سٌرـحآن𖣂

رعى اللّٰه صدرٍ محدٍ يدري بخّافيه .

[سٌرـحآن𖣂 @s5f__]

عللـمـوهْ انـي مـن الحـزن اتعـبّر.!
عللـمـوه ان عااد حـبه فـي مكانـه!.

[غـرورك @ghoroork_]

سلامتك ياروح روحي .. ولا بـاس
عسى الأجر فيما حصلّ لك عوضنا

مرضك ماهو مثلما تمرض الناس
انتي ليا مـنّك مرضتي ؟ مرضـنا

[شطر/صورة @2lji7]

حسن وجهك فاق حتى حسن ظني
وشَعرك أحرج ليلي بـ لونه وطوله
_مشعل الزعبي

[سٌرـحآن𖣂 @s5f__]

رح وين ماودك ليا ارخصت ودي
يمكن بعد روحتك فرصه سعيده

ماني بقايل روح مرواح جـدي
جدي فقيده وانت منت بفقيده

[سٌرـحآن𖣂 @s5f__]

تحدك مقادير الدهر والليالي العوج
على جمرةً مالك على لمسها حاجة

[سٌرـحآن𖣂 @s5f__]

" على غرتك يا وجه الرضى و الحظ و التوفيق
مشاريهي حيّام و هقوتي على طوارف جرف "

-- سلطان الحوالي

[سٌرـحآن𖣂 @s5f__]

الح��لة السكيولوجية:
"أنا ما طحت من عين المواجع يوم أنا مكسور
أنا من كثر ما فيني مواجع ــــ طحت من عيني".

[♡ ﮼شطر..🖤 @911__q8y]

ذكرته وانا ابادل يديني على الطاره
بدارً خلى والخاطر اضيق من الدبله

[راشِـد . @_iinside7]

ليلة تفاصيلها كلّها هنا ..

أنا الطريق الممتلي بالمحطات
لا تخدعك .. رحابتي وامتدادي

مافي دروب التايه ! إلا المتاهات
وصوله بوادي .. ومشيه بوادي

غيري كثييير | اخترتني ليه بالذات ؟
ليه اختيارك كان " غير اعتيادي " !

وشلون تملى بالفراغ ، الفراغات
ما خفت من هذا الشغف والتمادي !

بتشوفني قدّام كل المرايات
وابسمعك .. حتى ولو ما تنادي

تجمع مكاتيبي سواليف وأبيات
كنّك طفل فالعيد يجمع عيادي

اعرف من الألوان لون البدايات
اخضر وي��بل .. ويتحوّل رمادي

واعرف من التوديع كل العبارات
إلا : فمان الله .. طيّب .. وعااادي .

[سٌرـحآن𖣂 @s5f__]

أستحيت من المشاريه ومعاتب جفاك
واقتنعت إن الغلا ما يجي عرض وطلب

قلت أصّد بـ كل حبي و تعظيمة غلاك
قبل أصد بـ قلب عايف وحالٍ منقلب "

[قاف @Qaf_96]

وش حيلة الهايم اللي فضّل سكوته
لا مرّته ذكرياتٍ غاب .. حاضرها ؟

- عبدالله السراهيد

[قاف @Qaf_96]

اه من عينٍ شقيه وقلبٍ ما يتوب
عيت دموع الصلوات تمسح جرته

- الجراش

[سٌرـحآن𖣂 @s5f__]

بين فجر المواصل والكبر والغروب
ليه أسامحك ؟ وانت المخطي وماحكيت

كان عندك عيوب و كان عندي عيوب
عيبك انك سكتّ وعيبي اني مشيت

[‏﮼فهاق @h918278]

مساء الخير وتقبل الله طاعتكم ، اما بعد :

صدق من يقول ان التجارب لها تاثير
وصدق من يقول ان الزمن مايمن غدره

اليا من صفا وقتك يوردك جم البير
واليا منه ودربك ترى ودرته ودره

فعسى الله يجزي بعض صكات بقعا خير
تبين الوجيه البيض فيها من الودره.

[سٌرـحآن𖣂 @s5f__]

أنا كثر الله خير صبري على .. التفكير
لحالي وأحارب طيفك اللي بسبع أرواح

[سٌرـحآن𖣂 @s5f__]

شرواي ما يرضى يكون إنّه على مفرق طريق
إمّا تخلّيني على المشراف / والّا خلّني

[سٌرـحآن𖣂 @s5f__]

مشكلتك انك في جفاك استمريت
مف��ر ان كل شي تقدر تطوله

ومشكلتي اني كنت رايح ورديت
رغم اني عايش حلم ماني بحوله

سلامتك ما عاد ابي شي مليت
حتى الشعر ما عاد لي نفس اقوله

[سٌرـحآن𖣂 @s5f__]

تغير علي الوقت وأخذني من أقصاي
ياوجدي على خبري من اول وياصبري

عسى وضعي المزري يزينه الزمان الجاي
مابي من عطاه الا أني أرجع على خبري

[سٌرـحآن𖣂 @s5f__]

" عفى الله عن ضياع العام
وايام التعب واليأس
وعن دربٍ مشيته ماحشم جرّة أقدامي "

[سٌرـحآن𖣂 @s5f__]

يا نسيم الليل سلم لي على اللي ما نسيته
بلغه شوقي وبشرني لعله ما نساني

واهنيك يوم تاصل ديرته وتمر بيته
ولا انا شفق ٍ على شوفه وحاديني زماني

لاذكرت اللي كتبت اسمه على الرمل ومحيته
كل شي يطيح من عيني يطيّح شي ثاني

[شطر/صورة @2lji7]

"عفى الله عن مواعيد إنتظارك والسنين حيام
وقفت.. وما معي غير الوله واقف ومتسامي

يخوّفني ضجيج الشوق لا ارتاد الطريق العام
وتغيرت بكل إتجاهاتي، وتأثيري، وهندامي

حرارة فقدك اقسى ما تجيبه بارد الانسام
وانا للحين من حر المفارق؛ ترجف عظامي"