش الأكحل والنحر والجديل
و الأسم من ساس قومٍ ماهي بـ هيّنه

سلطان الحويقل

[مبـارك @aa12r9]

وفيك من الوصوف الّي تخلي شاعرك يحتار
يتوه بحسنك الراهي يموت و ما بعد ملّك

ضياك يلحف القمرا وتضوي من ضياه أنوار
مصابيح السما تفرح الى من مرها ظلك :)

[مبـارك @aa12r9]

على خصرك تكبر الأفئدة وتهلّل الأحداق
معي تيهي دلال أنتي دلالك حاكم وثاقي

جمالك فيه سطوة ترغم الناظر على الإطراق
نواعسّك الوسيعة بحرها قادر على إغراقي

[عبدالله السراهيد @Alsraheed]

ياذات الغي وآُم المنطق المعسول
من فْصول اللقى ؛ كم فاتني حصة

تذكرتك وانا .. ( بيني وبينك ) حول
سنة ولّا آكثر / مْن الشوق والغصة

رغم ما بيننا .. يبقى ؛ الغلا موصول
على كثر « الزعل » طاريك يمتصه

وقفت آدوّرك " بين الوجيه " تقول
وجيه الناس هامش ؛ وأنتِ القصة

[جابر آل دجران @dajranj]

على كثر .. ما تغري عيونك هذي وذي
انا .. اشوف ما يستاهل عيونك الا انا

[مبـارك @aa12r9]

أنت وجهك من لقاه أصلًا عشان يخلّا ؟
يالقبال اللي به ظروف الدهر منّانه

ماينافسني على صادق محبتك إلا
العقيم اللي تعلّق في عيال أخوانه

[ِ @ajm1ii_]

أنتي .. سيدة هذا الزمن وأحلى زمانه
يبتسم إذا ابتسمتي وينجرح لامن بكيتي

أنتي أنتي لك حضور ولك مقام ولك مكانه
تذبل وجيه النساء في وجه نورك لا بديتي

أنتي أنتي بكل ما تحوين من ثقل ورزانه
تنصت الأشياء من حولك ليا منك حكيتي

[م��وار . @m7tmm]

سهوم نظرتك مايقدم عليها الشجاع
حتى لو انه من اللي ينطحون العدا

- جابر النشيرا