Oversease🇵🇰 👧🇫🇷 @sib_dia - Twitter Profile

Pinned Tweet

5 months ago

مدینہ میں افطاری کے لیے مسجد قباء جانا ہوا تو عصر کی نماز کے بعد شام پانچ بجے گیٹ نمبر تین سو دس سے نکل کر روانہ ہوئے پانچ منٹ سفر طے کرنے کے بعد ایک پل آتا ہے جسے کبری بھی کہتے ہیں۰ کبری گزرتے ہی الیکٹرک گاڑیاں ملتی ہیں جو دس ریال لیتی ہیں اور مسجد قبا تک پہنچاتی ہیں۰ یہاں سے قباء کے لیے دو راستے جاتے ہیں اور دونوں سیدھے ہیں۰ ایک کھلا گراؤنڈ ہے جسے پارک کہا جا سکتا ہے یہاں لوگ قیام و طعام کرتے نظر آتے ہیں۰ ساتھ ہی پانی والے فوارے چلتے ہیں جسے واٹر ڈانس بھی کہا جاتا ہے۰ قباء کی طرف پیدل جائیں تو راستے میں کوئیت مسجد بھی آتی ہے ۰ اگر آپ دس منٹ پیدل چلتے ہیں تو الیکٹرک گاڑی کا سٹاپ آتا ہے جو چھ ریال لیتا ہے۰ راستے میں ایک کرکٹ گراؤنڈ بھی آتا ہے اور بازار تو آخر تک ساتھ رہتا ہے۰ اسی راستے سے اللہ کے رسول صلی اللہ علیہ والہ وسلم گزرے تو یہاں کی بچیوں نے مشہور قصیدہ پڑھا تھا۰ پیدل چلنے والوں کے لیے الگ اور الیکٹرک گاڑیوں کے لیے الگ راستہ ہے۰ اس راستے میں درخت بھی لگائے گئے ہیں اور اگر گرمی کا موسم ہو تو کولر پنکھے موجود ہیں جن سے پانی کا فوارہ بہتا ہے۰ بیس منٹ پیدل سفر طے کرنے کے بعد مین روڈ آتا ہے جسے کراس کریں تو الٹے ہاتھ پر مسجد جمعہ آتی ہے۰ مسجد جمعہ سے مزید مسجد قباء کا پیدل سفر پانچ سے آٹھ منٹ کا ہے اور اس کے مینار دور سے نظر آتے ہیں۰ مسجد قباء بہت وسیع اور خوبصورت مسجد ہے جس میں ایک ہی وقت میں ہزاروں لوگ افطاری کرتے نظر آتے ہیں۰ مسجد کے صحن میں کھجوروں کے درخت نظر ہیں جو قدرتی خوبصورتی کا منظر پیش کرتے ہیں۰ گاڑیوں کے لیے وسیع پارکنگ ہے اور یہاں ہماری پہنچ ہوئی تو جلدی سے افطاری کے دسترخوان پر بیٹھے آذان ہوتے ہی روزہ افطار کیا اور بعد نماز مغرب دو نوافل پوری قوم کے لیے پڑھے اور دو اپنے لیے پڑھے۰ پھر عشا تک مسجد کی سیر کی عشا کی نماز اور تراویح کے بعد مسجد کے سامنے موجود پرانی طرز کی بنی کچی مٹی کی چھوٹی چھوٹی جھونپڑی نما دکانوں کو گھوما کسی نے قہوہ پیا تو کسی نے گلاب کے پھولوں والی مشہور آئس کریم کھائی۰ انتہائی پرسکون ماحول میں اچھا وقت گزارنے کے بعد واپس ھوٹل آ گئے اور اگلے ھی دن پرنم آنکھوں سے واپسی کیلئے مدینہ سے جدہ روانگی لی۰ اور ابھ تک وہ منظر آنکھوں میں لئے دنیا داری نبھا رہے ھئں اس آس پر کہ کب دوبارہ ادھر جانا ھو گا

0

1

0

229

Oversease🇵🇰 👧🇫🇷

@sib_dia

Who to follow

Last Seen Users on Sotwe

Trends for you

Most Popular Users