سلطان بن عبدالعزيز

ماظَل مني غير ظِل !

[عبدالعزيز البدراني @AlBadraniM84]

قصيدة الشاعر الكبير عبدالله بن زويبن المعمري موجهة إلى الشاعر الكبير جزاء بن صالح بن سند الهليمة الحنتمي -رحمهما الله-، وقد تطرق فيها إلى جده "سند أخو ثنوا" أحد أشهر فرسان بني سالم في عصره.

يقول عبدالله:

أنا البارحة هيّض عليّه حمامٍ ناح
يجر اللحون من المسرة والأفراحي
نبش له جروحٍ بالحشى دمهن نضّاح
وأنا قبل كاميهن ما أبى السر ينباحي
اهوجس ومن جته الهواجيس ما يرتاح
تنام العيون المستريحة وأنا صاحي
يدقن قلبي دقة السلف بالمفتاح
ومثل ما يطق الطار في قصر الأفراحي
ويتلن قلبي تل ركبٍ من المسراح
يقرب مساهن واللواليح طفاحي
سواة الخشوف اللي تقافن مع الصحصاح
وساع النحور فخوذهن مثل الألواحي
لهن عند شغمومٍ يسد اللزوم مراح
يسلي نباه وللمواجيب نطاحي
على البيت من صوب الخلا ما يحط سناح
كريمٍ ببيته ضايق البال ينساحي
على دور ناسٍ دورهم قد مضى وانزاح
والأذكار تبقى والعرب رسمهم ماحي
وألا يا نديبي قم تولم بدون إلحاح
على اللي لها فوق المخايل تمرجاحي
تمروج، تمروج مومي السبق والجناح
على متنها توصل خبر ما أنت سواحي
توجه من العارض اليا ديرة الصباح
معك ما عليها غير كبتن وملاحي
توصل وصاتي يم قرمٍ وسيع شباح
على الخير واللي غير معنا وهو ناحي
جزاء الحنتمي عد الروى واترك الضحضاح
للأمجاد كسّابٍ وللقاف نقاحي
عزيز المناسب ما ذكر فيه عرق اشحاح
سلايل كرام وهو للأمجاد طماحي
طموحه يصمّل حرمة العفن للمطماح
تشوم لصبي الطيب عن راع الأرباحي
سخيٍ يقلط بالصحون الوساع فطاح
كريمٍ يعد بذبحة الحيل سفاحي
عليه الخسارة هينة والحياة كفاح
والأموال ترجع والخسارة بالأرواحي
سلايل رجالٍ باللقا ترخص الأرواح
هل الفزعة العجلة اليا صاح صيّاحي
اليا من ستر معسلات الشفايا طاح
سندهن سند مروي مذاليق الأرماحي
نهار اللقا ينطح ولا ينطحه نطّاح
تقطع عقايل ربع خصمه اليا طاحي
عقيدٍ يعزل اليا غزا ناقة المصلاح
حفيده بفعله يستحق التبجاحي
أبى أشكي عليك اللي ذبحني بغير سلاح
وكواني بمرقاعٍ كواياه نجاحي
وحذفني بوسط البير من طفة اللولاح
تحملت مع جور الزمن حمله الفاحي
تشفقت شوفه والبلا من حصاة رزاح
ولا أدري حصاة رزاح وش لون تنزاحي
عقب راح كن الدار سكانها الأشباح
غريبٍ مريبٍ في مسايه ومصباحي
أراجي وصوله مثل ما يرجي الفلاح
نباتٍ شقاه ومكسبه فيه متواحي
عسى الله يرده من غيابه مثل ما راح
لعل السنين تدور به مثل الأرياحي
نظمت القصيدة مثل ما ينظم المسباح
على ما طرا لي وأنت ماهر وسباحي
على مبتداها من نسيج الحرير وشاح
وعلى منتهاها عنبر العطر فواحي
وأصلي وأسلم عد ما يثمر التفاح
على المصطفى اللي بيّن الحق بإيضاحي.

[عبدالله بن دايس @QAbdullhsaad]

مع السلامه يا صديق السنوات
من منطلق كل من على الأرض فاني

وصلك معانات وفراقك معاناات
في الحالتين أنا معاني .. معاني

يؤسفني انك معي في كل الأوقات
واطول لقى من بيننا بـ الثواني

[. @Burgundy223]

بالله وش عرضك قدم الهبود الرموح
بعيرٍ يبرك الناقة على زارها
-محمد العازمي

حنا نباها منيحة مير ماهي مسوح
عيت على درها ما يكفي حوارها
-عبدالله بن ثايب

مب بسيط الحارثي ذا

[حفلات القصير @_806664]

١٤٤٨/٢/١٠هـ

رباعية👏🏻👏🏻

دوخي الشلوي × سفر الدغيلبي
عبدالله بن ثايب × محمد العازمي ™️

https://t.co/QwrMHL62lN

إنتاج /شركة القصير الاعلامية

[غريب @pro__q8]

" عيونك تشوف و خافي القلب ما ينشاف
حلوقٍ تجر الصوت و حلوق مخنوقه "
- صياف الحربي

[كساب @5b2z1]

الله عليك ي عناد الشيباني /
ابداع ابداع غير مستغرب لله درك مبدع

-
سليم سليم ويش .. اسوي بـ سدٍ باح
وانا ما طرالي عنه اسولف ولا انوه

عيوني تبى المسرا وقلبي يبى المسراح
وعقلي يقول : بكيفك اللي تبي سوه

تناقضت مع نفسي على حزة المرواح
مع ان الحزن في خاطري شاعمٍ ضوه

والارض الوسيعه ما تبي وصف والا ايضاح
سباريتها فيهااا .. عن الضيق تلهوه

تعبنااا نحسد الطير يوم ان معه جناح
وهو عيشته ف الارض مااهيب في جوه

سليم سليم عطني .. الجيب والمفتاح
ولا عاد ابيك تدور .. اللي منه خوه

معي ضيقةٍ يوم .. اتلقا الخلا تنزااااااح
يا زين الخلا .. حتى ولو دربه ايتوووووه

متاهاته ارحم من قلوبٍ مهيب اصحاح
ومن حاجةٍ لـ النفس .. ماهيب محلوه

على اني من اللي يعشق الصبر والإلحاح
لكن الليالي ما تبي .. ( صبر وفتوه )

ياكم حاجةٍ صديت عنها عشان ارتاح
مهوب اي حاجة .. لازم تصير بالقوه !

عقلت وقعنت بحظي ان قام والا طاح
انا مؤمن بحكم القدر خيره وسوه

من يعلق احلامه على رجعة اللي راح
مثل من حذف جثة حواره واخذ بوه !

حياتي بلد لكن .. ما تقبل .. السيااااح
وقلبي على قطع .. الدير عنده جروه

مانيب محدود اجامل الحاقد المزااح
واضيع بعض وقتي .. على ليته ولوه

ضعيفٍ تقول : يشيل فوقه حصاة ارزاح
على الدنفسه والغطرسه عايشٍ جوه

عرفنا دواء نقص الفتامين والأملاح
لكن البلا اللي ينقصه .. عرف ومروه ؟

مشاكل بعضنا .. ماتبي حرب والا سلاح
ولا فلسفة عالم .. ولا شاعر مفوه ..!

ياليت الورش فيها لبعض العقول اصلاح
ونقدر نصلح .. كل خربان .. ومشوه

[ناصر الحمادين @nalhmadeen]

ياخلي البال يازين الطواري
واحداً باله خلي ماهوب عايش !

[مبارك بن رادعه @MBnradah]

لا توصفني الدكتور والصيدليه
وانت تدري وش علومي وتعرف علاجي

والله إن قد لي إلى اليوم ثالث ضحيه
اتصنع وسع صدري وضحكة حجاجي

اتظاهر بقوي فالظروف القويه
وابتسم رغم حرماني وقو احتياجي

ليت قلبي حديد وليت نفسي جريه
في مواجهة مقادير الزمن الازدواجي

صار حتى القصيد اللي طروقه عذبه
اكبر اسباب ضيقة خاطري وانزعاجي

ودي أغيب وابعد فالفجوج الخليه
وانقطع مع طريق الانقطاع المفاجي

فاقد الضحك والهاجوس والمعنويه
كبر فقد العواجي في عوال العواجي

بعض الاحيان لولا الصبر والجاذبيه
يمكن اطير من نفسيتي وانحراجي

والصبر فالهوى واموره العاطفيه
اصعب من الصبر على الرفيق المزاجي

والمحب السحاوي طرقته مهمهيه
ينقطع في رجاها كل ممل وراجي

[غدير الثبيـتـي @Ghadeersth]

أبيات مهمة عندي يجب أن تكون أساس في تنشئة أي رجل من عمر الطفولة قبل التعليم ، لذلك راح احفّظ عيالي مستقبلاً أبيات بن حميد:

من لا يدوس الرأي من قبل ما ديس
عليه داسوه العيال القرومي

و من لا يقلط شذرة السيف و الكيس
تبدي عليه من الليالي ثلومي

و أيضاً أبيات يرددها والدي دائماً:

الرخامة مرقدٍ دافي
من بغاها ينسدح فيها

ليتها فالحزم تنشافي
كان ابطمرها و اخليها

وأبيات ابن سرور:
هو مادرى أن الجود يبغى تكاليف
سهر الليالي مقبلاتٍ مقافي

يبغى يدينٍ للعطايا مغاريف
ويبغى رجولٍ ماتمل الوقافي

و الصبر بنحور السنين السواحيف
اللي قساهن مثل حد الرهافي

[قاف @Qaf_96]

"اماكن لقانا كنها تنتظر .. مفقود
انا احس بالوحشه ليا جيتها لحالي"

- مالك الاسلمي

[حمود سرحان @7_ammoud]

كتب سعد بن جدلان الفصيح في قصيدة وطنيه ومنها قوله:
وللمرء فرصة عمر في الحياة:
تتاح الفرص ، والفرص لن تعود

اذا شئت للصيد طعماً لذيذ:
فخُذ صيدتك من أفامِ الأسود

[واحد/محترم @1_mohtrm]

اخيل برقً سرا منا شمالً قصاد
على المهامل ركد نـوْه ورد اخبره

وقعدت عقبه وانا ماعاد لي بالقعاد
ابا اتلقاه ولا ابي آخذه بـ آثره

يالله بمزنٍ ليا منه زبر واستقاد
قام يتقدا مداهيل الجهام امطره

من الذايقه والي يعرف اسم الشاعر يفيدنا

[سعود بن مبارك @Saud_almshly_]

يا طبيب انا ابخص بجرحي ولاتحرجني
أشكرك والشكر من قلبي بحجم أوجاعة

لاتحاول بـ الكلام الذرب تستدرجني
تسقط أسئلتك أمام أجوبتي الخداعة

لو تشخص حالتي ماتقدر تعالجني
والعلاج الي يعالجني ( قيام الساعة )

[سلطان بن عبدالعزيز @sltt_14]

@khalid_oun قصيـد الغزل ماعـاد احبـه ولا اغنـيـه
كتبته علـى شانـه وعفته على شـانـه

عبدالله ثايب

[متعب البقيلي @muteb_1191]

ضرب الرصاص الحيّ جلّاي الندم
لا قامت الفتنة تنقّض غيّها

فينا الملوك ازرت ماهو عاد الخدم
ف ثيابنا لا زال نقع دميّها

خصوم أبو سلمان تفنى من عدم
و سكوته امضى من كلام فميّها

لا وقّف الدنيا على ساق و قدم
يجلّس الحكمة على كرسيّها

[عبدالله السراهيد @Alsraheed]

الارض هذي غير عن كل الآراض
بـ آضمّها .. لين التراب يضمّني

من كثر ماآلمح في ملامحها بياض
صارت على وجه الخصوص تعمّني

حتى لو همومي طويلاتٍ عراض
هذي ( تشتتّني ) - وذيك تلمّني

ماهوب بس يهمّني همّ الرياض
اللي يهم أهل الخليج .. يهمني

[نواف بن سعد @nw2fs]

#شعر

مغيبك مغيب الصبر عن دمعة المكلوم
ورجوعك رجوع الدم في وسط شريانه

[عبدالمجيد الذيابي @Sh96F]

كل شيً يستثيرك من بريق ومن فخامه
لا وصلتي له يبي يفقد مزاياه الثمينه

التطرّف فالهوا ماهوب عكس الأستقامه
لا يقولون المحبه من طرف واحد غبينه

العبي في خافقً مهديك حبّه واهتمامه
مثل موجات الهبايب يوم تلعب بالسفينه

وان سترتي طعنة الايام بثياب الكرامه
قلت ماهو لازم تردين قلبي ياحسينه

لا يعوّد بالكسور ولايعوّد بالسلامه
المهم ان الصبابه ماتردّه عن حنينه

والله الله فالعذاب وفالعتاب وفالملامه
لاتخلين الضلوع العوج تشعر بالسكينه

[عبدالله ثايب @abdlylh_13]

كل ما الليل طول دون نور الصباح
شافة عيوني اللي مابعد شافته

أحسّد الطير بجناحين والا جناح
ماعلى الأرض باقي حاجتن لافته

عبدالله ثايب

[رفعان العرجاني @Refaan_alarjani]

اثر الصدر يزهِر ويخضر بعد الجفاف؟
يامرحبا يابكور الوسم عقب الدهر

انتي عوض كل يوم مْن السنين العجاف
اللي ضحى يومً مْن ايامها عن شهر

ان كنت قبلك من اصحاب القلوب النظاف
مازاد قلبي وجودك فيه .. غير الطهر

عن كل من ياخذون الروح فيك اختلاف
لو القهر يذبح الحساد ؟ .. ماتوا قهر

اجملهم النجمة اللي فـ الضحى ماتشاف
وانتي تطلين وتحجبين شمس الظهر

في وجهك الليل الاسود والسيوف الرهاف
وفيه العسل لاتكوّن .. والذهب لا انصهر

والعنق له مطلع .. ولا له نهاية مطاف
يشرف على جنةً يجري تحتَها نهر

يميل غصنك عليّ واحنه من القطاف
كيف اعتذر من ضميري لو قطفت الزهر؟

ماعاد اشوف البشر بعدك ولاعاد اخاف
الا على روحك وروحي لاطاب السهر

قد قلت احبك واكررها رضا واعتراف
ولو قلتها سر .. قالتها عيوني جهر