بَرّاق

ليتك على كبر الهقاوي تسنّعت
لكن ردي الساس مافيه حيله .

[بَرّاق @so_p1i]

يا مرحبا بالثنا والمدح من بدري
يا راعي الطيب والأفعال دلاّجه

يا بو عامر ومنهو يجهلك يذري
اسمك ينومس وثوب العز ديباجه

الضيق ما يقربك يا طيب الذكري
والحر مثلك يعرف الدرب ومنهاجه

راسك رفيعٍ وساسك بالوفا يسري
وقرمٍ بوقت الشدايد يضحك حجاجه

بَرًاق

[أبو عامر. @HS1com]

قفّلت باب التشرّه وانقفل صدري
قفلٍ حكمته بمفتاحه و مزلاجه

بضحك لو أن القهر يومي على قبري!
وش لي بحكيٍ وراه الناس هرّاجه

في سوق الأيام ذا بايع وذا يشري
والموقف الحرج ينهي الفلم واخراجه

ما للجفيّا عذر لو طلت في صبري
تذبحني الصده و تحرجني الحاجه….

الله ولا طلبة اللي ما حشم قدري
مثلي عرف مدخله من قبل مخراجه

ظنّيت بعض الأسامي ظلّها يذري
واثر السهل و الجبل ما بينها مواجه !!

إمّا نصيت الرجال اللي على خبري ..
ولاّ على الله علاج الضيق وافراجه

-أبو عامر.

[بَرّاق @so_p1i]

على بحر جده وكورنيشها المستباح
وقفت وأشوف وضعٍ يعمي الناظرين

شابٍ مع البنت والستر بالعلن طاح
أستغفر الله على جيلٍ غدوا ضايعين

يومين مرت وأنا في غربتي بان الكفاح
كن السنين تمر والقلب ماهو بلين

يا نجد جيتك وأنا كلي وله وارتياح
مشتاق لك شوق من غابوا له سنين

بّرًاق

[بَرّاق @so_p1i]

سلام يقطع الساحه وبثه في قروب قناد
سلام هيبته تسبق خطاه وتفعل افعاله

سرينا والبيوت العوج ناطاها بلا ميعاد
ومن معه جنون الشعر يثبت اقواله

انا جيت التحدي والمجارا والفتيل وقاد
ابي قرم يجر الصوت ويكرب حباله

من اللي بشعار القوم ياقف والعزوم جداد؟
يجاريني بقاف يطحن الصمان بزلاله

[بَرّاق @so_p1i]

يا طهَارة حلم عيّا على الدنيا يتوب
الملامح نور.. والرمش يذبح باختصار

كنّ في جرة خطاها تماتيل القلوب
لا مشت كِنّ الليالي تبدّل في نهار

درةٍ دونه مسافات وعيونٍ تهوب
صاغها الرحمن فتنة ولفتتها دمار

من يلوم اللي بـ حبك يضيع بالدروب؟
وأنت مطلع في قصيدة تصدّر كل دار

بَرَّاق

[بَرّاق @so_p1i]

يا مسندي والوقت يبرم.. وتدور العيوب
والناس في ضيقاتها ما يسرّك ردها

ما يرتكي للثقيلة.. كود شغمومٍ الطروب
اللي يعرف النايفة والظروف يحدها

البارحة ليل الهواجيس.. ما يبغى هروب
وعيني تخيل بروق والدمع ما سدها

نخيتك يا راعي الفزعة في كل النيوب
يوم إن بعض العرب غايبٍ عن حدها

بَرّاق

[بَرّاق @so_p1i]

هنيّ الذي ما غيّر البعد في شِربه
ولا شحّت ظروف الليالي على رجواه

أنا لولا غلاته ما وطيت الحفا دربه
ولا عشت في رجوى سرابٍ عجزت أطاه

على حروة وصاله تذوب أشعث الغربه
ويضوي ظلام الروح نورٍ من محيّاه

عسى الله يبلّ الكبد في لاهب الكربه
ويردّ الغياب اللي خذوا منّنا الجاه

بَرًاق

[أبو عامر. @HS1com]

على الصاحب الغايب بيوت الولع طربه
وأنا طمعٍ بشوفه وشفقٍ على ملفاه

ركونه وسط صدري غدت فالخلا خربه
وهي ما دهلها واحدن غير أنا وياه

أحبه وقلبي صافي الشوق هستربه
مثل واحدن هستر بعد ما التعب بكاه

عسى المبعد يجيبه دعاً صادق يقربه
يجيني على ودي ولو كان دون رضاه!

عطيته حقوق الحب بالكلمه الذربه
ألا ليته يقدّرني بجاهي اللي جاه…

-أبو عامر.

[بَرّاق @so_p1i]

خاويت سود الليالي وامتلى صدري
بأسرار حيٍّ يموت وما شكى عْلاجه

الرزق عند الكريم ومنطوي عذري
عن بارد الكف لو كثرت حواجه

أبني بيوت الشرف وأشيد بـ قصري
ولا طردت السراب وضاعت امْواجه

أموت ما جيت مـتـرجّي ولا مْـهـري
والحر يبشر بـ عزه يوم مخراجه

بَرًاق

[بَرّاق @so_p1i]

بين الدعاء والذكر والناس غافين
يفتح لك الله بـ الرضا كل هامه

من قام يرجى رحمة الخالق الحين
فاز بـ جنان الخلد يوم القيامه

نورٍ بوجهه من خشوع الملبين
يسعد نهارٍ بالهنى به علّامه

يا رب ثبتنا على منهج الدين
واجعل لنا في كل خطوه سلامه

بَرًاق

[بَرّاق @so_p1i]

أدوس جمر السنين ولا كشفـت أمري
واللي يبي الضلع يرقـى فوق مرقاجه

ما بعت وجهي لـ ناسٍ تجهل بـ قدري
لو طال ليل الـعـنا و اشتدّت أمـواجه

إن طبت.. طيبي لـ ربعي و الوفا ذخري
وإن شنت.. مانيب لـ الرديان هـراجه

أقفيت والراس شامخ و الـثـنا جـهري
ما يـلحق الـحـرّ فـي مـسـراه حاجه

بَرًاق

[بَرّاق @so_p1i]

على طريق الكرامة مـنتهي صبري
والنفس دونه عزيـزة حيـل محتاجه

لو صكّت بـ وجهي الأيام ما أدري!
ما جيت أدور من الأنذال مخراجه

ماني بـ من يتبع المقفي وهو يبري
ولا نيب من يرتجي لـ الـهـم فـراجه

الرزق عند الكريم ومنهجي شعري
والصمت أهيب من الحكّاي وإزعاجه

بَرًاق

[بَرّاق @so_p1i]

الراس نايف والهقاوي بعيده
ولا يهزني ريح الحسد والتفاهات

عزمي جبل وافعال كفي فريده
والمركز الاول طموح المهمات

بعض العرب نعطيه صافي وريده
وبعض العرب احذفه خلف المجرات

انا كذا والمجد عزمي يعيده
واللاش ماله في مقامي سجلات

بَرًاق

[بَرّاق @so_p1i]

يا وليف الروح يا قاصي ويا داني
يا غلاٍ يسري بدمي روحة وجيّة

من عرفتك والوله صوبه يقدّاني
لين صرت لضحكتك والشوق ماريّة

لا تخليني لـ جور الوقت وحداني
والظروف القاسية ما هي بـ عادية

اعتبرني في رجا وصلك بليهاني
صابرٍ وأرجو من الله طيب النيّة

بَرًاق

[بَرّاق @so_p1i]

يا سحاب الشوق مر وتعدى هالسحاب
بل ريق اللي من البعد يا خلي سقيم

صرت انا والليل والوجد وطوال الرقاب
كلنا نرجي وصالك وندعي يا كريم

لا تخليني رهين المواجع والغياب
انت تدري ان الهوى طعنته جرح قديم

يا غلا روح غدت بين وصلك والعذاب
مثل من يرجي من الله جنات النعيم

بَرًاق

[بَرّاق @so_p1i]

صح لسانك لا كتب حرفٍ ودرّاسه
شاعرٍ يزهر معانيها ويرويها

قافك شهد والقصايد طابت كاسه
والحضور اللي معك تزها لياليها

نسمع حروفك ونشهد زين نبراسه
شاعرٍ يرفع مقام الشعر ويحييها

دامك على هالدرب عزّك ومقياسه
تبقى القصايد بك وتفخر معانيها

بَرًاق

[عدهـان @li9wil]

يا ليل لا هبّ نسناس و كبر راسه
غنيت لي عصمةٍ عجزه معانيها

ما قبلها وبعدها بالعين نبراسه
روس العرب عندها عجله خطاويها

من قبل تصبح على الشعار مياسه
و من قبل لا اقبل على منهو يواليها

يوم القوافي من الشعار منحاسه
عقّبت شعارها و حطمت امانيها

نطقّت قافٍ من الساحه بـ قباسه
و اسرجت لي مهرةٍ كثرو معاديها

الفارق الي ما غير تطيّر نعاسه
ماشافت الا الغرور بـ زين طاريها

زيّنتها مْن الذهب لبستها الماسه
يا حلو حاضر سوالفها و ماضيها

- عدهان

[بَرّاق @so_p1i]

عزّ النفوس اللي على الطيب تنقاد
ما تنحني لو مال وقتٍ وجاها

نمشي على درب الشرف دون ميعاد
ونرفع جبين العز لو من قساها

نرخص غلا الدنيا ولا نرخص أجداد
ونصون قدرٍ بالمواقف نراها

وإن قالوا الطولات؟ قلنا بلا عدّاد
نختم فعول العز… والهيبة معاها

بَرًاق

[بَرّاق @so_p1i]

وعلموه إني على الوصل انتحاري
لو تروح الروح في درب الفلايح

وعلموه إن كان في قربه هقاوي
ما نبي عقب الهوى كود المدايح

وعلموه القلب في حبه شقاوي
بين لوعات الندم والهم طايح

وعلموه إن الهوى قسمة بلاوي
مير عزه فوق زينات الملايح

بَرًاق

[بَرّاق @so_p1i]

يا ضامي الوجد لا تارد على الجال
والنفس خضرا والأماني بعيدة

ما كل من يضحك مع الناس رجال
ولا كل من يكتب يجيب الفريدة

خلك جبل ما هزته ريح الأميال
ثابت وصمتك للحكايا عقيدة

وختامها يا طيب الفال والـفال
تبقى سنينك بالمسرة مديدة

بَرًاق

[بَرّاق @so_p1i]

عزّ شأنه بطيب الذكر والصدق بزّه
ما يهاب الدروب ولا يحسب العواجل

والكرم ما يبي بنكٍ ورصيدٍ يعزّه
يبي قلبٍ شجاعٍ للمواقف صاجل

أشهد إن المرجلة في ضميره مرزّه
لا طغى المال يبقى للجمالة يساجل

ما يذله زمانه لو بضيقٍ يكزّه
الفقر فقر النفس ما هي بقل المداخل

بَرًاق

[بَرّاق @so_p1i]

أبشر بقلبٍ لجل عينك عتيقه
ما غيّرته سنين.. ولا هدتّه أرقام

حبك وسامٍ في الضمير ونويقه
وعهدٍ عليّ ما ينمحي طول الأعوام

الوصل غاية.. والقطاعه عويقه
وظلم الهجر ينهش خفاياي بسهام

عمر الجفا ما بلّ للوصل ريقه
يا منوتي.. يكفي تعنّي وخصام

بَرًاق

[بَرّاق @so_p1i]

يازين واجهت انا زين الأوصاف
اللـي بـياضه كـنّـه الـشـاش عـاطر

الخصر مبري والروادف لها أطراف
من ثـقـلها يـمـشـي بـهـونٍ المـخـاطر

وصدرٍ فهاق وفيه رمان وقطاف
أشـغـل لـبـيـب العـقـل والبال شاطر

يـتعب عـيونٍ تـرقب الزين بـإسراف
ويكسر شـموخ اللي من البعد ناطر

بَرًاق