عدهـان

متذوق بالشعر ، وأقتطف اعذبه

[عدهـان @li9wil]

لو ان الشعر يدس ولا ماهوب يدس
انا الشاعر الي ماترك سلوم جدانه !

[عسر @7thrtk_]

مسايس الخبل لا أخطى بـ الكلام السمين
مثل الحيا من الوجيه اللي مهيب تخجل

أحيان خلّ العتاب تقوم فيه اليدين
وأختم عتابك قبل تقفي بـ وطيت رجل

ما كلّ واحد تشوفه معه عقلٍ فطين
حتى لو يجيك راسه كبر راس العجل

[ٌ @ajm7i]

أحبك لو يموت الحبّ ، و تصير القلوب قبور
و أنا مهما منحتك من غلاي .. أشعر بتقصيري

أحبك من هنا ، حتى طلوع الفجر ، حتى النور
صحيح انك قدر محتوم .. بس أجمل مقاديري .

[الريّس @83jmi]

والله أن أشدّ وأقسى محطات الحنين
حاجةٍ ماهيب في يدك بس تشوفها !

_ عناد الشيباني

[مزيد الوسمي @mzed_9]

خلوا السوالف يطش الراس ساردها
الصمت ماهوب اقل ازعاج من بوحه

خلوه من غير صادرها و واردها
ما احلى من الحاجة اليا جات مملوحه

الناس بالناس مدري ويش قاردها
ياليت كلٍ يروح يشوف مصلوحه

حنا بعد ما هجع بالنفس ماردها
صرنا نداريه مثل البن بالفوحه

واحلامنا اللي شحيحاتٍ مواردها
ماهي على طاولة الأيام مطروحه

ماعاد حتى البيوت ولا شواردها
تتلنا .. تلة الممزوع من روحه

اللي من اول تعبنا في مطاردها
الحين عادي وهي بالشبك مطروحه

[مـقـدام @jh_u9r]

أحاول إنّه مايفصل بيننا فاصل
حتى ولو " ينفصل " راسي من متوني

أشّر على ماتبي ؟ و اللي تبي حاصل
حتى و لو تطلب عيوني " من عيوني "

– جابر النشيرا

[عدهـان @li9wil]

يوم جيت ديار ابو سودٍ مظلّه
للقدم وقفة وللقلب إلتفاته

مختصرها فالسلام ورحمة الله
السلام ورحمة الله وبركاته

ودي آخذ عندهم فنجال دلّه
ونفسي أوّل من كلاني بالشماته

"يرفع الرجال صبرٍ في محلّه
ويرخص الرجال كثر محاولاته"

[َ @veteranskyz]

هوايّ العذب أنا مالي وطن غير العيون السود
خذيني في كنفها لين رمشك يبسط ظلاله

على كثر الوجيه اللي تبين وتختفي وتعود
أنا ما شفت مثلك يا غزالٍ شايفٍ حاله

تميل الريشه إللي فوق راسك مع هبوب النود
ليا جيتي ما بين الناس مغرورة ومختاله

ملامح يوسفيّة زينها راهي و لا محدود
أجمل من القمر وأجمل من عشرة من أمثاله

ليا قالوا لك انك فارقه قولي عليكم زود
عليكم زود و أزينكم وجه مشروب فنجاله

يا سبحان العظيم إللي فرق وجهك عن الموجود
يجي و الناس حوله جالسين و كنّه لحاله

أنا ما ودي أشكر في حياتي غير ابوك العود
مسوي له جمايل بعد ما جاب اجمل سلاله

عيون الناس لا لدّت على سلسالك المحسود
يحسدونه على طيب المكان وطيب الإطلاله

نحطك فالصدر ونحط في عين الحسود العود
عساه اليا نطق بالشين فال الله ولا فاله

حلفت ان الحزن ما يدخل بقلبك وانا موجود
أنا موجود لأجل أزينه و ازيّن أحواله

[عسر @7thrtk_]

الليل والله لو محاضيبه قريب
ما شبّ في صدري من الضيقه لهب

كنّي ليا واجهته مواجه طليب
يرسل علي نسناسه سهوم وشهب

قلبٍ على الصكات كنّه قلب ذيب
ما همه الوقت أن خذا ولّا وهب

واللي يهاب اليا لمح فـ الراس شيب
عادي لو أن قلبه يطير من المهب

دام النصيب يصيب والدنيا تجيب
يا خبل من لا لاوع الحاجة نهب

ووجهٍ ما تدري هو عدو ولا صحيب
أن جا هلا وأن روّح أبرك لا ذهب

حتى الحبيب أن غاب بدّل به حبيب
أهب لو تبكي على الأطلال أهب

أبعد عن اللي يضيق الكون الرحيب
وأقرب من اللي معدنه مثل الذهب

لو كلّ من فـ الأرض ينفع فيه طيب
ما وقّف بـ درب الرسول آبو لهب

أحدٍ لو تحطه على جرحك يطيب
وأحدٍ لو تحطه على الجرح ألتهب

[عدهـان @li9wil]

@The51USAnews دون الكويت أرواحنا تمضي بلاش
في ذمتي مافيه شيٍ نذخره

نطرب على صوت المدافع والكلاش
من دون حد الدار فينا هستره

واللي تمادى ماله إلا الموت كاش
ماهو بشايف غير حوش المقبره

[عدهـان @li9wil]

كنت احسب انك سارحٍ في عيوني
اثرك معي و انت فكرك مع الغير

يا خاين التفكير .. قمة جنوني
لا من تساوت جيّتي و المعاذير

مدري شسميه و لو عذربوني
مدري خيانة حب او حب تغيير

افرض بعدّيها و بقاوم شجوني
شالفايده ما عاد لي ايّ تأثير ؟

تعال نحسمها بحطم سكوني
تعبت من صمت يبي منك تفسير

لا صرت تقدر ؟ عيش عمرك بدوني
والله يذكر هالعلاقه على خير

- حمد السعيد

[عدهـان @li9wil]

@so_p1i صح لسانك يامبدع و عند وجهك 💐

[عدهـان @li9wil]

أنا مثل صقارٍ تولع في حبّ طير
ولف قلبه فروخ الشياهين وهبلته

تولعت في غروٍ غرير يتل السير
أبي نظرة من لفتة الحرّ و سبلته

صغيرٍ بسنّه غير عندي ما هو بصغير
يا مغلاه في قلبي و يا كبر منزلته

أجمع له سِمان الهرج خوفٍ من التقصير
و إذا جيت أبشرح له كلامي تهيزلته

يجيني منه هيبة معزّه سحى تقدير
أقابله عندي علم و أروح ما قلته

- سعد بن جدّلان

[عدهـان @li9wil]

@nasser511at1 صح بدنك 💐

[عدهـان @li9wil]

يا ليل لا هبّ نسناس و كبر راسه
غنيت لي عصمةٍ عجزه معانيها

ما قبلها وبعدها بالعين نبراسه
روس العرب عندها عجله خطاويها

من قبل تصبح على الشعار مياسه
و من قبل لا اقبل على منهو يواليها

يوم القوافي من الشعار منحاسه
عقّبت شعارها و حطمت امانيها

نطقّت قافٍ من الساحه بـ قباسه
و اسرجت لي مهرةٍ كثرو معاديها

الفارق الي ما غير تطيّر نعاسه
ماشافت الا الغرور بـ زين طاريها

زيّنتها مْن الذهب لبستها الماسه
يا حلو حاضر سوالفها و ماضيها

- عدهان

[عدهـان @li9wil]

@za73l عليك ، و صحبدنك 💐

[عدهـان @li9wil]

إن ماعذرك الخاطر اللي قابلك منت معذور
العذر ما تصلح معاه الترجمه والدبلجه

غيرك لو إني خاسر فيه القليل مْن الشعور
غض الطرف عن كل من حوله ووجّه وأتجّه

قصّرت بي وأنا ما لاحقني من الدنيا قصور
وأسرفت بي حب ومحنيّه وشوق وبهرجه

تكفى تغانمني قبل ما أجاور أصحاب القبور
أنا لو إني منك قمت بواجبي بـ أكمل وجه
— مزيد الوسمي

[عدهـان @li9wil]

الشاهد الله ما على غيرها قصور
لكنها أجمل "بنات المجرة"

تشعل لها القمرا من نجومها نور
وتشرق لها الشمس الضحوك بمسرة

وأنا لها عاشق وشاعر وجمهور
وقصايدي في عشقها "مستمرة"

وأحبها حبٍ رسم حلم وشعور
يخيلها .. باليوم مليوووون مرة

وتحبني حب ملأ عمري سرور
حبٍ منسيّني العنا والمضرة

والقلب قبل يحبها كان مهجور
وفي حبها ربّع على حين غرة

جاته كما غيثٍ حيا عشب و زهور
وأنبت مناقيع الشقى بأرض حرة

و والله ما في لغيرها بالفرح دور
و إنها الوحيدة بالحشا مستقرة

ومن دونها لو عشت أزمان ودهور
يا أحبها ولا كفى الحب " شرّه "

[عدهـان @li9wil]

عذبة الريق كاسيها عذاب القلوب
ليتها ما سقتني من طرف كاسها

لمعة البرق في عرض السحاب النصوب
في ثنايا ثـغـرهـا زان مـجلاسـها

جسمٍ معزل وعنقٍ جفته العيوب
لو سلم من ذهبها واطقم ألماسها

قبلة الله عـلى وجـهٍ يسد وينوب
عن إمهار الجزيره واطيّب افراسها

تلبس الجاذبيه والغنج لبس ثوب
وصيت أهلها عباةٍ تستر لباسها

كل عرقٍ جذبها نخبوي ومحسوب
فخمةٍ بـ الجمال وفخمه بـ ساسها

غيداً اخاف من شدة ترفها تذوب
لا طواها الحنين وطال هوجاسها

فتنة الروح نوب أقسى عليها ونوب
ممكن اطير لجل اطير عـماسها

قالت سنين عمري مقتفيها الشحوب
قلت أنا فـرحة سنينك ونـوماسها

ألعبي وإلك وجهي يالغزال اللعوب
لجلك أبيع دنيا وازهد بـ ناسها

باقي شوي واقصّر طوال الدروب
وآخذك للحياه ولذة احساسها

[عدهـان @li9wil]

اللي سواليفها عذبه.. وفيها عناد
ياحلوها كل ماقالت لي شعورها

حلوة نبأ، طيّبة مبدأ، وريثة شداد
اليا مشت فوق الأرض تطيّر طيورها

نشميّةٍ دونها اللي يحتمون البلاد
اللي على سرجها واللي على كورها

تستاهل العود الأزرق والبكار التلاد
والطرقة اللي توقفني على سورها

[عدهـان @li9wil]

25 & 26 فبرايّــر🇰🇼
﴿ رَبِّ اجعَل هذا البلدَ آمنا ﴾
#العيد_الوطني_الكويتي
#دولة_الكويت