سامي

- ⚑

[فداءالدين يحيى @fedaaadeen1]

"إن الشَّيْطانَ يَنْزَغُ بَيْنَهُمْ"

[بندر الدويش @bdweesh]

صاحبي ماكان عندي ولاعندك خيار
والتعب في بعض الاحوال ماهو بمخلوف

بين شواي الجراده وشواي الحرار
فارقٍ شاسع،، ولكن عيونك ماتشوف

لو تمعنها عرفت البياض من السمار
ولو تهجاها لقيت النقط فوق الحروف

التشابه بالوسيله من اسباب القرار
والتشابه بالنتيجه من اسباب الظروف

[أديـب. @IIAdeb]

- علي الهويريني -

[‏علوش . . @Q500x]

نلعب طرب لامن غدت ساعة طرب
واليا احتما الماقف ، ، ترانا نحتميه

[سامي @s_a77m]

@MarzooqMotibey صح لسانك🤙🏻.

[سامي @s_a77m]

@zdseh ياسلااااام🤙🏻.

[سامي @s_a77m]

@nalhmadeen كلها من غمزة الوصل😂🤝.

[فـــذ @F0_qt]

الى هنا .. وامورنا ماهي تمام !
الواضح : ان اللي بقى منا قليل

الايام هذي ، شكلها مسك الختام
لايامنا الحلوه ، "وللعمر الجميل"

روحي: ولا يقفاك من صوبي ملام
اما اني ابكي من فراقك مستحيل

بكيتك .. ( ايام المحبة والغرام ) !
للي يكفي .. ( للموادع والرحيل )

[سلطان بن بتلاء @sbinbtlaa]

خلوها :

مانيب في شرح التفاصيل مكلوف
ولااعتنزت بمجد ناس ٍ توفّوا

كم لي ّ في بطون الرياجيل معروف
ولاأبلشتهم في منّتي يوم قفّوا

داروا ولفّوا واسرفوا بي وانا اشوف
ويوم انتهى الموضوع داروا ولفّوا

نواجه احراجات ونواجه ظروف
لو واجهت بعض الرجال استخفوا !

[سامي @s_a77m]

يالله ياللي تسجد الناس لرضاك
يامحيي الأموات ياخالق الكون

اسألك عفوك قبل لا أموت وألقاك
واسألك عيشه مابها غبن وحزون

انت القدير اللي ترجيت رحماك
وانت العليم بحاجة العبد والعون

يالله عسى عفوك وغيثك وسقياك
نورا على الاموات حتى يفيقون .

[سامي @s_a77m]

#قمر_الليله

[عامر محمد بن مبشّر @3weshr]

@Faisalaljofain اجمل بنات الريح وصف وتلفّات
متسلسله من مجد في مجد في مجد

ان لم تكن غيمه بصدر السموات
آكيد درّه في نحر عالية نجد

[ضيف الله السميري @Otb_822]

اعتبرني بارقٍ لاح في عرض المخيل
هل ديمومة غمامه على قاعٍ محَل
،
،
قو قلبك لا تردد على باب الرحيل
منت بـ اول من شريته ولا اخر من رحَل

#ضيف_الله_السميري

[فهد الصعيري @FahadAlse3eri]

لي رفيق ن من عرفته مستقيم
ما يهمه من يعذلونه عذل

كل ليل يواجه الليل العتيم
لا يكل ولا يمل ولا يذل

لا جفوه الناس والواقع جحيم
يهذل الخطوه على العليا هذل

مير لا من شاف دمعات اليتيم
ما بقا بالعين دمع ن ما بذل

مشكله لانسان احساسه عظيم
مايحب يشوف واحد منخذل

[جزالة الشعر @jazalat_shaear]

ما يذبح الرجال غير الحسايف
اليا تذكر فرصةً وقتها فـات

يصير في صدره عليها لهايف
وده على ترجيعها مير هيهات

ولا الحسايف عقب صدرت عايف
صيحت خلا يفرح بها كل شمات

تعلم الرجال عض الشـفايف
وتذوّقه موته وهو ما بعد مات

#عبدالله_بن_زويبن رحمه الله

[متعب بن مرزوق @BadawiFahim]

دورو لي رآس رجم عن الديره آبعيد
فوقه آنثر دمعة آلعين وانسى حرهآآ

لي سنه وانا على حالتي مامن جديد
معي ضيقة صدر ً الله يكافي شرهآآ ؟

مآ آيدلهني سوآلف ولا طآري قصيد
مشكلة نفسي ماترضى تبوح آبسرهآ

ديرتة ًمنهآ صوآبي خذ آلعلم آلاكيد
والله اني ما آفقد آلحزن لين آمرها ؟

[سعيد بن منيف @saed5036]

رفيقي من عيون الشماته ماشوف اخطاه
على شان مايفرح بها الي يتمناها

اداريه مثل الي يداري على ماطاه
بعد مالمح له صيدةً في معشاها

معه بندق دربيلها عينه ومرماه؟
حصاةً على حد السهل مابعد جاها

يوم الله عطانا العز والمرجله والجاه
عطينا الرجال حقوقها مانسيناها

سعيد بن منيف

[⁵⁵ @Almarri_27]

ليت مالي عين تدمع ولا قلبٍ رهيف
ودي إن الزين والشين في عيوني سوا
.
مؤمن إن الله تعالى وانا عبدٍ ضعيف
ناويٍ بي خير لو كنت مدري وش نوا
.
فاقد علاجٍ لـ روحي ليا جاها نزيف
هو صحيح انسان لكن على هيئه دوا