سعد بن عسير

شاعر بفلسفة خاصة ~ { أبياتي في الإعجابات ) 🇸🇦 رؤية 2030

[سعد بن عسير @saadaser]

رقيق الصوت لا غنى على نغمة مزاميري
يهدم من الضمير الحي ،، حيً فيه سكانه

فخامة حبله الصوتي ، تعّقد ، حبل ، تفكيري
و اعاقر خمرة الحانه ، وانا في سكرة الحانه !

[عبدالله السراهيد @Alsraheed]

أخذ و عطا مع « سميّ الزعفران »
@medghem

[سعد بن عسير @saadaser]

@5Z2M1 ههههههه صادق الرجال

[خزّام. @5Z2M1]

السلام عليكم، اما بعد:
يامعشر الصاحين

لقيت بعد اسهبت في التفكير حل
حل ً بسيط و فيه بعثه و انبعاث

تركع لك (( الدنيا )) ركــوع ً فيه ذل
اليا ركعة لربك ،،،،،، [ الساعه 3 ]

هذا والله اعلم.
@saadaser

[عبدالله السراهيد @Alsraheed]

" كلمة "

على الله والانسان يتعافى من الازمات
لو النفس تفنى . . قبل تقضي عوايزها

[تركي الغنامي @turkimg]

……. استروا عوراتكم …….

التعرّي مصطلح معناه كشف العوره
يعني اللي كان سرّي صار ما هو سرّي

ومن حصر مضمونها في الثوب والتنوره
علموه اني من الطرح الغبي متبرّي

عورة الافكار فضّاحه واشد خْطوره
والاوادم فيهم المستور والمتعرّي

فيه اجاويدٍ تعيش عيوبها مستوره
تدفن الجرّه قبل يكشف خبرها المَرّي

وان بلاها الله تحاول ما تجي في الصوره
تِدِّرِق بالصمت يوم اِنِّه ذراه يذَرّي

وفي المقابل ناس بافعال الردى مشهوره
في طرفها اللطخة السودا ما عاد تمَرّي

المجاهر عندهم زاد وتعدَّى طوره
وارتعاه الثور الانْبَط والخروف الحَرّي

وبالتغاضي صاروا اسطوره يدِفّْ اسطوره
والرجال الصاحيه هجت هجيج مجرّي

وكان قولي ما اعجب الدكتور والدكتوره
كلٍّ بدربه وياسعنا الطريق البرّي

[سعد بن عسير @saadaser]

@xn7oo صح بدنك و من ذوقك الراقي

[سعد بن عسير @saadaser]

التستر في اقتصاد الدوله العصريه
يجعل الفاهم من الحيره يهز اكتافه

يبتلش ويتوه في الاسهاب والحيثيه
بعد مايجمع تفاصيل الخبر واطرافه

ويتناول لب موضوعه بموضوعيه
لين يرجع للأساس الواضح اللي شافه

الخساير عند ابو غتره و ابو طاقيه
و المكاسب عند ابو وزره و ابو نسافه

[سعد بن عسير @saadaser]

@5Z2M1 تسلم ياخزام وشكراً على الاطراء ، وانت ونعم ،.

[خزّام. @5Z2M1]

كلمة "ونعم"
يقولون اهل المعرفه (النعم كايد)
وصنفها المبدع خالد الديحاني انها مثل المعركه:

العمر غزوة نعم والفعل ساحت قتال
وحنا لـ كسب ونعم .. ندفع مواقيفنا

والمبدع " @saadaser " يرشح الزهد في [ونعم] في حال:

وان لقيته دون مايسوى ولا يستاهل
حط كلمة نعـْم في صندوق حفظ النعمه

[سعد بن عسير @saadaser]

@akaab1az صح بدنك يابو راكان وهذا من ذوقك .

[محمد بن سلمان بن عبد العزيز (Informal) @HRHMBNSALMAAN]

التأسيس في كلمات سمو ولي العهد رئيس مجلس الوزراء.

الأمير محمد بن سلمان بن عبدالعزيز آل سعود -يحفظه الله-

#يوم_بدينا 
#يوم_التأسيس

[SAUDI POPULAR @saudipopular]

رسميًا :

المملكة العربية السعودية تستضيف كاس العالم 2034م 🇸🇦
#كاس_العالم_2034

[سعد بن عسير @saadaser]

خيطي جروحي من خيوطك على شاني
قدام يهجرني ( اللا شـي ) و اهجره

_

يالحظة الصمت في وجدان وجداني
فضلك علي مثل فضل الماء على الشجره

[سعد بن عسير @saadaser]

أن لقيت الرجل عنده للمراجل كاهل
أمدحه من قلب و أدعم من يحاول دعمه

وان لقيته دون مايسوى ولا يستاهل
حط كلمة نعـْم في صندوق حفظ النعمه

[ناصر الثبيتي @naseralmohamed]

دكتور لا تنصب على عقلي الفخّ
عطني الكلام البيّن المقرحاني

ابي كلامٍ لاسمعه الجمل نخّ
ترا الصراحه عمرها غير فاني

تزخنّي بمهديّات العقل زخّ
كنّي مانيب انسان مثلك واعاني !

اخذتني في رحلة الموكب الجخّ
بين الطيور الطايرة والأماني

تأملات وجو شاطح وبرزخّ
وتميمه وطلسم وسحرن عماني

من كيمياء الاعصاب الى كيمياء المخ
اليا احترق سلك التمس سلك ثاني 💔

[سعد بن عسير @saadaser]

@poet_72 من ذوقك يابن مسعد

[سعد بن عسير @saadaser]

مدح بعض الناس للتاجر تقول عباده
وده يعبّر لكنه ,, مايعرف يعبّر

من غلوّه مابقى الا يبسط السجاده
ثم يستقبل محاسن صورته ويكبّر

[سعد بن عسير @saadaser]

@df64413406 صح بدنك ياعبدالمالك

[سعد بن عسير @saadaser]

@Salburaikiq8 صح بدنك يابو فلاح 😄

[سعد بن عسير @saadaser]

@fal7_112 صح بدنك يابو دغيم :)