نايف.

[نايف. @ruqi_8]

اللهم اجعل سمعتي حسنه وخاتمتي حسنه وآخرتي حسنه ، اللهم نوّر قبري يوم يبات جسدي فيه ، اللهم ارزقني من يدعو لي بعد انقطاع عملي واجعل الجنة مقرّي .

[نايف. @ruqi_8]

الهجر طاعون والفرقا وباء والشوق ترياق
وانا على كثر ما اشرح لك شعوري جف ريقي

-مطرب دحيم

[نايف. @ruqi_8]

يقطع ربيع لو عيونك تراعيه
ما ذقت منه الا العنا والمضره

غلطان يوم انك تجي في حراويه
قد قالها العقال.. عشرين مره

اترك سبيل يوصله وش تبي فيه
مالك من المصلوح مثقال ذره

لا صار ما تطمع بنيله وترجيه
فالبعد عن طاريه عز ومسر

-عبدالله السلوم

[نايف. @ruqi_8]

لعيون غروٍ يشطح الشوق من فوق
يا جعل ضدات الدهر ما تعوقه

اللي ليا منه تمخطر مع السوق
يعمي بعينه كل عينٍ سروقه

ماهوب من برقا ولاهوب من روق
يشدى لغصنٍ ليناتٍ عروقه

- مطلق الثبيتي

[نايف. @ruqi_8]

مصايب الدنيا على خُف وجناح
والنَّاس مخطي من يدور رضاها

اليا بغيت من الهواجيس ترتاح
وتمسي قرير العين مما دهاها

أتكل على الخلاق فلاج الأصباح
ربً خلق صم العظام وكساها

فتاح باب الرزق من غير مفتاح
اليّ له أحكام القدر منتهاها

- خالد الروقي

[نايف. @ruqi_8]

يا حبيبي بدون أدنى شكوك وطلايب
والله وبالله اللي كوّن الكون كله

إنك الحاضر اللي كن ما هو بغايب
وإنك الغايب اللي ما تغيّر محله

وإنك أغلى من أغليته وسيد الحبايب
دام قلبي يحب وربي وربك الله

– علي الدعية

[نايف. @ruqi_8]

يا حبيبي بدون أدنى شكوك وطلايب
والله وبالله اللي كوّن الكون كله

إنك الحاضر اللي كن ما هو بغايب
وإنك الغايب اللي ما تغيّر محله

وإنك أغلى من أغليته وسيد الحبايب
دام قلبي يحب وربي وربك الله

– علي الدعية

[نايف. @ruqi_8]

ياما عطينا الحق والحق غالي
وياما خذينا الحق والحق غضّاب

وياما صبرنا تحت شدّ الرحالي
وياما تصيعبنا وزدنا بالأصعاب

- محجب بن فرح العطاوي

[نايف. @ruqi_8]

علامي كل ما هبّ الهوا بين الضلوع ودار
تمنيته من انصاف الليال السود ينصفني

- سلطان حجاب

[نايف. @ruqi_8]

وين انت يا اللي كل ما تهب ذكراك
توقد فتيل الشوق وتذوب الأضلاع

تعال واجلس صب لي من شفاياك
هيل الكلام اللي تصبه بالأسماع

- لافي الغيداني

[نايف. @ruqi_8]

قال الوداع وقلت هذا مكاني
والله لو طال الزمن ما أتعداه

أما لْيا منّه رجّع له لقاني
و لاّ يكفيني مكانه و ذكراه

- عبدالله السلوم

[نايف. @ruqi_8]

تعوّذي من كل نزغه و وسواس
وتطمني يا الجافل المستذيره

قلبٍ سقته كفوفك الحب في كاس
تبقين فيه الأوله والأخيره

انتِ قرينة كل فكره وهوجاس
وانتِ وليفة كل نبض وخشيره

الوصل غيمه والمعاليق يباس
قدام تدركنا العمار القصيره

- مطلق بن شويه

[نايف. @ruqi_8]

ولا انت في عيني عن الناس منصان
لك ميسم ووسم ووسام ووسيمه

فالصدر والحزن الي صرف الاوزان
والشاهد الله لك بروحي خريمه

إن قلت وان ماقلت يا مطرق البان
عين بلا شوفك تسمى يتيمه

وسمع بلا صوتك مسامعه نقصان
والصبر في هجرك ضياع وهزيمه

- خالد الدعجاني.

[نايف. @ruqi_8]

جعّله يصيبك مثل ما صابني منك
وجعّله يجيك اللي من الحب جاني

حتى تعرف أن الهوى عيشته ضنّك
وأن الهوى راعـيه لازم يعاني

عانيت في حبك وسوا بي الفتُّك
لا واحسايف مال حبك أماني

من عقّب ماحطيت بالقلب مسّكنك
وحبك سكن بين الضلوع المحاني

- محمد الضرير

[نايف. @ruqi_8]

المسافة شوق و الخطوه جفى
و الجفى يا سيد احبابي خذاك.

- طلال الرشيد

[نايف. @ruqi_8]

ما جرح قلبي ولا هزّ الفراق إحساسي
ذكرياتي معك أنا نادم على مجمَلها

لا تعاتبني ليّا من صرت مثلك قاسي
غيرتني مجريات الوقت و أنت أوّلها

- عبدالعزيز العبلان

[نايف. @ruqi_8]

ولو يجون خلق الله معك في الطريق أفواج
ما يسوون عندي رِمش عينك وحجّانك

- عبدالله بن شايق.

[نايف. @ruqi_8]

يا كثر ما تلزم الصمت و عيونك تنوب
لحظةٍ فيها لسانك رهين الاعتقال

- جابر النشيرا

[نايف. @ruqi_8]

لي صاحبٍ يمشي على القطن وَحفاه
يا من يفصّل له من الماء نعالِ

- عبيد الرشيد

[نايف. @ruqi_8]

انا المرهف اللي فيه كتله من الاحساس
عساني ماضيّع بعض الاحساس من بدري

ادوّر على شيءٍ يوسّع صدور الناس
ولو الناس فيها خير ماضيّقت صدري

- سلطان الحويقل

[نايف. @ruqi_8]

إعادة اعمار روحك صعب والاصعب
تخليص مستقبل ايامك من الماضي

- ناصر الحمادين